Harbiy-texnik instituti konstitutsiyaviy huquq

Birinchidan
, vazirliklar, davlat qo’mitalari, idoralar hamda davlat 
boshqaruvining boshqa organlari haqidagi nizomlar Vazirlar Mahkamasi 
tomonidan tasdiqlanadi. 
Ikkinchidan
, Vazirlar Mahkamasi vazirliklar, davlat qo’mitalari, 
idoralar hamda O’zbekiston Respublikasi Davlat budjeti hisobidan 
ta’minlanadigan davlat boshqaruvi boshqa organlarining markaziy devoni 
xodimlari sonini va ular ta’minotiga ajratiladigan mablag’lar miqdorini 
belgilaydi.
Uchinchidan
, Vazirlar Mahkamasi vazirliklar, davlat qo’mitalari va 
davlat boshqaruvining boshqa organlarini tuzish hamda tugatish to’g’risida 
O’zbekiston Respublikasi Prezidentiga taqdimnomalar kiritadi. Bu 
kabi taqdimnomalarni tayyorlash va O’zbekiston Respublikasi 
Prezidentiga kiritish tartibi Vazirlar Mahkamasi tomonidan belgilanadi.
To’rtinchidan
, vazirlar va davlat qo’mitalari raislarining o’rinbosarlari 
O’zbekiston Respublikasi Prezidenti tomonidan lavozimga tayinlanadi va 
lavozimidan ozod etiladi. Shuningdek, davlat boshqaruvi boshqa 
organlarining rahbarlari va ularning o’rinbosarlari, agar qonun hujjatlarida 
boshqacha qoida nazarda tutilmagan bo’lsa, O’zbekiston Respublikasi
Prezidenti tomonidan lavozimga tayinlanadi va lavozimidan ozod etiladi.
Beshinchidan
, Vazirlar Mahkamasi o’zi tomonidan tashkil etiladigan 
xo’jalik boshqaruvi organlarining rahbarlarini O’zbekiston Respublikasi 
Prezidenti bilan kelishilgan holda tasdiqlaydi. 
Oltinchidan
, davlat boshqaruvi organlari hay’atlarining a’zolari, 
shuningdek, hukumat tomonidan tashkil etiladigan xo’jalik boshqaruvi
organlari boshqaruvlarining a’zolari Vazirlar Mahkamasi tomonidan 
tasdiqlanadi. 
Ettinchidan
, Vazirlar Mahkamasi zarurat bo’lganda o’z vakolatiga
kiruvchi davlat boshqaruvining ayrim masalalarini hal etishni, agar bu
masalalarning hal etilishi qonun hujjatlarida O’zbekiston Respublikasi 
Hukumatining mutloq vakolatlariga kiritilgan bo’lmasa, vazirliklar, 
davlat qo’mitalari va o’z bo’ysunuvidagi davlat boshqaruvi boshqa
organlariga berishi mumkin.
Sakkizinchidan
, Qonunning 7-moddasiga ko’ra, Vazirlar Mahkamasi 
vazirlik, davlat qo’mitasi, idoralar hamda davlat va xo’jalik 
boshqaruvining boshqa organlari faoliyatini nazorat qilish bo’yicha muhim 
funksiyani amalga oshiradi. Bundan tashqari, Vazirlar Mahkamasi 

---

549 
vazirliklar, davlat qo’mitalari, idoralar hamda davlat va xo’jalik 
boshqaruvi boshqa organlarining hujjatlari amaldagi qonun hujjatlariga
zid bo’lgan hollarda ularni bekor qilish huquqiga ega.
Yuqoridagilardan kelib chiqib, Konstitutsiya hamda “O’zbekiston 
Respublikasi Vazirlar Mahkamasi to’g’risida”gi Qonun normalariga 
asosan hukumat faoliyatining asosiy yo’nalishlari sifatida quyidagi 
sohalarni ajratish mumkin: iqtisodiyot, ma’muriy-siyosiy, ijtimoiy-
madaniy sohalardagi faoliyat. 
Nazariy jihatdan olganda hukumat faoliyatining asosiy 
yo’nalishlarini yanada aniqroq ko’rsatish mumkin. Masalan, rus olimi 
M.V.Baglayning fikricha hukumat faoliyatining asosiy yo’nalishlari 
quyidagilardan iborat: siyosiy sohadagi faoliyat; ma’muriy-boshqaruv
sohasidagi faoliyat; qonunchilik sohasidagi faoliyat; tashqi siyosat 
sohasidagi faoliyat; iqtisodiyot sohasidagi faoliyat; ijtimoiy sohadagi 
faoliyat va hokazo
224
. 
Tabiiyki, Vazirlar Mahkamasining vakolatlari avvalambor, o’zining 
faoliyati yo’nalishlaridan kelib chiqib belgilanadi. Vazirlar Mahkamasi ijro 
etuvchi hokimiyatni namoyon qilar ekan, qonun chiqaruvchi va sud 
hokimiyatidan farqli ravishda, ijro etuvchi faoliyatini amalga oshiradi. 
Oliy Majlis tomonidan qabul qilingan qarorlar, Prezident farmonlari, 
qarorlari va farmoyishlari bajarilishini ta’minlaydi, shuningdek, ijroiya 
hokimiyati tarkibiga kiruvchi davlat organlari ustidan boshqaruvni amalga 
oshiradi. O’zbekiston Respublikasida Vazirlar Mahkamasining vakolatlari 
aynan shulardan kelib chiqqan holda belgilangan.
Bosh vazir: 
1) Vazirlar Mahkamasi faoliyatini tashkil etadi va unga rahbarlik 
qiladi, uning samarali ishlashi uchun shaxsan javobgar bo’ladi;
2) Vazirlar Mahkamasining majlislarida raislik qiladi, uning 
qarorlarini imzolaydi; 
3) xalqaro munosabatlarda Vazirlar Mahkamasi nomidan ish ko’radi 
hamda hukumatlararo shartnomalar va bitimlarni imzolaydi; 
4) O’zbekiston Respublikasi Prezidenti bilan kelishilgan holda Bosh 
vazirning o’rinbosarlari o’rtasida vazifalarni taqsimlaydi; 
224