Harbiy-texnik instituti konstitutsiyaviy huquq

Prezidentning respublika davlat va davlat boshqaruv oliy 
organlarining o’zaro hamkorligini ta’minlashdagi vakolatlari keng 
qamrovlidir
. 
Davlat hokimiyati va boshqaruv organlarining bahamjihat ishlashini 
ta’minlash uchun Prezident konstitutsiyada ko’rsatilgan boshqa vositalardan 
ham foydalanish imkoniyatiga ega. Chunki u to’g’ridan-to’g’ri umumiy 
saylovlarda xalq topshirgan siyosiy mandatga ega. 
O’zbekiston Respublikasining Prezidenti qonunlarni imzolaydi
. 
Prezidentning imzosi bo’lmasa, qonun kuchga kirmaydi. Bu davlat 
boshlig’ining an’anaviy funksiyasi bo’lib, qonunga majburiy kuch beradi va 
qonun chiqaruvchilik jarayonini yakunlaydi. 
O’zbekiston Respublikasi Prezidenti qonunni o’z e’tirozlari
bilan O’zbekiston Respublikasi Oliy Majlisiga qaytarishga haqli
. 
Agar qonun avvalgi qabul qilingan tahririda tegishincha 
O’zbekiston Respublikasi Oliy Majlisining Qonunchilik palatasi 
deputatlari va senati a’zolari umumiy sonining kamida uchdan ikki 
qismidan iborat ko’pchilik ovozi bilan ma’qullansa, qonun O’zbekiston 
Respublikasi Prezidenti tomonidan o’n to’rt kun ichida imzolanishi va 
e’lon qilinishi kerak.
Qonunlarning va boshqa normativ-huquqiy hujjatlarning 
matbuotda e’lon qilinishi ular qo’llanilishining majburiy shartidir. 
O’zbekiston Respublikasi Prezidentining favqulodda holat 
masalasidagi vakolatlari Konstitutsiyaning 93-moddasi 19-bandida aniq 
ifodalangan. Faqat Prezidentgina butun respublika hududida favqulodda 
holat joriy etishga haqli. U qabul qilgan qarorini uch kun mobaynida Oliy 
Majlisning palatalari tasdig’iga kiritadi. 
Lekin Prezident bunday qarorni qabul qilishda erkin emas, chunki 
favqulodda holat faqat qonunda belgilangan hollarda va tartibdagina joriy 
etiladi.
O’zbekiston Respublikasi Prezidentining harbiy sohadagi vakolatlari 
ham salmoqlidir
. U Respublika Qurolli Kuchlarining Oliy Bosh qo’mondoni 
hisoblanadi, Qurolli Kuchlarning oliy qo’mondonlarini tayinlaydi va 
vazifasidan ozod qiladi, oliy harbiy unvonlar beradi. 
Prezidentning Oliy Bosh qo’mondon ekanligi Mudofaa vazirligiga har 
qanday qonuniy buyruqlar berishiga imkon tug’diradi. Mudofaa vaziri 
amalda bevosita Prezident rahbarligida ishlaydi. Urush yoki agressiya
holatida Prezident har qanday vaqtda qurolli kuchlarga boshchilik qilishni 
o’z zimmasiga olishi mumkin. 

---

518 
O’zbekiston Respublikasi Prezidenti tajovuzdan mudofaa qilish 
yuzasidan tuzilgan shartnoma majburiyatlarini bajarish zaruriyati 
tug’ilganda urush holati e’lon qilishga haqli, u bu qarorini uch kun 
mobaynida mamlakat Oliy Majlisi tasdig’iga kiritadi. 
Davlat boshlig’i sifatida O’zbekiston Respublikasi Prezidentining 
vakolatlari jumlasiga fuqarolik, siyosiy boshpana berish, O’zbekiston 
Respublikasining davlat mukofotlari bilan taqdirlash, avf etish 
to’g’risidagi hujjatlarni qabul qilish va gunohidan kechishni amalga
oshirish kabi masalalarni hal qilish ham kiritilgan. 
O’zbekiston Respublikasi Prezidenti tomonidan qariyb ikki yil 
davrida uzoq yillar mamlakatimizda istiqomat qilib, jamiyat ravnaqiga 
munosib hissa qo’shib kelayotgan va biz bilan vatandosh bo’lishni orzu 
qilgan 2 ming 528 nafar shaxs O’zbekiston Respublikasi fuqaroligiga 
qabul qilindi
1
. 
O’zbekistonda yagona fuqarolik joriy etilgan bo’lib, unga qanday 
asoslarda ega bo’lishidan qat’iy nazar, barcha uchun tengdir 
(Konstitutsiyaning 21-moddasi). Fuqarolikka ega bo’lish va uni 
yo’qotishning asos va tartiblari «