Harbiy-texnik instituti konstitutsiyaviy huquq

5-§. Quyi ixtisoslashtirilgan sudlar 
Jinoyat ishlari bo’yicha sudlar.
Jinoyat ishlari bo’yicha sudlar asosan 
jinoyat ishlarini va shu jinoyat ishi doirasida jinoyatdan kelib chiqadigan 
zarar bo’yicha fuqaroviy da’volarni ko’rib chiqadilar va ular qabul 
qiladigan hujjatlardan eng ommalashgan turi va boshqa sudlar qabul
qila olmaydigan sud hujjati – hukmdir. 
Jinoyat ishlari bo’yicha sudlarining ishlarni ko’rishda asosan Jinoyat-
protsessual kodeksiga binoat ish yuritadilar. 
Jinoyat ishlari bo’yicha sudlar vakolatlariga: qamoqqa olish yoki uy 
qamog’i tarzidagi ehtiyot chorasini qo’llash yoxud qamoqda saqlash
yoki uy qamog’i muddatini uzaytirish masalalari bilan bog’liq 
iltimosnoma, shikoyat va protestni ehtiyot chorasini qo’llash to’g’risida 
ajrim chiqargan sudni albatta xabardor qilgan holda ko’rib chiqish; 
ayblanuvchini lavozimidan chetlashtirish to’g’risidagi, shaxsni tibbiy 
muassasaga joylashtirish haqidagi yoki ayblanuvchining tibbiy 
muassasada bo’lishi muddatini uzaytirish to’g’risidagi, murdani 
eksgumatsiya qilish haqidagi, pochta-telegraf jo’natmalarini xatlash 
to’g’risidagi iltimosnomalarni ko’rib chiqish; prokurorning amnistiya 
aktiga asosan jinoyat ishini qo’zg’atishni rad qilish to’g’risidagi yoki 
jinoyat ishini tugatish haqidagi yoxud mahkumni jazodan ozod qilish 
to’g’risidagi iltimosnomasini ko’rib chiqish; jinoyat ishini sud 
muhokamasiga tayyorlash; ishni muhokama qilish va hukm chiqarish yoki 

---

649 
boshqa qaror qabul qilish; ishni apellyatsiya, kassatsiya, nazorat tartibida 
ko’rib chiqish; hukmni ijro ettirish kiradi. 
Jinoyat ishlari bo’yicha sudlar tuman, viloyat, Qoraqaolpig’iston 
Respublikasi va Toshkent shahri darajasida tashkil etilgan. Jinoyat 
ishlarning og’ir yoki murakkabliliga ko’ra ham ular sudlar o’rtasida 
taqsimlanadi.
JPKning 389-moddasi mazmuniga ko’ra, Jinoyat kodeksi 
97-moddasining ikkinchi qismida, 118-moddasining to’rtinchi qismida, 
150, 153, 155, 157, 158-moddalarida, 159-moddasining uchinchi va 
to’rtinchi qismlarida, 160, 161-moddalarida, 210-moddasining uchinchi 
qismida, 230, 231, 242, 244-moddalarida nazarda tutilgan jinoyatlarga doir 
ishlar Qoraqalpog’iston Respublikasi jinoyat ishlari bo’yicha sudining, 
jinoyat ishlari bo’yicha viloyatlar va Toshkent shahar sudlari tomonidan 
ko’rib chiqiladi. Jinoyat ishida harbiy xizmatchi ayblanyotgan bo’lsa
yoki harbiy muassasa yoxud qismda sodir etilgan bo’lsa, bunday ish
harbiy sudlarning sudloviga tegishli bo’ladi. Qolgan jinoyat ishlarining
hammasi jinoyat ishlari bo’yicha tuman (shahar) sudlariining sudloviga 
kiradi.