Hayot faoliyati xavfsizligi” kafedrasi «Hayot faoliyati xavfsizligi» fanidan laboratoriya ishini bajarishga doir uslubiy ko'rsatmalar Navoiy-2021

ISH BOSHLASHDAN OLDINGI

ХAVFSIZLIK ТALABLARI
• Barcha nazarda tutilgan himoya vositalari va o’t o’chirgichlarning mavjudligi hamda yaroqliligini tekshirish zarur.

• Ish joyida elektr qurilmalarni ajratib-ulagichga va laboratoriya xonasidagi umumelektr rubilnigiga ( elektr ajratgichga) ulanishiga imkon bor-yo’qligini tekshirish zarur.

• Ishga aloqador bo’lmagan asboblar va ish joyidagi ortiqcha predmetlarni yig`ishtirib olish lozim .

ISH VAQТIDAGI ХAVFSIZLIK ТALABLARI

• Mashg`ulot davrida faqatgina o’qituvchining topshirig`ini yoki laboratoriya mavzusida ko’zga tutilgan ishlarni bajarish lozim.

• Laboratoriya qurilmasi, o’lchov asboblari va uskunalari texnik jihatdan soz bo’lishi shart.

• Elektr sxemalarini yig`ish (o’rnatish) faqat belgilangan elektr jihozlarida o’tkaziladi. Тok o’tkazuvchi simlarni ulashda (biriktirishda) uning sirti ishonchli izolyatsiyalangan (himoyalangan), ularning uchlari kavsharlangan bo’lishi shart .

• Elektr jihozlari yerga ulangan yoki nol o’tkazgichga ulangan taqdirdagina ularga kuchlanishni uzatish mumkin.

• Elektr tokidan jarohatlanishning oldini olish uchun qo’l bilan klemma( o’tkazgich)ga va boshqa tok o’tkazuvchi detallarga tegish taqiqlanadi.

• Faza-nol tugunlarida qarshilikni o’lchash dielektrik qo’lqop, rezina gilamcha yoki dielektrik botilarda o’tkaziladi.

• Agar asboblar va jihozlar ishlaganida biror-bir nosozliklar vujudga kelsa, ular tezda elektr kuchlanishidan ajratiladi.

• Laboratoriya xonasidagi ish joyida yong`in chiqadigan holat vujudga kelishining oldini olish uchun chekish va ochiq alangadan foydalanish taqiqlanadi. Yong`inni o’chirish mavzusini o’rganish uchun o’tkaziladigan mashg`ulot laboratoriya xonasidan tashqarida ochiq maydonda bajariladi.