Hayot faoliyat xavfsizligi

Xavfli ishlab chiqarish obyektlarida Signal tizimlari.
Ba’zi bir xavfli vaziyatlarda ogohlantirish vositasi sifatida signal tizimlaridan foydalaniladi. Bajaradigan vazifasiga ko`ra signal vositalari amaliy ogohlantiruvchi va belgilovchi turlarga bo`linadi. Bundan tashqari tovushli va ko`rinadigan bo`lishi mumkin.
Tovushli signal tizimiga sirena qo`ng`iroq, gudok va boshqalar kiradi. Ko`rinadigan turlariga har xil yorug`lik tarqatuvchi vositalari yordamida qizil, sariq, ko`k va boshqa ranglar yordamida xavf darajalarini belgilash va ularga kerakli bo`lgan harakatlari bilan javob berish tartibi belgilangan.
Tovush yordamida beriladigan signal sanoat korxonasi muhitida bo`lishi mumkin bo`lgan har qanday tovush va shovqinlardan farqli iloji boricha quyi chastotadagi (2000 Gs gacha) tovushdan tashkil topgan bo`lishi va sexning har bir nuqtasida keskin eshitilishni ta’minlashi kerak.
Maxsus muhofaza vositalari. Har xil mashina va mexanizmlarni
loyihalash vaqtida maxsus muhofaza vositalaridan keng foydalaniladi. Bularga mashinalarni bir necha ishlatish tugmalari yordamida boshqarish (masalan press qurilmalarini ishlatganda oyoq bilan bosiladigan pedal va qo`l bilan ulaydigan tugmalar bor) tizimiga ega bo`lgan shamollatish vositalari, yoritish manbalari va
yoritish qurilmalari, shovqinni so`ndirish, izotoplardan saqlash va tashish vositalari, dastgohlarni yerga ulab muhofazalash va boshqa elektr toki urish ta’sirini yo`qotishga qaratilgan muhofazalash chora-tadbirlari va boshqalarni kiritish mumkin.
Maxsus muhofaza vositalaridan sanoat korxonalarining ishlab chiqarish sharoitlarida har qanday xavfli va zararli sanoat omillari bo`lgan joylarning deyarli hammasida foydalaniladi. Sanoat korxonalarida shuningdek, bepul berilishi kerak bo`lgan maxsus ish kiyimlari, oyoq kiyimlari va shaxsiy muhofaza aslahalari ham belgilab qo`yiladi.
Ishlab chiqarishdagi zararli omil – ma’lum bir shart-sharoitda ishlovchilarga ta’sir etishi natijasida kasallanish, ish qobiliyatining pasayishi va (yoki) keyingi avlodlar sog‘lig‘ida salbiy o‘zgarishlarga olib keladigan ishlab chiqarish omil hisoblanadi.Bunday zararli omillarga neft mahsulotlari (benzin, dizel yonilg‘isi va boshqa uglevodorodlar bug‘lari), pestitsidlar, gerbitsidlar, mineral o‘g‘itlar, turli changlar, aerozollar, shovqin, infratovush, ultratovush, titrash, noqulay mikroiqlim ko‘rsatkichlari, past yoki o‘ta yuqori darajada yoritilganlik, yorqiroqlik va boshqalar kiradi. Miqdor ko‘rsatkichlariga (konsentratsiyasi, darajasi va boshqa) va ta’sir qilish vaqti davomiyligiga bog‘liq ravishda ishlab chiqarishdagi zararli omil ishlab chiqarishdagi xavfli omilga aylanishi mumkin. Masalan ishlab chiqarishdagi changlar, gazlar, aerozollar, turli nurlanishlar miqdoriy ko‘rsatkichlariga va ta’sir qilish vaqti davomiyligiga bog‘liq ravishda yoki zararli yoki xavfli omil bo‘lishini ko‘rsatish mumkin.