Hayot faoliyati

Elektrdan kuyish

Elektrdan kuyishning oldini olish uchun quyidagi

tavsiyalarni bajaring:

-elektr uskunalardan hech qachon suv yaqinida

foydalanmang;

-eskirgan elektr shnurlarni tashlab yuborish yoki ta’mirlash

kerak;

-uyda kichkina bolalar bo‘lsa, elektr rozetkalarni ulardan

yaxshilab ehtiyotlaganingizga ishonch hosil qiling.

Elektr toki odam tanasi orqali o‘tar ekan, uni qizdiradi, bu

esa kuyishga olib kelishi mumkin. Bunda jabrlanuvchining

elektr toki kirgan va chiqqan joylarida jarohat ko‘rinadi. Bu

kuyik ko‘rinishdan ahamiyatsizga o‘xshasa-da, aslida ancha

og‘ir bo‘ladi, chunki ichki to‘qimalar jiddiy jarohatlangan

bo‘lishi mumkin. Elektrdan kuyish, odatda, chuqur bo‘ladi.

Elektr toki urishi, kuyishdan tashqari boshqa muammolarni

ham yuzaga keltiradi. Elektr toki yurak aritmiyasini keltirib

chiqarishi va hatto yurak to‘xtashiga ham olib kelishi mumkin.

Jabrlanuvchining nafas olishi ham to‘xtashi mumkin.