Har qanday ob-havo sharoitida transport vositalarining uzluksiz va xavf xatarsiz qatnovi ta’minlanib kelinmoqda

Иш сифатига бўлган талаб ва техника хавфсизлиги
Йўл пойини қуришдан олдин лойиҳада кўрсатилган ва ҳақиқатда бор конлардаги, захиралардаги, ўймалардаги, табиий асослардаги грунтларнинг кўрсаткичлари (зарра катталиги, лойсимон грунтларнинг пластиклиги) ва ҳолати (намлиги, зичлиги) текширилади.
Йўл пойи қурилишини тезкор назорат қилишда қуйидагиларни текшириш лозим:

• 
  йўл пойи юзасининг ўқи планда ва бўйлама кесимда тўғри жойлашгани;
  
• 
  қирқиладиган ўсимлик қатламининг қалинлиги;
  
• 
  йўл пойи асосидаги грунтнинг зичлиги;
  
• 
  грунтнинг намлиги;
  
• 
  ётқизиладиган қатламнинг қалинлиги;
  
• 
  кўтарма қатламидаги грунтнинг бир хиллиги;
  
• 
  кўтарма қатламларидаги грунтнинг зичлиги;
  
• 
  юза равонлиги;
  
• 
  йўл пойи кўндаланг кесимининг геометрик ўлчамлари;
  
• 
  зах қочирувчи қурилмалар, қувурларнинг тўғри жойлаштирилганлиги;
  
• 
  йўл чети ва ёнбағир қияликларини мустаҳкамлаш тўғри бажарилганлиги ва ҳ.к.
  

Йўл пойининг ўқи, баландлиги, кўндаланг кесими, қатлам қалинлигининг тўғри жойлаштирилганлиги, асосан иш жараёнида ҳар 100 м дан кам бўлмаган масофада геодезик асбоблар ва бошқа асбоб-ускуналар билан текширилади. Грунт зичлиги ва намлигини ўлчаш миқдори зичланаётган қатлам қалинлигига, унинг эни ва кўтарма баландлигига боғлиқ.
Эни 20 м дан кам бўлган кўтармаларда йўлнинг кўндаланг кесими ўқидан битта ва кўтарма қошларидан 1.5-2.0 м ичкарилаб зичлик ва намлик ўлчаб борилади.
Кўтарманинг эни 20 м дан кўп бўлса, 5 тадан ортиқ текширилади, яъни 1 та ўқда, 2 та кўтарма қошидан 2 м ичкарилаб ва улар оралиғида тенг масофаларда олиб борилади.
Бўйлама текширишлар оралиғи 3 м гача бўлган кўтармаларда 200 м, ундан баландларида 50 м оралаб текширилади.

Техника хавфсизлиги
Қурилишда техника хавфсизлигига катта аҳамият берилиши керак бўлади, чунки бу инсон ҳаёти билан боғлиқ. Қурилишда иш бошланишидан олдин техника хавфсизлиги бўйича инструктаж ўтилиши керак.