Hayvonot va o‘simlik dunyosi obyektlarining davlat hisobini, ulardan foydalanish hajmlari hisobini va davlat kadastrini yuritish to‘G‘risida

3-bob. Hayvonot dunyosi obyektlari davlat kadastrining tarkibi

33. Hayvonot dunyosi obyektlarining davlat kadastri yovvoyi hayvonlarning quyidagi turlar guruhida birlashtirilgan har bir turi (kichik turi) bo‘yicha ma’lumotlarni

o‘z ichiga oladi:

kamyob va yo‘qolib ketish xavfi bo‘lgan yovvoyi hayvonlar turlari;

muhofaza etiladigan tabiiy hududlarda yashaydigan hayvonlar turlari;

hayvonlarning ovlanadigan va sanoat turlari (shu jumladan baliqlar);

qishloq xo‘jaligi zararkunandalari bo‘lgan hayvonlar;

o‘rmon xo‘jaligi zararkunandalari bo‘lgan hayvonlar;

odam va hayvonlarning o‘ta xavfli yuqumli kasalliklarini tarqatuvchi hayvonlar;

hayvonlarning boshqa turlari.

34.  Hududni  kadastr  bo‘yicha  tekshirish,  hayvonot  dunyosi  obyektlarini  davlat  tomonidan  har  yili  hisobga  olish,  ulardan  foydalanish  hajmlarini  hisobga  olish

hayvonot dunyosi obyektlarining davlat kadastrini tuzish uchun asosiy axborot manbai hisoblanadi.

35.  Kamyob  va  yo‘qolib  ketish  xavfi  bo‘lgan  yovvoyi  hayvonlar  turlari  bo‘yicha  hayvonot  dunyosi  obyektlarining  davlat  kadastriga  kiritiladigan  ma’lumotlar

quyidagilardan iborat:

identifikatsiya raqami;

hayvon turining nomi;

turning tabiatni muhofaza qilish bo‘yicha maqomi;

taqsimlanishi (hududiy tarqalishi);

sonini hisobga olgan holda (ekspert) baholash;

turning populatsiya holati;

limitlovchi omillar;

foydalanish;

yashash muhitining holati;

muhofaza etish choralari;

iqtisodiy baholash.

---

16.01.2021

 914-сон 07.11.2018. Hayvonot va o‘simlik dunyosi obyektlarining davlat hisobini, ulardan foydalanish hajmlari hisobini va davlat kadastr…

https://lex.uz/docs/-4043624

4/46

36.  Muhofaza  etiladigan  tabiiy  hududlarda  yashaydigan  hayvonlar  turlari  bo‘yicha  hayvonot  dunyosi  obyektlarining  davlat  kadastriga  kiritiladigan  ma’lumotlar

quyidagilardan iborat:

identifikatsiya raqami;

hayvon turining nomi;

turning tabiatni muhofaza qilish bo‘yicha maqomi;

hisobga olish amalga oshirilgan muhofaza etiladigan tabiiy hududning nomi;

hisobga olish amalga oshirilgan maydon;

hisobga olingan hayvonlar soni;

turning populatsiya holati;

foydalanish;

iqtisodiy baholash.

37. Ovlanadigan hayvonlar turlari bo‘yicha hayvonot dunyosi obyektlarining davlat kadastriga kiritiladigan ma’lumotlar quyidagilardan iborat:

identifikatsiya raqami;

hayvon turining nomi;

turning maqomi;

ovchilik-baliq ovlash xo‘jaligining nomi;

hisobga olish amalga oshirilgan maydon;

hisobga olingan hayvonlar soni;

tur yashaydigan hududdagi (muhitdagi) hayvonlar soni;

turning populatsiya holati;

yashash muhitining holati;

foydalanish;

qo‘riqlash choralari;

iqtisodiy baholash.

38. Ovlanadigan baliqlar turlari bo‘yicha hayvonot dunyosi obyektlarining davlat kadastriga kiritiladigan ma’lumotlar quyidagilardan iborat:

identifikatsiya raqami;

turning nomi;

turning maqomi;

suv havzasining nomi;

suv havzasining maydoni;

sonni ekspert baholash;

turning populatsiya holati;

yashash muhitining holati;

foydalanish;

iqtisodiy baholash.

39. Qishloq xo‘jaligi zararkunandalari bo‘lgan va o‘rmon xo‘jaligi zararkunandalari bo‘lgan hayvonlar bo‘yicha hayvonot dunyosi obyektlarining davlat kadastriga

kiritiladigan ma’lumotlar quyidagilardan iborat:

identifikatsiya raqami;

hayvon turining nomi;

turning maqomi;

xo‘jalikning (hududning) nomi;

tarqalish maydoni, zararlangan maydon;

turning soni;

turning populatsiya holati;

o‘rtacha zararli va zararni iqtisodiy baholash.

40. O‘ta xavfli yuqumli kasalliklarni tarqatuvchi hayvonlar bo‘yicha hayvonot dunyosi obyektlarining davlat kadastriga kiritiladigan ma’lumotlar quyidagilardan

iborat:

identifikatsiya raqami;

hayvon turining nomi;

turning maqomi;

hisobga olish joylari uchastkalarining nomlari va geografik koordinatalari ko‘rsatilgan holda taqsimlanishi (hududiy tarqalishi);

turning soni;

turning populatsiya holati;

foydalanish;

iqtisodiy baholash.