Hayot faoliyati

Yodingizda bo‘lsin:

Jabrlanuvchi o‘z tanasining harakatini nazorat qila olmasligi

yodingizda bo‘lsin! Jabrlanuvchini to‘xtatib qolishga yoki biron

tarzda tutib turishga urinmang. Odatdagidek, birinchi yordam

ko‘rsatishning asosiy tamoyillariga amal qiling! Tortishishda

birinchi yordam ko‘rsatish jarohat olishdan saqlanishga va nafas

olish yo‘llari o‘tkazuvchanligini ta’minlashga qaratilgan bo‘lishi

lozim.

Hushdan ketish

Hushdan ketish – miyaga qon oqimi vaqtincha kamayishi

natijasida qisqa vaqt hushni qisman yoki to‘la yo‘qotish. Hushdan

ketish emotsional ta’sir ostida, masalan, qon ko‘rganda yuz

berishi mumkin. Ba’zan og‘riq tufayli, tibbiy xususiyatga ega sabablar

(masalan, yurak xastaligi), bir joyda uzoq vaqt turib qolish

yoki toliqish natijasida sodir bo‘lishi mumkin. Ayrim odamlar,

masalan qariyalar, homilador ayollar tanasining holati keskin

o‘zgarishi: o‘tirgan holatdan to‘satdan turib yurib, dastlabki

qadamlarni tashlashi yoki yotgan holatdan jadal oyoqqa turishi

natijasida ham hushdan ketishi mumkin.