Harbiy-texnik instituti rasulova nodira sardarovna

 
KPSSNING O‘ZBEKISTON SSR HUDUDIDA MULKI TO‘G‘RISIDA 
Respublika mehnatkashlarining ko‘pdan-ko‘p istak va talablarini, jamiyatda 
sodir bo‘layotgan yanada demokratiyalash jarayonlarini e’tiborga olib, O‘zbekiston 
SSRning Davlat mustaqilligi to‘g‘risidagi Deklaratsiyasiga va SSSR Prezidentining 
«Sovet Ittifoqi Kommunistik partiyasining mulki to‘g‘risida» 1991-yil 24-avgustdagi 
Farmoniga amal qilib: 
1. Sovet Ittifoqi Kommunistik partiyasining O‘zbekiston SSR hududidagi 
butun mulkini respublika mulki, ya’ni umumxalq mulki deb e’lon qilaman. 
2. O‘zbekiston SSR Prezidenti huzuridagi Vazirlar Mahkamasi va joylardagi 
xalq deputatlari Sovetlari ushbu Farmonni ro‘yobga chiqarish borasida zarur ishlarni 
amalga oshirib, respublika mulki deb e’lon qilingan qonunlarga muvofiq 
foydalanishni ta’minlasinlar. 
Mazkur Farmon imzolangan paytdan boshlab kuchga kiradi. 
 
O‘zbekiston Sovet Sotsialistik Respublikasi Prezidenti I.KARIMOV 
Toshkent sh., 
1991-yil 29-avgust, 
PF-239-son 
(O‘zbekiston Respublikasi Oliy Kengashining Axborotnomasi, 1991-y., 10-son, 220-
modda) 
https://lex.uz/ru/docs/192010?twolang/true 

---

127 
O‘ZBEKISTON RESPUBLIKASINING QONUNI 
 
O‘ZBEKISTON RESPUBLIKASINING DAVLAT MUSTAQILLIGI 
ASOSLARI TO‘G‘RISIDA 
O‘zbekiston Respublikasining Mustaqillik deklaratsiyasiga va O‘zbekiston 
Respublikasining Davlat mustaqilligi to‘g‘risidagi Bayonotga asoslanib, O‘zbekiston 
Respublikasining Oliy Kengashi ushbu Qonunni qabul qiladi. 
1-modda. 
O‘zbekiston Respublikasi, o‘z tarkibidagi Qoraqalpog‘iston Respublikasi 
bilan birga mustaqil, demokratik davlatdir. 
2-modda. 
O‘zbekiston Respublikasining xalqi suverendir va u respublikada davlat 
hokimiyatining birdan-bir sohibidir. U o‘z hokimiyatini ham bevosita, ham vakillik 
idoralari tizimi orqali amalga oshiradi.