Hayot faoliyati

Elektr shikastlanishlar belgilari va alomatlari

-To‘satdan qarsillagan tovush eshtilishi yoki yorug‘lik

chaqnaganday bo‘lishi.

23

-Jabrlanuvchining yaqinida usti ochiq elektr toki manbayi

bo‘lishi.

-Jabrlanuvchi behush holatda bo‘lishi.

-O‘zini g‘alati tutishi.

-Teri ustida aniq kuygan joylar uchrashi.

-Nafas olishi buzilishi.

-Tomir urishi zaif, aritmik yoki umuman bilinmasligi.

-Odatda, qo‘l panjalari va oyoq kaftlarida uchraydigan,

elektr zaryadi kirgan va chiqqan joylar.

Elektrdan kuyishda birinchi yordam ko‘rsatish

Doimo birinchi yordam ko‘rsatish tamoyillariga amal qiling.

Maxsus yordam ham ko‘rsating.

1. Elektr manbayi uzib qo‘yilganiga amin bo‘lmasangiz,

elektr tokidan jabrlangan odamga hech qachon yaqinlashmang.

Agar hodisa sodir bo‘lgan joyda elektr uzatish liniyasi simlari

yotganini ko‘rsangiz, o‘t o‘chirish komandasi yoki elektriklar

brigadasi kelishini kuting. Agar usti ochiq sim avtomobil korpusida

yotgan bo‘lsa, odamlarga mashinada o‘tirishni maslahat

bering.

2. Birlamchi ko‘zdan kechirishda nafas olishning buzilishi

yoki yurakning to‘satdan to‘xtashi belgilarini diqqat bilan

kuzating.

3. Ikkilamchi ko‘zdan kechirishda chiqish jarohatini ko‘zdan

kechirishni unutmang: doimo ikkita kuyikni izlang. Kuygan

joyga stiril bog‘lam qo‘ying.

Ana shunday oddiy choralarni ko‘rish shikastlangan kishining

hayotini saqlab qolishga yordam beradi.