Hayvonot va o‘simlik dunyosi obyektlarining davlat hisobini, ulardan foydalanish hajmlari hisobini va davlat kadastrini yuritish to‘G‘risida

2-bob. O‘simlik dunyosi obyektlari to‘g‘risida grafik shaklidagi kadastr ma’lumotlarini shakllantirish

4. O‘simlik dunyosi obyektlari to‘g‘risida grafik shaklidagi kadastr ma’lumotlarini (keyingi o‘rinlarda o‘simliklarning turlar bo‘yicha tarqalish rejasi deb ataladi)

shakllantirish uchun hududlarni rejalashtirishning sxematik xaritalari, qishloq xo‘jaligiga mo‘ljallangan yerlarning ichki xo‘jalik tuzilishi, davlat o‘rmon fondida esa o‘rmon

tuzilishining topografik materiallaridan asos sifatida foydalaniladi.

5. O‘simliklarning turlar bo‘yicha tarqalishining kadastr rejasi davlat tomonidan hisobga olinadigan obyektlar bo‘lgan yovvoyi holda o‘suvchi o‘simliklar yerlarini

xaritaga o‘rnatilgan shartli belgilarning katta-kichikligiga rioya etgan va ularni qo‘llagan holda, asosiy maydonlar (tayyorlash uchun ahamiyatli bo‘lgan) bo‘yicha konturlar

(poligonlar) ko‘rinishida batafsil kiritish hamda ularni ma’lum bir rang bilan shtrixlash orqali tuziladi.

6. O‘simliklarning turlar bo‘yicha tarqalish rejasining quyi qismida yovvoyi holda o‘suvchi o‘simliklar turlarini aks ettirish uchun foydalaniladigan shartli belgilar

grafik shaklida tegishli tushuntirishlar (o‘simlik turining nomi, ushbu turdagi o‘simlik egallagan maydon gektarlarda, uning identifikatsiya raqami) bilan birga ko‘rsatiladi.

7.  O‘simliklarning  turlar  bo‘yicha  tarqalish  rejasini  va  to‘ldirilgan  alifbo-raqamli  ma’lumot  shakllarini  (jadvallarni)  o‘qish  qulay  bo‘lishi  uchun  identifikatsiya

raqami  qo‘llaniladi.  O‘simliklarning  turlar  bo‘yicha  tarqalish  rejasiga  kiritiladigan  konturlar  (poligonlar)  1-raqamdan  boshlab  raqamlanadi  va  rejada  hamda  jadvallarda

ularning indentifikatsiya raqami hisoblanadi.

8.  O‘simliklarning  bir  turini  aks  ettirishda  rejaning  bir  qancha  konturlariga  (poligonlariga)  o‘simlik  turining  shakli  bo‘yicha  nomiga  mos  keladigan  bir  xil

identifikatsiya raqami qo‘yiladi.