Халқаро туризм

Onlayn–bronlashtirishning asosiy xorijiy turistik saytlari. Mazkur bo‘limda ayrim qiziqarli xorijiy saytlar va axborot texnologiyalari qisqacha xarakterlanadi.

Birinchi misol sifatida Ispaniyaning “TourSpain” http: // www tourspain. es/turespai/marcol.htm web – saytini ko‘rib chiqamiz, u haqiqatdan bunga munosib. U foydalanishda juda oddiy: har bir sahifasida uy sahifasiga tayanilgan va bo‘limlar ko‘rsatkichiga ega. Saytda reja yoki qidiruv tizimidan foydalanib har qanday ma’lumotni osongina topishi mumkin. Buning uchun har bir sahifada qidiruv yoki reja tizimi keltirilgan. Bu xususiyat tashrif buyuruvchiga kerakli ma’lumotni tez topishga yordam beradi.

Sayt bo‘limlari sayohatlar tiplariga mos keladi: ishga aloqador safarlar, dam olish, sarguzasht, gid kuzatuvida safar va boshqalar. Sayohat xususiyati, masalan, regionlar, joylashish, transport, magazinlar, axborotning ikkinchi darajasini tashkil etadi va sarlovha, ostilarida beriladi. Shunday qilib, axborot uzatish individual turistga qaratilgan. “TourSpain” xilma-xil axbortlarni taklif etadi. Joylashish sharoiti, transport, odatlar, valyuta va magazinlarning ishlash vaqti haqidagi ma’lumotlardan tashqari, sayt Ispaniya haqida yangiliklardan xabar beradi. Bu ma’lumotlar butun dunyodagi gazetalardan yig‘ilgan. Shuningdek 12 ispan axborot agentliklariga bevosita chiqish imkoniyatini beradi. Bundan tashqari, u ispan tili kurslari haqida keng axborotlar taklif qiladi.

“TourSpain” har bir sahifasi elektron pochta manzilga ega. Unga tayanilgan holda so‘rov uchun qo‘shimcha axborotlar beriladi. Saytda Ispaniya turizmi bo‘yicha xorijiy bo‘limlar soveti va mahalliy bo‘limlar ruyxati bor. YA’ni foydalanuvchiga maxsus axborot yoki qo‘shimcha yordam kerak bo‘lsa, u Ispaniya turizmi bo‘yicha Kengash bilan to‘g‘ridan-to‘g‘ri aloqaning uch variantidan foydalanishi mumkin.

“TourSpain” Internetda 1998 yil 1 yanvarda paydo bo‘ldi. Uni yaratishdan bosh maqsad – jahon auditoriyasiga mamlakat bo‘ylab kam xarajatlar bilan katta hajmdagi maxsus turistik axborotlarni yetkazishdir.

Saytni ishlab chiqish va yaratish bevosita bozorni tadqiq qilish bilan birgalikda olib boriladi. U umumiy turistik statistikani, shuningdek asosiy Yevropa davlatlari va yirik xususiy turistik kompaniyalarning Web –saytlarini o‘rganishni o‘z ichiga oldi. Tadqiqotlar uch yil davomida olib borildi. Shundan keyin “TourSpain” yaratildi. Uni ishlab chiqishga 150 mingga yaqin AQSH dollari sarflandi.

Saytni saqlash va yangilash uchun doimiy harakatda bo‘lgan tadqiqot dasturi tuzilgan. Ispaniya turizmi bo‘yicha Kengash har kuni 100 ga yaqin so‘rovlar oladi. Ulardan ayrimlari Ispaniyada turizmga tegishli, boshqalari Web –saytni takomillashtirish bo‘yicha takliflardan iborat. O‘rtacha har bir tashrif buyuruvchi saytda 20 minut o‘tkazadi. Tadqiqotlar o‘z natijalari va foydalanuvchilardan takliflar asosida axborot texnologiyalari bo‘limi sayt mazmunini o‘zgartiradi. Rasmiy milliy turistik ma’muriyat nashri e’lon qilgan maxsus konkursda yutib chiqqan ispan kompaniyasi uni yaratilishidan hozirgi kungacha tarkibini o‘zgartirib keladi.

Turizm bo‘yicha Ispaniya Kengashi hukumat tashkiloti hisoblanadi va milliy budjetdan moliyalashtiriladi. Moliyalashtirishni yengillashtirish maqsadida Kengash saytida tijoriy reklamalarni joylashtiradi. Sayt mazmunida milliy turistik ma’muriyatning rasmiy nashri e’lon qilgan maxsus konkursdagi yutuqning uncha katta bo‘lmagan umum milliy ulushigina ketadi.

Turizm bo‘yicha Ispaniya Kengashi saytdan foydalanish bo‘yicha ma’lumotlarni sistematik tahlili dasturini yaratdi. Axborot manbai bo‘lib unga tushayotgan so‘rovlar va takliflar xizmat qiladi. Ular har kuni qayta ishlanadi. Ular marketing tadqiqotlari qismini tashkil qiladi va turizmning olg‘a siljishida foydalaniladi.

Statistik ma’lumotlarni yig‘ish uchun Web –Trends” dastur mahsuloti qo‘llaniladi. Statistik ma’lumotlar har oyda tahlil etilib boriladi.