Haqiqiy tannarxda ishlab chiqarish tannarxi

bir elementi sifatida

Kalkulatsiya — tannarxni aniqlash demakdir. Tannarx deganda mahsulot tayyorlash yoki xizmat ko‘rsatish uchun ketgan xarajatlarning puldagi ifodasi tushuniladi.

Ushbu usuldan korxona mulklaridan ba’zilarining hisobini yuritishda foydalaniladi. Masalan, ishlab chiqarilgan mahsulot, material tannarxini aniqlash.

SHuningdek, savdo korxonalaridagi muomala xarajatlari, moddalari, summalarini tovarlar bo‘yicha tegishli ravishda taqsimlashda ham kalkulatsiyadan foydalaniladi.

O‘zbekiston Respublikasi Vazirlar Mahkamasining 1999-yil 5-fevralda 54 - sonli qarori bilan qayta ko‘rib chiqilgan «Mahsulot (ish, xizmat) ishlab chiqarish va uni sotish bilan bog‘liq xarajatlar tarkibi va moliyaviy natijalarning shakllanish tartibi to‘g‘risida»gi nizomda xo‘jalik yurituvchi sub’ektlar faoliya­tida vujudga keladigan xarajatlar tarkibi yoritib berilgan.

Buxgalteriya hisobining ushbu usuli boshqa usullar bilan uzviy bog‘liq bo‘lgan. Umuman, e’tibor berilsa, buxgalteriya hisobining hamma usuli ham o‘zaro uzviy bog‘langan.

Kalkulatsiya usulining schyotlar tizimi bilan bog‘liqligi shundaki, kalkulatsiya qilinishi talab etilayotgan mablag‘ bilan bog‘liq xarajatlar tegishli schyotlarda aks ettiriladi.

Baholash bilan kalkulatsiyaning bog‘liqligi shundaki, kalkulatsiya orqali aniqlangan tannarxlar baholash ko‘rinishida hisobga olinadi.

Barcha tovar-modiy zahiralar va xizmatlar tannarxi kalkulatsiya yordamida aniqlanadi, masa­lan, mehnat buyumlari, tayyorlangan mahsulot, sotilgan tovar (ish, xizmat)lar tannarxi ham kalkulatsiya yordamida aniqlanadi.

Tovar-modiy zahiralar tannarxi hisoblanayotganda korxona xo‘jalik jarayonlaridagi — ta’minot, ishlab chiqarish, sotishdagi xarajatlari hisobga olinadi.

O‘zbekiston Respublikasi iqtisodiyotida ishlab chiqarilgan mahsulot, bajarilgan ishlar, ko‘rsatilgan xizmatlar tannarxini hisoblashning uslubiy asosi bo‘lib, Vazirlar Mahkamasining 1999- yilning 5- fevralidagi 54-sonli qarori bilan tasdiqlangan «Mahsulot (ishlar, xizmatlar) ni ishlab chiqarish va uni sotish bilan bog‘liq xarajatlar tarkibi hamda moliyaviy natijalarni shaklanish tartibi to‘g‘risida»gi nizom hisoblanadi.

Ushbu nizomda barcha xarajatlar quyidagicha guruhlangan:

1. Mahsulotning ishlab chiqarish tannarxiga kiriti- ladigan xarajatlar (bunday xarajatlarga ishlab chiqa- rishda bevosita qatnashgan xarajatlar kiradi):

a) bevosita va bilvosita moddiy xarajatlar;

b) bevosita va bilvosita mehnat xarajatlari;

d) boshqa bevosita va bilvosita xarajatlar shu jumladan, ishlab chiqarish xususiyatlariga ega bo‘lgan ustama xarajatlar.

2. Ishlab chiqarish tannarxiga kiritilmaydigan, ammo asosiy faoliyatdan olingan foydada hisobga olinadigan davr xarajatlariga kiritiladigan xa­rajatlar (bunday xarajatlarga ishlab chiqarishda bevosita qatnashmaydigan xarajatlar kiradi ):

a) sotish xarajatlari;

b) ma’muriy-boshqarish xarajatlari;

d) boshqa operatsion xarajatlar va zararlar.

3. Xo‘jalik yurituvchi sub’ektning umumxo‘jalik faoliyatidan olingan foyda va zararlarni hisoblab chiqishda hisobga olinadigan xo‘jalik yurituvchi sub’ektning moliyaviy faoliyati bo‘yicha xarajatlari:

a) foizlar bo‘yicha xarajatlar;

b) xorijiy valuta bilan operatsiya bo‘yicha salbiy kurs tafovutlari;

d) qimmatli qog‘ozlarga qo‘yilgan mablag‘larni qayta baholash;

e) moliyaviy faoliyat bo‘yicha boshqa xarajatlar.

YUqorida mahsulot tannarxiga kiritiladigan va kiritilmaydigan xa­rajatlar keltirib o‘tildi.

Mahsulot tannarxiga kiritiladigan bevosita va bilvosita moddiy xarajatlar, bevosita hamda bilvosita mehnat xarajatlari, shuningdek boshqa xarajatlar moddalari mavjud bo‘lib, ular nizomda keng yoritilgan. Ob’ekt tannarxi kalkulatsiya qilinayotganda uning qay darajada aniq bo‘lishi hisobni to‘g‘ri yuritilishiga, xarajatlarning tegishli schyotlarda aks ettirilishiga bog‘liqdir.

Bunga erishish uchun xarajatlar analitik hisobini to‘g‘ri yo‘lga qo‘yish, xarajatlar bilan bog‘liq, xo‘jalikni yaxshi yo‘lga qo‘yish, shuningdek, xarajatlar moddalarini guruhlanishini yaxshi o‘zlashtirib olish kerak bo‘ladi.

Mahsulot tannarxining to‘g‘ri aniqlash uchun xarajatlarni davrlar bo‘yicha to‘g‘ri taqsimlash kerak bo‘ladi. Bunday holat gazeta va jurnallar uchun korxonalar obunasi davrida, shuningdek, yangi mahsulot ishlab chiqarish bilan bog‘liq xarajatlar sarflangan davrda yuzaga keladi.

Ma’lumki, korxonalar obunani yilning oxirgi oylarida amalga oshiradilar, obuna to‘lovlari ham shu oylarda to‘lanadi. Vaholanki, obuna kelgusi yilning 12 oyi uchun mo‘ljallangan. SHuning uchun ham obuna to‘lovlarini kelgusi yil 12 oyi uchun taqsimlab chiqish tegishli davr xarajatlariga qo‘shish maqsadlidir. Agar to‘langan obuna haqlari shu to‘langan oydagi xarajatlar tarkibiga birdaniga qo‘shilsa, shu oydagi xarajatlarning miqdori sun’iy ravishda oshib ketishiga olib kelishi tabiiydir.

Ahamiyat berib qaralsa, obuna xarajatlari kelgusi davrga tegishligiga ishonch hosil qilish mumkin. SHunga o‘xshash xarajatlar hisobi uchun 3100 — «Kelgusi davr xarajatlari» schyot mo‘ljallangan. Xarajatlar amalga oshirilganda, uning hisobi 3100 — «Kelgusi davr xarajatlari» schyotda yuritiladi. Xarajat mahsulot tannarxiga qo‘shilishi kerak bo‘lgan davrda, kelgusi davr xarajatlari schyotidan joriy davr xarajatlari schyotiga o‘tkazib boriladi.

Kelgusi davr bilan bog‘liq xarajatlarga yana quyidagi misolni keltirish mumkin. Ishlab chiqarish korxonasida yoki umumiy ovqatlanish korxonasida yangi mahsulot ishlab chiqarish bilan bog‘liq xarajatlar (xom ashyo, mehnat haqi va hokazo) joriy davrda ishlab chiqarilayotgan mahsulotlar tarkibiga kiritilsa, tannarx noto‘g‘ri hisoblanishiga olib kela­di. YAngi mahsulot turi tajriba va turli boshqa tekshiruvlardan o‘tib, uni keng miqyosda ishlab chiqarish yo‘lga qo‘yilganidan so‘ng, kelgusi davr xarajatlari schyotida hisobga olib qo‘yilgan xarajatlar summasi ishlab chiqarilayotgan mahsulot tannarxiga bir necha davr (oylar) davomida taqsimlab boriladi.

Korxonada mavjud bo‘lgan asosiy vositalarning jismoniy eskirishi natijasida ta’mirlash ishlarini bajarilishi talab etiladi. Asosiy vositalarni kapital ta’mirlash ishlari uchun ko‘p miqdordagi xarajatlar sarflanishini e’tiborga olsak, ta’mirlash ishlari bajarilgan davrdagi xarajatlarni, ya’ni mahsulot tannarxini birdaniga oshib ketishi kuzatiladi. Mahsulot tannarxini bir davrda birdaniga oshib ketishining oldini olish maqsadida, asosiy vositalar ta’mirlash ishlari yuzasidan zaxira hisoblab boriladi.

Zaxira hisoblash O‘zbekiston Respublikasi Moliya Vazirligi ruxsati bilan tashkil etiladi. Zaxira hisobini yuritish uchun 8910 — «Kelgusi davr to‘lovlari va xarajatlari yuzasidan zaxira» passiv schyoti mo‘ljallangan. Zaxira hisoblanganda ham shu oydagi xarajat (Debet 2010, 2310, 2510, 9400) hamda zaxira (Kredet 8910) ko‘payadi. SHunday qilib, har oyda ma’lum bir miqdorda mahsulot tannarxiga qo‘shib borish natijasida vujudga kelgan zaxira hisobidan ta’mirlash ishlari bajariladi. U vaqtda xarajat ko‘paymaydi, balki, zaxira summasi kamayadi.

Zaxiralar ko‘rinishidagi xarajatlarga ishchi va xodimlarning mehnat ta’tili kunlari uchun hisobla- nadigan mehnat haqi xarajatlarini ham misol tariqasida keltirish mumkin. Ma’lumki, mehnat kodeksiga ko‘ra, ishchi va xodimlar bir yilda bir marta mehnat ta’tilini olish huquqiga egadir.

Ba’zi bir korxonalarda ishchilar soni ko‘p bo‘ladi. Ma’lumki, ko‘pchilik shaxslar mehnat ta’tilini yoz oylarida olishga harakat qilishadi. Agar mehnat haqlari mahsulot tannarxiga qo‘shilishini e’tiborga olsak, yoz oyida ishlab chiqarilayotgan mahsulot tannarxini sun’iy ravishda birdaniga oshib ketishi ro‘y berishini tushunish mumkin. Sababi mehnat ta’tiliga chiqqan xodimlarga ham, ular o‘rniga mehnat qilayotgan xodimlarga ham mehnat haqi hisoblanishi kerak. Sun’iy ravishda mah­sulot tannarxini mehnat ta’tili kunlari uchun hisoblangan xarajatlar hisobiga oshib ketishining oldini olish maqsadida zaxira hisoblab boriladi. Zaxira umumiy summasi yig‘ilishi uchun bir miqdorda oyma-oy mahsulot tannarxi oshishi hisobiga zaxira hisoblab boriladi.

Mehnat ta’tili uchun ish haqlari hisoblanayotgan oyda xarajat ko‘paymasdan zaxira summasi kamayadi va shu yo‘l bilan mahsulot tannarxini sun’iy ravishda oshishi- ning oldi olinadi. Hisoblab borilgan zaxira summalari ortib qolsa, korxona foydasiga o‘tkaziladi.

SHubhali qarzlar yuzasidan zaxiralar ham korxona zararini birdaniga oshishiga yo‘l qo‘ymaslik maqsadida tashkil etiladi. Uning hisobi esa 4910 — «SHubhali qarzlar yuzasidan zaxira» passiv schyotida yuritiladi. Bunda har oyda Debet 9430 Kredit 4910 buxgalteriya provodkasi amalga oshiriladi. SHubhali qarzlar yuzasidan yig‘ilgan zaxira hisobidan kreditorlik qarzlari qoplansa, quyidagi buxgalteriya provodkasi yoziladi:

Dt 4910 — «SHubhali qarzlar yuzasidan zaxira»;

Kt 4010 — «Olinadigan schyotlar».

Savdo korxonalarida muomala xarajatlari bo‘lib, ular hisobi 9410 schyotda yuritiladi. Sotilgan tovarlar uchun muomala xarajatlarini kalkulatsiya qilinishi tovar uchun savdo ustamasini aniq belgilash imkoniyatini yaratadi.

Masalan, muzlatgich bilan bog‘liq xarajatlar (shu muzlatgich eskirish summasi, ta’mirlash xarajatlari, elektroenergiya sarfi uchun to‘lov summalari)ni muzlat- gichda saqlanadigan tovarlar miqdori o‘rtasida propor- sional taqsimlash zarur, ya’ni muzlatgichda oy davomida saqlangan jami tovarlar miqdorida tovarni necha foizni tashkil etishi aniqlab olinadi, so‘ngra muzlatgich bilan bog‘liq bo‘lgan barcha xarajatlarning shuncha foizi tegishli tovar bilan bog‘liq xarajatga qo‘shiladi.

Reklama xarajatlari reklama qilingan tovarlar miqdoriga mos ravishda taqsimlanadi. Savdo korxonasi umumiy tarzda reklama qilingan bo‘lsa, oy davomida sotilgan jami tovarlar bo‘yicha har bir tovarning miqdori foizlarda aniqlanib, so‘ngra shu foizlarga ko‘ra reklama umumiy xarajatlari sotilgan tovarlar o‘rtasida taqsimlanadi.

Savdo korxonalarida sotilgan tovarlarga tegishli transport xarajatlarining aniqlash amaliyotda qo‘lla- niladi. Bu bilan oy davomida sarflangan transport xara- jatlarining jami shu oydagi xarajatlarga qo‘shilishining oldi olinadi. Sababi qabul qilingan tovarlarning barchasi shu oyda sotilmaydi-ku, shuning uchun ham sotilmay qolgan tovarlarga tegishli transport xara- jatlari aniqlanib, transport xarajatlarining qoldig‘i sifatida qolishi kerak.

Sotilgan tovarlarga tegishli transport xarajatlari esa joriy davr muo­mala xarajatlariga qo‘shiladi va foyda hisobidan qoplanadi.

Xulosa qilib shuni aytish mumkinki, kalkulatsiya orqali mahsulot tannarxi aniqlanadi va foyda miqdori aniqlanishi uchun asos hisoblanadi. Olingan foyda (daromad)dan soliq summasi hisoblanishini e’tiborga olsak kalkulatsiya o‘rnini, ahamiyatini bilish qiyin emas.
Xorijiy adabiyotlar

1. О.В. Каурова, А.Н. Малолетко Бухгалтерский учет предприятия туристской индустрии : учебник / . — М. : КНОРУС, 2016. — 240 с.

2. Б.П.Караванова, А.В.Пушинин Бухгалтерский учет на предприятиях туристской индустрии : учеб. пособие для студ. учреждений высш. проф. образования /. — М. : Издательский центр «Академия», 2011. — 224 с.