Hayvonot va o‘simlik dunyosi obyektlarining davlat hisobini, ulardan foydalanish hajmlari hisobini va davlat kadastrini yuritish to‘G‘risida

2-bob. Hayvonot dunyosi obyektlari to‘g‘risida grafik shaklidagi kadastr ma’lumotlarini shakllantirish

4. Hayvonot dunyosi obyektlari to‘g‘risida grafik shaklidagi kadastr ma’lumotlarini (keyingi o‘rinlarda hayvonlarning turlar bo‘yicha tarqalish rejasi deb ataladi)

shakllantirish uchun hududlarni rejalashtirishning sxematik xaritalari, qishloq xo‘jaligiga mo‘ljallangan yerlarning ichki xo‘jalik tuzilishi, davlat o‘rmon fondida esa o‘rmon

tuzilishining topografik materiallaridan asos sifatida foydalaniladi.

5.  Hayvonlarning  idoraviy  mansub  hududda  turlar  bo‘yicha  tarqalishining  kadastr  rejasi  o‘rnatilgan  shartli  belgilarning  katta-kichikligiga  rioya  etgan  va  ularni

qo‘llagan holda, quyidagilarni xaritaga asosiy maydonlar (ahamiyatli bo‘lgan) bo‘yicha konturlar (poligonlar) ko‘rinishida batafsil kiritish hamda ularni ma’lum bir rang

bilan shtrixlash orqali tuziladi:

qushlar uchun — uyalash joylari, uchib o‘tish hududlari, qishlaydigan joylar;

sut emizuvchi, suvda ham, quruqlikda ham yashovchi, sudralib va o‘rmalab yuruvchi hayvonlar uchun — tarqalish joylari;

umurtqasiz hayvonlar uchun — tarqalish joylari, yuqori darajada zich bo‘lgan makonlar;

ovlanadigan baliqlar turlari uchun — tarqalish joylari.

6. Hayvonlarning turlar bo‘yicha tarqalish rejasining quyi qismida hayvonlar turlarini aks ettirish uchun foydalaniladigan shartli belgilar grafik shaklida tegishli

tushuntirishlar bilan birga (hayvon turining nomi, ushbu turdagi hayvon yashaydigan joylar maydoni gektarlarda va identifikatsiya raqami ko‘rsatilgan holda) qayd etiladi.

7.  Hayvonlarning  turlar  bo‘yicha  tarqalish  rejasini  va  to‘ldirilgan  alifbo-raqamli  ma’lumotlar  shakllarini  (jadvallarni)  o‘qish  qulay  bo‘lishi  uchun  identifkatsiya

raqami  qo‘llaniladi.  Hayvonlarning  turlar  bo‘yicha  tarqalish  rejasiga  kiritiladigan  konturlar  (poligonlar)  1-raqamdan  boshlab  raqamlanadi  va  rejada  hamda  jadvallarda

ularning indentifikatsiya raqami hisoblanadi.

8.  Hayvonlarning  bir  turini  aks  ettirishda  rejaning  bir  qancha  konturlariga  (poligonlariga)  hayvon  turining  shakli  bo‘yicha  nomiga  mos  keladigan  bir  xil

identifikatsiya raqami qo‘yiladi.