Халқаро стандартлар ва талаблар асосида мактабгача таълим ёшидаги болаларнинг ривожланишини баҳолаш мезонлари ва кўрсаткичларини ишлаб чиқсин

РуO'zЎз|Ру
ПҚ-4884-сон 06.11.2020

ЎЗБЕКИСТОН РЕСПУБЛИКАСИ ПРЕЗИДЕНТИНИНГ

ҚАРОРИ
ТАЪЛИМ-ТАРБИЯ ТИЗИМИНИ ЯНАДА ТАКОМИЛЛАШТИРИШГА ОИД ҚЎШИМЧА ЧОРА-ТАДБИРЛАР ТЎҒРИСИДА
Ўзбекистон Республикаси Президентининг 2020 йил 6 ноябрдаги «Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида»ги ПФ-6108-сон Фармони (кейинги ўринларда — Фармон) ижросини таъминлаш мақсадида:
1. Мактабгача таълим вазирлиги:
а) Халқ таълими вазирлиги ва Таълим сифатини назорат қилиш давлат инспекцияси билан биргаликда 2021 йил 1 августга қадар болаларни бошланғич таълимга мажбурий бепул бир йиллик тайёрлаш ҳамда бошланғич таълим ўқув дастурларининг ўзаро узвийлигини таъминлаш чораларини кўрсин;
б) Ахборот технологиялари ва коммуникацияларини ривожлантириш вазирлиги, Таълим сифатини назорат қилиш давлат инспекцияси ҳамда бошқа манфаатдор вазирлик ва идоралар билан биргаликда 2022 йил 1 январга қадар мактабгача таълим тизимида замонавий ўқитиш шакллари, янги педагогик ва ахборот технологияларини жорий қилсин, жумладан:
халқаро стандартлар ва талаблар асосида мактабгача таълим ёшидаги болаларнинг ривожланишини баҳолаш мезонлари ва кўрсаткичларини ишлаб чиқсин;
болаларнинг ўсиши ҳамда мактабгача таълим билан қамраб олиш жараёнларини мониторинг қилиш бўйича «Болалар боғчаси» ахборот бошқарув тизимини ишга туширсин ва унга киритиладиган маълумотларнинг шаффофлигини таъминласин;
мактабгача таълим хизматлари учун электрон тўлов тизимларини жорий қилсин;
мактабгача таълим соҳасида ахборот бошқарув тизимини бошқа вазирлик ва идораларнинг ахборот тизимлари билан интеграция қилсин.
2. Миллий ўқув дастурини (кейинги ўринларда — Дастур) жорий қилиш бўйича тажриба-синовни лозим даражада ўтказиш мақсадида Халқ таълими вазирлиги ҳузуридаги Республика таълим марказига қуйидаги ваколатлар берилсин:
умумий ўрта таълимнинг давлат таълим стандарти, таянч ва вариатив ўқув режалари ҳамда дастурларини ишлаб чиқиш;
Халқ таълими вазирлиги буюртмасига асосан муаллиф ва тузувчиларни танлаш ҳамда дарсликлар ва ўқитувчилар учун методик қўлланмаларнинг ягона макетларини яратиш;
яратилган дарсликлар ва ўқитувчилар учун методик қўлланмаларни экспертиза қилиш, уларни таълим тизимида қўллаш бўйича хулоса бериш;
ўқув режа, дастурлар, яратилган дарслик ва ўқитувчилар учун методик қўлланмаларни тажриба-синовдан ўтказиш ишларига раҳбарлик қилиш.
Халқ таълими вазирлиги уч ой муддатда Республика таълим маркази фаолиятига юқори малакали ва илмий салоҳиятли кадрларни, шу жумладан хорижий мутахассисларни жалб қилиш чораларини кўрсин.
3. Бош вазир ўринбосари Б.А. Мусаев ва Таълим сифатини назорат қилиш давлат инспекцияси:
Халқ таълими вазирлиги, Молия вазирлиги ҳамда Ташқи ишлар вазирлиги билан биргаликда 2021 йил 1 январга қадар Финляндиянинг таълим соҳасидаги тажрибасини, шу жумладан ўқув дастурлари, дарсликлари, ўқитиш методикалари ва педагог кадрларни тайёрлаш, қайта тайёрлаш ва малакасини ошириш тизимини хорижга хизмат сафарини ташкил этган ҳолда ўрганиб чиқсин;
Мактабгача таълим вазирлиги, Халқ таълими вазирлиги ҳамда Олий ва ўрта махсус таълим вазирлиги билан биргаликда Финляндиянинг таълим соҳасидаги ижобий тажрибасини Ўзбекистон Республикаси таълим тизимига ҳамда Дастурга жорий қилиш бўйича комплекс чора-тадбирларни амалга оширсин.
4. Халқ таълими вазирлиги Таълим сифатини назорат қилиш давлат инспекцияси ҳамда Олий ва ўрта махсус таълим вазирлиги билан биргаликда 2021 йил 1 июнга қадар:
халқ таълими ходимларининг малака ошириш жараёнини «ҳаёт давомида ўқиш» тамойили асосида узлуксиз малака оширишни назарда тутувчи тизимга айлантирсин;
халқ таълими ходимларининг касбий эҳтиёжларини ташхис қилиш асосида уларнинг индивидуал ривожланиш дастурини ишлаб чиқиш ва дастурга мувофиқ малакасини ошириш тартибини амалиётга киритсин;
халқ таълими ходимларининг малака ошириш жараёнига кредит-модуль тизимини босқичма-босқич жорий қилсин;
халқ таълими ходимларини узлуксиз касбий ривожлантириш тизимини ташкил этиш, ҳар бир ходимнинг малака ошириш жараёнларини мониторинг қилиш ва шахсий ҳисобини юритиш имкониятини таъминловчи «Узлуксиз касбий таълим» махсус электрон платформасини ишга туширсин.
5. А. Авлоний номидаги Халқ таълими тизими раҳбар ва мутахассис ходимларини қайта тайёрлаш ва малакасини ошириш институти Халқ таълими вазирлигининг А. Авлоний номидаги халқ таълими муаммоларини ўрганиш ва истиқболларини белгилаш илмий-тадқиқот институти (кейинги ўринларда — Институт) сифатида қайта ташкил этилсин.
6. Белгилансинки, Институт Қорақалпоғистон Республикаси, вилоятлар ва Тошкент шаҳар халқ таълими ходимларини қайта тайёрлаш ва уларнинг малакасини ошириш ҳудудий марказлари (кейинги ўринларда — ҳудудий марказлар) учун бош таълим муассасаси ҳисобланади ҳамда уларнинг ўқув, методик ва илмий фаолиятига раҳбарлик қилади.
Халқ таълими вазирлиги:
2021 йил 1 февралга қадар Институт ва ҳудудий марказларни юқори малакали, ахборот-коммуникация технологияларидан фойдаланиш кўникмаларига ҳамда илмий салоҳият ва амалий иш тажрибасига эга бўлган мутахассислар билан тўлдириш чораларини кўрсин;
уч ой муддатда Олий ва ўрта махсус таълим вазирлиги билан биргаликда олий таълим ташкилотлари ҳамда ҳудудий марказларнинг педагог кадрлар малакасини ошириш ўқув режаларига синф раҳбарларини тайёрлаш бўйича ўқув модулларини киритсин.
7. Туман (шаҳар) халқ таълими бўлимларининг Педагогик-психологик ташхис фаолиятини ташкил этиш шўъбалари негизида белгиланган штатлар доирасида юридик шахс мақомисиз Болаларни ижтимоий-психологик қўллаб-қувватлаш марказлари ташкил этилсин.
Марказларнинг асосий вазифалари этиб, қуйидагилар белгилансин:
ўқувчи-ёшларнинг психологик саломатлигини муҳофаза қилиш, уларнинг барқарор ижтимоий ва интеллектуал ривожланишини таъминлаш;
ўсмирларни ижтимоий реабилитация қилиш, турли хил зўравонлик кўринишларининг олдини олиш, суицидал ҳолатларга мойиллиги бўлган ўқувчиларни барвақт аниқлаш ва уларга ижтимоий-психологик ёрдам кўрсатиш;
халқ таълими тизимида касб-ҳунарга йўналтириш ва психологик-педагогик хизмат кўрсатиш, илғор тажрибаларга асосланган касб-ҳунарга йўналтиришнинг замонавий шакл ва услубларини жорий этиш;
мактабларда психологик хизматни такомиллаштириш, психологларни методик қўллаб-қувватлаш ва профессионал ривожлантириш, халқ таълими ходимларининг педагогик фаолиятга шахсий мувофиқлигини ўрганиш.
8. Белгилансинки:
Болаларни ижтимоий-психологик қўллаб-қувватлаш марказларига эҳтиёжга қараб умумтаълим мактабларида фаолият юритувчи ҳамда хусусий амалиёт билан шуғулланувчи тажрибали психологлар фуқаролик-ҳуқуқий шартнома асосида жалб этилади;
Болаларни ижтимоий-психологик қўллаб-қувватлаш марказларининг фаолияти Халқ таълими вазирлиги ҳузуридаги Ўқувчиларни касб-ҳунарга йўналтириш ва психологик-педагогик республика ташхис маркази томонидан мувофиқлаштирилади;
2021/2022 ўқув йилида психология соҳасидаги таълим йўналишлари бўйича давлат буюртмаси асосидаги қабул параметрлари 30 фоизга оширилади.
Олий ва ўрта махсус таълим вазирлиги Соғлиқни сақлаш вазирлиги билан биргаликда психология соҳаси бўйича кадрларни тайёрлайдиган олий таълим муассасаларига ўқув режалари ва таълим дастурларини илғор хорижий тажрибани инобатга олган ҳолда такомиллаштиришда, уларни иш берувчиларнинг талабларига мослаштиришда кўмаклашсин.
Халқ таълими вазирлиги педагог кадрлар малакасини оширишда болалар психологияси бўйича ўқув курсларини ўтказсин ва мазкур жараёнга малакали, шу жумладан хорижий мутахассисларни жалб қилсин.
9. 2021 йил 1 январдан бошлаб давлат олий таълим ташкилотларига кириш учун тест синови топшириқларини тузиш ва экспертизадан ўтказишнинг янги тартиби жорий қилинсин, унга мувофиқ:
тест синови топшириқлари давлат таълим стандартлари ва ўқув дастурлари асосида тузилади;
тест синови материалларининг маъно-мазмуни умумий ўрта таълим тизимидаги фанларнинг ўқув дастурларига мослаштирилади;
абитуриентларнинг назарий билимларни ўзлаштириш даражаси билан бирга мантиқий фикрлаши, масала ва мисолларни бажара олиш қобилияти ва таълимнинг кейинги босқичига тайёргарлигини баҳолайдиган, компетенцияга асосланган тест топшириқлари ишлаб чиқилади;
амалдаги ABITUR дастурини такомиллаштириш ҳисобига янги дастурий маҳсулот ишлаб чиқилади ҳамда 2021/2022 ўқув йили учун саралаш тест синовлари янги тест саволлари асосида ўтказилади.
10. Халқ таълими вазирлиги Олий ва ўрта махсус таълим вазирлиги ҳамда Бандлик ва меҳнат муносабатлари вазирлиги билан биргаликда:
2021 йил 1 мартга қадар туман (шаҳар) халқ таълими бўлимлари мудирлари ва методистлари, касбий таълимни ривожлантириш ва мувофиқлаштириш ҳудудий бошқармалари услубчи-маслаҳатчилари фаолиятини танқидий кўриб чиқиб, ушбу лавозимларда меҳнат қиладиган ходимларга қўйиладиган талаблар ва уларнинг фаолият самарадорлигини баҳолаш мезонларини (KPI) тасдиқласин;
2021 йил 1 апрелга қадар туман (шаҳар) халқ таълими бўлимлари мудирлари ва методистлари, касбий таълимни ривожлантириш ва мувофиқлаштириш ҳудудий бошқармалари услубчи-маслаҳатчилари лавозимларини янги талабларга мос келадиган, юқори малакали мутахассислар билан тўлдирсин.
11. 2021 йил 1 январдан туман (шаҳар) халқ таълими бўлимлари ҳузурида юридик шахс мақомига эга бўлмаган Халқ таълими ходимларини рағбатлантириш жамғармалари ташкил этилсин.
Қуйидагилар Халқ таълими ходимларини рағбатлантириш жамғармаларининг манбалари этиб белгилансин:
а) туман (шаҳар) халқ таълими бўлими ходимлари, жумладан методистларини рағбатлантириш учун:
2021 йилда ушбу бўлимлар йиллик иш ҳақи фондининг 25 фоизи, 2022 йилдан бошлаб — 50 фоизи;
туман (шаҳар) халқ таълими тасарруфидаги муассасаларнинг бюджетдан ташқари жамғармалари даромадлари (ҳомийлик хайрияларидан ташқари), шу жумладан бўш турган бино ва ерларини ижарага бериш ҳисобидан тушган тушумлардан 3 фоиз миқдоридаги ажратмалар;
б) умумтаълим муассасалари директорларини моддий қўллаб-қувватлаш учун умумтаълим муассасаларнинг директор жамғармасига ажратилган маблағларнинг 5 фоизи.
12. Молия вазирлиги Давлат бюджети параметрларини шакллантиришда оптик толали юқори тезликдаги Интернет линиялари олиб борилган умумтаълим муассасаларининг ички локал ускуналарини ўрнатиш, ягона «Электрон таълим» тармоғини жорий қилиш, уни бошқариш, контент яратиш ва техник қўллаб-қувватлаш учун маблағлар ажратилишини назарда тутсин.
Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари умумтаълим муассасаларининг Интернетдан фойдаланиш хизматлари учун харажатларни ўз вақтида маҳаллий бюджет маблағлари ҳисобидан тўланишини таъминласин.
13. Олий ва ўрта махсус таълим вазирлиги Бандлик ва меҳнат муносабатлари вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, манфаатдор вазирлик ва идоралар билан биргаликда 2021 йил 1 сентябрга қадар:
профессионал таълимнинг таълим дастурлари ва ўқитиш материаллари тўпламларини меҳнат бозорининг талаблари, тармоқ малака рамкалари ва профессионал стандартлар асосида иш берувчилар билан биргаликда ишлаб чиқсин ва тизимли равишда такомиллаштириб борсин;
касб-ҳунар мактабларини ҳудудлар бўйича жойлашуви ҳамда тайёрланадиган ишчи касблардан келиб чиққан ҳолда ишлаб чиқариш амалиётларини ташкил этиш учун иш берувчиларга бириктирсин;
профессионал таълим тизимида фаолият юритаётган педагог кадрларнинг методик таъминотини мустаҳкамлаш, уларни янги таълим ресурслари билан таъминлаб бориш имкониятини берадиган алоҳида электрон платформани ишлаб чиқсин ва таълим дастурлари, ўқитиш материаллари ҳамда бошқа услубий қўлланмалардан масофавий тарзда фойдаланиш имкониятини яратсин;
профессионал таълим муассасалари гуруҳ раҳбарларини тайёрлаш учун ўқувчилар билан ишлаш, улар психологиясини ўрганиш ва методик таъминлашга қаратилган қисқа муддатли малака ошириш курсларини ташкил этсин;
ривожланган давлатларнинг IT-технологиялари, робототехника, қурилиш, туризм, транспорт, энергетика ва бошқа соҳалар бўйича етакчи профессионал таълим муассасалари филиалларини ташкил қилиш бўйича тегишли чоралар кўрсин;
профессионал таълим хизматларини кўрсатиш бўйича хусусий секторнинг салмоғини кенгайтириш мақсадида давлат-хусусий шериклик асосида профессионал таълим ташкилотларини ташкил этиш чораларини кўрсин.
14. Олий ва ўрта махсус таълим вазирлиги 2021/2022 ўқув йилидан бошлаб:
олий таълим ташкилотларининг педагогик бўлмаган бакалавриат таълим йўналишларида таҳсил олаётган талабалари учун ихтиёрий равишда ўзлаштириладиган педагогик тайёргарлик модулларини ишлаб чиқсин ва амалиётга киритсин;
педагогик тайёргарлик модулларининг мазмуни ва ҳажмига қуйиладиган талабларни Халқ таълими вазирлиги ва Таълим сифатини назорат қилиш давлат инспекцияси билан келишсин;
барча олий таълим ташкилотларида ахборот-ресурс марказлари базасида мавжуд дарслик, ўқув-услубий ва бошқа қўлланмалар рақамли форматга ўтказилиб, уларнинг электрон платформаси шакллантирилишини таъминласин ҳамда улар бўйича рақамли ягона ахборот қидирув тизимини жорий қилсин;
ҳар бир фан кесимида маъруза, амалий (семинар) ва лаборатория машғулотлари, мустақил ишлар бўйича электрон модулларни ишлаб чиқсин ва амалиётга жорий этсин;
давлат олий таълим ташкилотларига хорижий талабаларни жалб этиш имкониятларини янада кенгайтириш мақсадида таълим хорижий тилларда олиб бориладиган гуруҳлар салмоғини босқичма-босқич ошириб бориш чораларини кўрсин;
хорижий талабаларни давлат олий таълим ташкилотларига ўқишга қабул қилишни йилда икки марта семестрнинг бошида ташкил қилсин.
15. Таълим-тарбия ва илм-фан соҳаларини янада такомиллаштиришга қаратилган комплекс чора-тадбирлар дастури иловага мувофиқ тасдиқлансин.
Вазирлик ва идоралар, маҳаллий ижроия ҳокимияти органларининг биринчи раҳбарлари зиммасига дастурда белгиланган тадбирларнинг ўз вақтида ва сифатли амалга оширилиши бўйича шахсий жавобгарлик юклансин.
16. Ўзбекистон Республикаси Олий Мажлиси палаталарига қуйидагилар тавсия этилсин:
идоралараро ишчи гуруҳи тузиб, Фармон ва мазкур қарорнинг мазмун-моҳиятини аҳоли ўртасида тушунтириш ишларини олиб бориш;
таълим сифатини ошириш, илм-фанни ривожлантириш, битирувчиларнинг бандлигини таъминлаш, педагог ходимлар ва олимларнинг фаолият юритиши учун шарт-шароитлар яратиш, таълим муассасаларининг моддий-техника базасини мустаҳкамлаш бўйича олиб борилаётган фаолият устидан таъсирчан парламент назоратини йўлга қўйиш.
17. Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари бир ой муддатда таълим-тарбия ва илм-фан соҳаларини ривожлантириш, Фармон ва мазкур қарорнинг жойларда ижросини таъминлаш бўйича «Йўл харита»ларини тасдиқласин.
18. Вазирлар Маҳкамаси:
2021 йил 1 мартга қадар ўқитувчи ва муаллимларнинг жамиятдаги ўрни ва нуфузини ошириш мақсадида Ўзбекистон Республикасининг «Педагог ходимларнинг мақоми тўғрисида»ги қонуни лойиҳасини ишлаб чиқсин ва Олий Мажлис Қонунчилик палатасига белгиланган тартибда киритсин;
2021 йил 1 январга қадар Халқ таълими вазирлиги ҳузуридаги Республика таълим маркази ҳамда Ўқувчиларни касб-ҳунарга йўналтириш ва психологик-педагогик республика ташхис маркази фаолиятини такомиллаштириш бўйича Ҳукумат қарорини қабул қилсин.
19. «Ўзбеккино» Миллий агентлиги Республика Маънавият ва маърифат маркази, Маданият вазирлиги, Ўзбекистон Миллий телерадиокомпанияси билан биргаликда таълим ва илм-фан соҳасидаги ислоҳотларнинг мазмун-моҳиятини жамоатчиликка тўғри етказиш мақсадида ўқитувчилик касбини улуғловчи видеороликлар, илмий-оммабоп кўрсатувлар, бадиий ва ҳужжатли фильмларни ишлаб чиқсин, телевидение орқали доимий намойиш қилсин ҳамда ижтимоий реклама сифатида уларни телевидение ва радиоканалларда жойлаштирсин.
20. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон Миллий ахборот агентлиги ва Ўзбекистон Миллий телерадиокомпаниясига Фармон ҳамда мазкур қарорнинг мақсад ва вазифаларини, малакали ўқитувчилар, намунали синф раҳбарлари, мактаблар ва директорларнинг ижобий тажрибаларини оммавий ахборот воситаларида кенг ёритиш тавсия этилсин.
21. Халқ таълими вазирлиги манфаатдор вазирлик ва идоралар билан биргаликда икки ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
22. Мазкур қарорнинг ижросини самарали ташкил этишга масъул ва шахсий жавобгар этиб Ўзбекистон Республикаси Бош вазирининг ўринбосари Б.А. Мусаев ҳамда Ўзбекистон Республикаси халқ таълими вазири Ш.Х. Шерматов белгилансин.
Қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2020 йил 6 ноябрь,
ПҚ-4884-сон
Ўзбекистон Республикаси Президентининг 2020 йил 6 ноябрдаги ПҚ-4884-сон қарорига
ИЛОВА
Таълим-тарбия ва илм-фан соҳаларини янада такомиллаштиришга қаратилган комплекс чора-тадбирлар дастури
Т/р
Чора-тадбирлар
Амалга ошириш механизми
Бажариш муддати
Молиялаш-тириш манбаи
Ижро учун масъуллар
I. Мактабгача таълим тизими сифати ва самарадорлигини ошириш, болалар қамровини ошириш ва мактабгача таълим ташкилотлари сонини кўпайтириш
1.
3 — 7 ёшдаги болаларни мактабгача таълим билан қамраб олиш даражасини 65 фоизга, 6 ёшли болалар қамровини 82 фоизга етказиш.
Амалий чора-тадбирлар.
Бунда:
мактабгача таълим тизимига хусусий сектор маблағларини жалб қилиш, имтиёзли кредитлар ва субсидиялар ажратиш;
давлат-хусусий шериклик асосида мактабгача таълим ташкилотлари сонини ошириш;
мажбурий бепул мактабга тайёрлов ҳамда қисқа муддатли гуруҳлар фаолиятини кенг йўлга қўйиш;
инвестиция дастури доирасида янги мактабгача таълим ташкилотлари қуриш, бўш турган биноларни фойдаланишга топшириш ва мактабгача таълим ташкилотларини реконструкция қилиш.
2022 йил январь
Давлат бюджети ва хусусий сектор маблағлари
Мактабгача таълим вазирлиги (А. Шин), Молия вазирлиги (Т. Ишметов), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари
2.
Мактабгача таълим тизимида кадрлар тайёрлаш, уларни малакасини ошириш ва қайта тайёрлаш тизимини такомиллаштириш.
Чора-тадбирлар режасини тасдиқлаш.
Чора-тадбирлар режасида Moodle онлайн таълим курслари негизида педагогларни масофадан ўқитишни ташкил этиш, педагоглар учун ўқув материал ва видеороликлар шаклида таълим ресурслари базасини шакллантиришни назарда тутиш.
2021 йил июнь
Халқаро ташкилотлар ва Давлат бюджети маблағлари
Мактабгача таълим вазирлиги (А. Шин), Молия вазирлиги (Т. Ишметов), Олий ва ўрта махсус таълим вазирлиги (И. Маджидов), Ахборот технологиялари ва коммуникацияларини ривожлантириш вазирлиги (Ш. Садиков)
3.
Мактабгача таълим тизимида замонавий ўқитиш шакллари, янги педагогик ва ахборот технологияларини жорий қилиш.
Амалий чора-тадбирлар.
Бунда:
болаларнинг ўсиши ва ривожланиши, мактабгача таълим билан қамраб олиниши мониторингини олиб бориш учун ахборот тизимларини жорий этиш;
мактабгача ёшдаги болаларда миллий қадриятларни ва Ватанга муҳаббат туйғусини ривожлантириш мақсадида республика ҳудудларининг урф-одатлари ва миллий анъаналаридан келиб чиқиб амалдаги таълим-тарбия дастурларини такомиллаштириш;
алоҳида таълим эҳтиёжлари бўлган болалар учун онлайн платформа яратиш;
ЮНИСЕФ ва Ўзбекистон Миллий телерадиокомпанияси билан биргаликда «Онлайн болалар боғчаси» дастури доирасида машғулотлар мажмуини ишлаб чиқиш;
мактабгача таълим хизматлари учун электрон тўлов тизимини кенг жорий этиш;
Мактабгача таълим тизимини электрон бошқариш тизими (EMIS)нинг бошқа вазирлик ва идоралар билан ўзаро интеграциясини жорий этиш.
2021-2022 йиллар
–
Мактабгача таълим вазирлиги (А. Шин), Ахборот технологиялари ва коммуникацияларини ривожлантириш вазирлиги (Ш. Садиков)
4.
Мактабгача, умумий ўрта, профессионал ва олий таълим ўқув дастурлари ва фанларнинг узлуксизлигини таъминлаш.
Мактабгача умумий ўрта, профессионал ва олий таълим ўқув дастурлари ва фанлар бўйича узлуксиз таълим концепциясини тасдиқлаш.
Концепцияда қуйидагиларни назарда тутиш:
мактабгача, умумий ўрта, профессионал ва олий таълим фан дастурлари узвийлигини таъминлаш;
таълим жараёнига янги ўқув дастурлари ва режаларини ж?рий этиш.
2021 йил декабрь
–
Таълим сифатини назорат қилиш давлат инспекцияси (У. Ташкенбаев), Мактабгача таълим вазирлиги (А. Шин), Халқ таълими вазирлиги (Ш. Шерматов), Олий ва ўрта махсус таълим вазирлиги (И. Мажидов)
5.
Илк ёшдаги болаларни ривожлантириш учун инновацион тадқиқот лабораториясини ташкил этиш.
Вазирлар Маҳкамасининг қарори.
Қарорда қуйидагиларни назарда тутиш:
илк ёшдаги болаларни ривожлантириш учун инновацион тадқиқот лабораториясини ташкил этиш;
халқаро стандартлар ва талаблар асосида мактабгача таълим ёшидаги болаларнинг ривожланишини баҳолаш мезонлари ва кўрсаткичларини ишлаб чиқиш;
боланинг жисмоний, ақлий, когнитив ва шахсий ривожланиши учун муҳитни яхшилашга қаратилган чора-тадбирлар мажмуини амалга ошириш.
2021 йил апрель
–
Мактабгача таълим вазирлиги (А. Шин), Соғлиқни сақлаш вазирлиги (А. Хаджибаев)
6.
Мактабгача таълим ташкилоти ва боланинг ота-онаси ўртасида ўзаро ҳамкорликни кучайтириш.
Амалий чора-тадбирлар.
Бунда:
мактабгача таълим ташкилотларида ота-оналар учун консилиум марказларини ташкил этиш;
консилиум марказлари таркибида «Ёш оналар мактаби», «Бувижонлар мактаби», «Ёш оталар мактаби» фаолиятини кенг йўлга қўйиш;
«Энг ибратли оила», «Китобхон оила» кўрик-танловларини ўтказиш.
2021 йил сентябрь
–
Мактабгача таълим вазирлиги (А. Шин), Маҳалла ва оилани қўллаб-қувватлаш вазирлиги (Р. Маматов)
II. Умумий ўрта таълим тизимида таълим сифатини ошириш, кадрлар салоҳиятини кўтариш ва умумтаълим муассасаларнинг моддий-техника базасини мустаҳкамлаш
7.
Мактаб директори фаолиятини 3 йиллик дастур асосида олиб бориши ва йил якуни бўйича халқ депутатлари маҳаллий Кенгашларига ҳисобот бериши тартибини белгилаш.
Ўзбекистон Республикасининг «Маҳаллий давлат ҳокимияти тўғрисида»ги Қонунига ўзгартиш ва қўшимчалар ва киритиш.
Қонун лойиҳасида қуйидагиларни назарда тутиш:
мактаб фаолиятини ташкил этишда халқ депутатлари туман (шаҳар) Кенгашларининг ваколатларини белгилаш;
мактаб директорининг ҳисоботини халқ депутатлари туман (шаҳар) Кенгашларида эшитиш;
мактаб директорини тайинлаш ва уни лавозимидан озод этиш масалаларини кўриб чиқиш.
2021 йил май
–
Халқ таълими вазирлиги (Ш. Шерматов), Адлия вазирлиги (Р. Давлетов)
8.
Ўзбек тили грамматикасини ўқитишни ислоҳ қилиш ҳамда миллий руҳиятга мос бўлган она тилини ўқитишнинг янги методикасини ишлаб чиқиш.
Амалий чора-тадбирлар.
Бунда:
–
Халқ таълими вазирлиги (Ш. Шерматов), Фанлар академияси (Б. Юлдашев), Олий ва ўрта махсус таълим вазирлиги (И. Маджидов)
она тили фанидан грамматик тушунчаларни соддалаштириш ва такомиллаштириш;
2021 йил март
она тили фанидан имло қоидаларини қайта кўриб чиқиш;
2021 йил май
бошланғич синфларда ёзиш ва ўқиш кўникмаларини уйғунликда шакллантириш мақсадида она тили ва ўқиш фанларини ягона дарслик асосида ўқитиб бориш;
5 — 11-синфларда она тили ва адабиёт фанига нутқ маданияти ва нотиқлик санъати мавзуларини киритиш.
Нашр режасига асосан
9.
Аниқ ва табиий фанларни ўқитиш методикасини такомиллаштириш.
Чора-тадбирлар дастурини тасдиқлаш.
Чора-тадбирлар дастурида қуйидагиларни назарда тутиш:
аниқ ва табиий фанларни амалиёт билан боғлаш;
ўқитувчилар учун замонавий методик қўлланмалар яратиш;
ўқувчиларда мантиқий фикрлаш, хусусий хулосалардан умумий хулосалар чиқариш ва умумий хулосаларни хусусий ҳолларга татбиқ қилиш кўникмаларини ривожлантиришга қаратилган медиаресурслар яратиш;
табиий фанларни ўқитишдаги халқаро тажрибани ўрганиш асосида таълим жараёнини спиралсимон йўналишда олиб бориш;
магистрлик ва докторлик диссертациясини муваффақиятли ҳимоя қилган олимларни умумтаълим мактабларида дарс беришга жалб қилиш;
педагогика йўналишларида таълим олаётган талабаларнинг амалиёт соатларини ошириш, амалиётни асосан чекка ҳудудларда жойлашган таълим муассасаларида ўтишини таъминлаш.
2021/2022 ўқув йили
–
Халқ таълими вазирлиги (Ш. Шерматов), Фанлар академияси (Б. Юлдашев), Олий ва ўрта махсус таълим вазирлиги (И. Маджидов)
10.
Умумтаълим мактабларида дарслик ва ўқув-методик мажмуаларни тажриба-синов асосида ҳамда чет эллик мутахассислар иштирокида экспертизадан ўтказиш тизимини яратиш.
Вазирлар Маҳкамасининг қарори.
Қарорда қуйидагиларни назарда тутиш:
дарслик ва ўқув-методик мажмуаларни экспертизадан ўтказиш;
экспертиза қилиш ва тақриз бериш жараёнида иштирок этувчи экспертлар ва тақризчилар гуруҳларини шакллантириш ва уларга ҳақ тўлаш;
ушбу жараёнга чет эллик мутахассисларни жалб этишни назарда тутиш.
2021 йил апрель
Халқ таълими соҳасидаги ислоҳотларга кўмаклашиш жамғармаси
Халқ таълими вазирлиги (Ш. Шерматов), Молия вазирлиги (Т. Ишметов)
11.
Умумий ўрта таълим мактабларининг 4-синф битирувчиларининг ўқишини келгусида ихтисослаштирилган синфларда давом эттириш мақсадида уларни саралаб олиш тизимини жорий этиш.
Ижрочиларнинг қўшма қарори.
Қарорда:
умумий ўрта таълим мактабларининг 4-синф битирувчиларининг қизиқиш ва қобилиятларини аниқлаш натижалари асосида уларни ихтисослашган синфларда ўқитишни давом эттириш тизимини жорий этиш;
умумий ўрта таълим мактабларининг 4-синф битирувчиларини фанлар бўйича саралаш ва йўналтириш тартибини тасдиқлаш;
фанлар бўйича ихтисослаштирилган синфларга ҳужжатларни қабул қилиш, расмийлаштириш ва тегишли фанлардан синовлар ўтказиш ҳамда ота-оналарнинг мурожаатларини кўриб чиқиш бўйича комиссия тузиш ва унинг вазифаларини белгилаш;
фанлар бўйича ихтисослаштирилган синфларга ўқувчиларни қабул қилиш ва уларни четлаштириш тартибларини белгилаш.
2021 йил март
Давлат бюджети ва халқаро молия институтларининг маблағлари
Таълим сифатини назорат қилиш давлат инспекцияси (У. Ташкенбаев), Давлат тест маркази (М. Каримов), Халқ таълими вазирлиги (Ш. Шерматов), Президент, ижод ва ихтисослаштирилган мактабларни ривожлантириш агентлиги (Х. Умарова)
12.
Қоракўл туманидаги Халқаро математика мактабининг амалий тажрибаси, методик ва методологик бошқарув усулларини ҳудудларда ташкил этилаётган ихтисослаштирилган математика мактабларининг таълим жараёнига татбиқ этиш.
Амалий чора-тадбирлар.
Бунда:
ихтисослаштирилган математика мактаблари ўқитувчиларини Халқаро математика мактабига стажировкага юбориш;
Халқаро математика мактабининг маҳоратли ўқитувчилари томонидан ихтисослаштирилган математика мактабларида маҳорат дарсларини ўтказиш;
Халқаро математика мактаби тажрибасини оммалаштириш мақсадида директорлар малака ошириш курсларида мазкур мактабнинг бошқарув методикасини кенг ёритиш, шу жумладан методик қўлланмалар ва видеофильмлар яратиш таъминланади.
2021 йил сентябрь
–
Халқ таълими вазирлиги (Ш. Шерматов), Қорақалпоғистон Республикаси Вазирлар Кенгаши, вилоятлар
ва Тошкент шаҳар ҳокимликлари, Низомий номидаги Тошкент давлат педагогика университети (А. Умаров)
13.
Узлуксиз таълим тизимида бир нечта чет тилини ўрганиш концепциясини ишлаб чиқиш ва тасдиқлаш.
Ижрочиларнинг қўшма қарори.
Қарорда қуйидагиларни назарда тутиш:
узлуксиз таълим тизимида бир нечта чет тилини ўрганиш концепциясини тасдиқлаш;
айрим фанлар чуқурлаштириб ўқитиладиган ихтисослаштирилган мактабларда 5-синфдан, мактаб-интернат ва ижод мактабларида 7-синфдан бошлаб ўқув режадаги баъзи фанларни тиллар, жумладан чет тилларига ўтказиш ҳисобидан 2 ва ундан ортиқ чет тилларини ўқитишни йўлга қўйиш.
2021 йил октябрь
–
Таълим сифатини назорат қилиш давлат инспекцияси (У. Ташкенбаев), Халқ таълими вазирлиги (Ш. Шерматов), Мактабгача таълим вазирлиги (А. Шин), Олий ва ўрта махсус таълим вазирлиги (И. Маджидов)
14.
Умумтаълим мактабларида «Тарбия» фанининг назарий асосларини ишлаб чиқишда буюк аждодларимиз асарларидан фойдаланиш.
Амалий чора-тадбирлар.
Бунда:
Республика мақсадли китоб жамғармаси маблағлари
Халқ таълими вазирлиги (Ш. Шерматов), Молия вазирлиги (Т. Ишметов), Республика Маънавият ва маърифат маркази (М. Хожиматов), Ўзбекистон Ёзувчилар уюшмаси (С. Саидов)
10-11-синфлар учун мўлжалланган «Тарбия» фани бўйича дарсликларни яратишда буюк боболаримиз асарларидан кенг фойдаланиш;
2021 йил август
1 — 9-синфлар учун яратилган «Тарбия» фани дарслигини даврийлик асосида қайта нашр этишда буюк боболаримиз асарларидан кенг фойдаланган ҳолда тўлдириб бориш.
Алоҳида режа бўйича
15.
Ўқувчиларни касб-ҳунарга йўналтириш ва республика психологик-педагогик ташхис маркази фаолиятини такомиллаштириш.
Вазирлар Маҳкамасининг қарори.
Қарорда қуйидагиларни назарда тутиш:
халқ таълими тизимида касб-ҳунарга йўналтириш ва психологик-педагогик хизмат кўрсатиш механизмини янада такомиллаштириш, илғор тажрибаларга асосланган касб-ҳунарга йўналтиришнинг замонавий шакл ва услубларини жорий этиш;
инклюзив таълимни ривожлантириш ҳамда болалар, ота-оналар ва педагогик ходимларга ижтимоий-психологик хизматлар кўрсатиш орқали болалар учун хавфсиз инклюзив ўқув муҳитини яратиш;
халқ таълими тизимининг қуйи бошқарув органлари ва таълим муассасаларида Марказ йўналиши бўйича фаолият олиб бораётган методист-ходимлар, психологлар, ўқитувчи-логопедларнинг малакасини ошириш ва қайта тайёрлаш тизимига замонавий таълим технологияларини жорий этиш;
таълим муассасалари психологларига малака тоифаларини бериш, шунингдек, талабгорларни аттестациядан ўтказиш тизимини соддалаштириш ва халқаро тажрибаларни инобатга олган ҳолда такомиллаштириш.
2021 йил январь
–
Халқ таълими вазирлиги (Ш. Шерматов), Соғлиқни сақлаш вазирлиги (А. Хаджибаев)
16.
Қорақалпоғистон Республикаси халқ таълими вазири, вилоятлар халқ таълими бошқармаси бошлиқлари ва Тошкент шаҳар халқ таълими бош бошқармаси бошлиғи, туман (шаҳар) халқ таълими бўлими мудирларига бир вақтнинг ўзида тегишинча Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар, туман (шаҳар) ҳокимларининг таълим ва тарбия масалалари бўйича маслаҳатчилари мақомини бериш ва уларни моддий қўллаб-қувватлаш.
Ташкилий чора-тадбирлар.
Қорақалпоғистон Республикаси халқ таълими вазири, вилоятлар халқ таълими бошқармаси бошлиқлари ва Тошкент шаҳар халқ таълими бош бошқармаси бошлиғи, туман (шаҳар) халқ таълими бўлими мудирларини мақомига кўра Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар, туман (шаҳар) ҳокимларининг маслаҳатчисига тенглаштириш.
2021 йил январь
–
Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари, Халқ таълими вазирлиги (Ш. Шерматов)
17.
Туман(шаҳар) халқ таълими бўлимларини хизмат автотранспорт воситалари билан таъминлаш.
Амалий чора-тадбирлар.
Бунда:
туман (шаҳар) халқ таълими бўлимлари сонига мутаносиб равишда Халқ таълими вазирлиги тизимидаги шахсан бириктирилган хизмат автотранспорт воситаларнинг чекланган сонини ошириш;
2021 йил май
–
Иқтисодий тараққиёт ва камбағалликни қисқартириш вазирлиги (И. Норкулов), Молия вазирлиги (Т. Ишметов),Халқ таълими вазирлиги (Ш. Шерматов), Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари
Халқ таълими вазирлигининг ҳисоб-китобларига асосан хизмат автотранспорт воситаларига «ҳайдовчи» штат бирликларини ажратиш;
Маҳаллий бюджетлар
Халқ таълими вазирлиги тизимида хизмат автотранспорт воситаларнинг чекланган сони оширилиши ҳисобига қўшимча белгиланган йўл босиш йиллик лимити нормаларидан келиб чиқиб ёқилғи маҳсулотларини ажратиш;
Маҳаллий бюджетлар
туман (шаҳар) халқ таълими бўлими мудирларига 1(бир) дона «Нексия-3» русумли енгил хизмат автотранспорт воситаларини харид қилиш.
Маҳаллий бюджет даромадларининг режасидан орттирилган қисми
18.
Янги умумтаълим муассасалари қурилиши учун жой белгилаш ва ер майдонларининг ажратилишида ҳудудлардаги аҳоли уй-жойлари қурилиши ва инфратузилманинг ривожланишларини инобатга олиш ҳамда янги барпо этилаётган массивларнинг бош режасини ишлаб чиқишда ушбу ҳудудларда янги мактаб қурилишини инобатга олиш бўйича Халқ таълими вазирлигининг хулосаларини олишни қатъий белгилаш.
Ташкилий чора-тадбирлар.
Бунда:
янги барпо этилаётган массивларнинг бош режасини ишлаб чиқишда ушбу ҳудудларда янги мактаб қурилишини инобатга олиш бўйича Халқ таълими вазирлигининг хулосалари олинишини таъминлаш;
янги ҳудуд ва массивларда қурилаётган янги кўп қаватли бинолар қурилишида уларга мутаносиб равишда янги ўқувчи ўрнини яратиш, жумладан ҳар бир хонадон ҳисобидан камида 1,5 янги ўқувчи ўрни яратилишини таъминлаш;
умумий ўрта таълим муассасаларини янгидан қуриш, реконструкция қилиш ва мукаммал таъмирлаш бўйича амалга ошириладиган қурилиш-монтаж ишларининг лойиҳа-смета ҳужжатларини ишлаб чиқишда Халқ таълими вазирлиги қошидаги «Инжиниринг компанияси» ДУК томонидан буюртмачи вазифасини амалга ошириш ва қурилиш ишлари сифатли бажарилиши устидан назорат олиб боришга амалий ёрдам кўрсатиш.
Доимий
–
Қорақалпоғистон Республикаси Вазирлар Кенгаши раиси, Тошкент шаҳар ва вилоятлар (шаҳар ва туман) ҳокимликлари, Қурилиш вазирлиги (Б. Зокиров), Халқ таълими вазирлиги (Ш. Шерматов)
19.
Халқ таълими муассасаларининг инфратузилмасини яхшилаш.
Ташкилий чора-тадбирлар.
Бунда:
Маҳаллий бюджет, ҳомийлик ва грант маблағлари
Қорақалпоғистон Республикаси Вазирлар Кенгаши ва вилоятлар ҳокимликлари, Иқтисодий тараққиёт ва камбағалликни қисқартириш вазирлиги (И. Норкулов), Уй-жой коммунал хизмат кўрсатиш вазирлиги (М. Салиев), Молия вазирлиги (Т. Ишметов), Халқ таълими вазирлиги (Ш. Шерматов)
халқ таълими муассасаларини ичимлик суви ва канализация тизими билан таъминланганлиги, атрофи тўлиқ ўралганлиги, ҳожатхоналар санитария-гигиена талабларига жавоб бериши, ошхона (буфет), фаоллар зали ва спорт зали мавжудлиги бўйича хатловдан ўтказиш;
2021 йил январь
вилоятдаги мавжуд мактаб филиалларини тўлиқ хатловдан ўтказиш, биринчи навбатда лой-пахса, хом ғиштдан қурилган филиалларни қайтадан
2021 йил февраль
қуриш, қолганларини таъмирлаш, реконструкция қилиш натижасида ушбу филиалларни тўлақонли мактабга айлантириш бўйича амалий чоралар кўриш;
хатлов натижасига кўра барча халқ таълими муассасаларини ичимлик суви ва канализация тизими билан таъминлаш, атрофини тўлиқ ўраш,
2021 — 2023 йиллар
ҳожатхоналарини санитария-гигиена талабларига жавоб берадиган ҳолатга келтириш, ошхона (буфети), фаоллар зали ва спорт зали билан таъминлаш учун 2021 — 2023 йилларга мўлжалланган уч йиллик ҳудудий дастурлар ишлаб чиқиб, Халқ таълими вазирлиги билан келишилган холда Вазирлар Маҳкамасига киритиш;
тасдиқланган дастур асосида Манзилли рўйхатига тушган мактаблар учун йиллик харажатлар сметасида маҳаллий бюджетдан етарли маблағларни ажратиш;
2021 — 2023 йиллар
тасдиқланган дастурга киритилган умумтаълим мактабларини ичимлик суви ва канализация тизими билан таъминлаш, атрофини тўлиқ ўраш, ҳожатхоналарини санитария-гигиена талабларига жавоб бериши, ошхона (буфети), фаоллар зали ва спорт зали билан тўлиқ таъминлаш, ҳамда филиаллар масалаларини тўла-тўкис ҳал қилиш чораларини кўриш.
2021 — 2023 йиллар
20.
Умумий ўрта ва касб-ҳунар таълими мактаблари, академик лицейлар ўқувчиларини тиббий-кўрикдан ўтказиш бўйича қабул қилинган норматив-ҳуқуқий ҳужжатларни такомиллаштириш.
Ташкилий чора-тадбирлари.
Бунда:
умумий ўрта ва касб-ҳунар таълими мактаблари, академик лицейлар ўқувчиларини тиббий-кўрикдан ўтказиш бўйича қабул қилинган норматив-ҳуқуқий ҳужжатларни хатловдан ўтказиш;
хатлов натижаларига кўра ўқувчиларини тиббий-кўрикдан ўтказиш тартибини бузганликда айбдор шахсларга нисбатан маъмурий жавобгарликни белгилашни назарда тутувчи қонун лойиҳасини Ўзбекистон Республикаси Олий Мажлиси Қонунчилик палатасига киритиш.
2021 йил март
–
Соғлиқни сақлаш вазирлиги (А. Хаджибаев), Халқ таълими вазирлиги (Ш. Шерматов), Олий ва ўрта махсус таълим вазирлиги (И. Маджидов), Адлия вазирлиги (Р. Давлетов), манфаатдор вазирлик ва идоралар
21.
Халқ таълими вазирлиги ва унинг тизимидаги ташкилотларга юқори малакали хорижий ўқитувчи ва мутахассисларни жалб қилиш, уларнинг фаолиятини амалга ошириш учун етарли шарт-шароитлар яратиш чораларини кўриш.
Ўзбекистон Республикасининг «Давлат божи тўғрисида»ги Қонунга ўзгартиш ва қўшимчалар ва киритиш.
Қонун лойиҳасида жалб этилаётган хорижий ўқитувчилар ва мутахассисларни, шунингдек, уларнинг оила аъзоларига Ўзбекистон Республикасига кириш учун кўп марталик визалар берилиши ва узайтирилиши, турар жойи бўйича вақтинча прописка қилиниши ва вақтинча прописка муддати узайтирилиши учун тўланадиган божлардан озод қилишни назарда тутиш.
Хорижий ўқитувчилар ва мутахассисларга Ўзбекистон ҳудудида меҳнат фаолиятини амалга ошириш ҳуқуқини берувчи тасдиқномани олмасдан давлат умумий ўрта таълим муассасаларида ишлаш ҳуқуқини бериш.
2021 йил май
–
Бандлик ва меҳнат муносабатлари вазирлиги (Н. Хусанов), Ташқи ишлар вазирлиги (А. Комилов), Ички ишлар вазирлиги (П. Бобожонов), Адлия вазирлиги (Р. Давлетов)
22.
Ёшларда мафкуравий иммунитетни кучайтириш, уларни турли ёт ғоя ва таҳдидлардан асраш, ўз мустақил фикрига эга, иродали, фидойи ва ватанпарвар инсонлар этиб тарбиялаш.
Қўшма чора-тадбирлар режасини тасдиқлаш.
Чора-тадбирлар режасида қуйидагиларни назарда тутиш:
турли номинациялардан иборат «Ислоҳотлар билимдони» кенг тармоқли республика илмий-маърифий кўрик-танлови низоми, дастури ва режасини тасдиқлаш;
«Ислоҳотлар билимдони» мавзуси остида «Йилнинг энг фаол миллий ғоя ва маънавият тарғиботчиси», «Маънавий-маърифий ишлар бўйича энг яхши кафедра», «Энг яхши гуруҳ мураббийси», «Энг фаол хотин-қизлар маслаҳат кенгаши раиси», «Энг фаол ислоҳотлар тарғиботчиси» номинациялари бўйича ўқитувчилар ва талабалар ўртасида республика илмий-маърифий кўрик-танловини ўтказиш.
2021 йил январь
Олий ва ўрта махсус таълим вазирлигининг Олий таълим муассасаларини ривожлантириш жамғармаси маблағлари
Олий ва ўрта махсус таълим вазирлиги (И. Маджидов), тасарруфида олий таълим муассасалари бўлган вазирлик ва идоралар, Фанлар академияси (Б. Юлдашев), Республика Маънавият ва маърифат маркази (М. Хожиматов)
23.
Аждодларимиз, олим ва уламоларимизнинг бетакрор ҳамда ноёб илмий-маънавий меросини ёш авлодга содда, тушунарли ва қизиқарли шаклларда етказиш.
Чора-тадбирлар режасини тасдиқлаш.
Чора-тадбирлар режасида қуйидагиларни назарда тутиш:
Ўзбекистоннинг янги тараққиёт даврининг ижтимоий-сиёсий, иқтисодий, маънавий-маърифий асослари ҳақида илмий-оммабоп асарлар, ижтимоий роликлар ва ҳужжатли фильмларни яратиш;
биринчи ва иккинчи Уйғониш даври алломаларининг буюк кашфиётлари, илмий жиҳатдан асослаб берилган таълимотлари моҳиятини ихчам рисолаларда акс эттириш орқали кенг аҳоли орасида тарғиб этиш;
телеканалларда «Аждодлар мероси — куч-қувват ва илҳом манбаи» номли туркум кўрсатувларни тайёрлаш.
2020 йил декабрь
–
Фанлар академияси (Б. Юлдашев), Ўзбекистон Миллий телерадиокомпанияси (А. Хаджаев), Ўзбекистон Миллий ахборот агентлиги (А. Кўчимов), Олий ва ўрта махсус таълим вазирлиги (И. Маджидов), Халқ таълими вазирлиги (Ш. Шерматов), Инновацион ривожланиш вазирлиги (И. Абдураҳмонов)
24.
Буюк мутафаккирларимизнинг илмий-маърифий ва маданий меросини фундаментал асосда нашрга тайёрлаш, чоп этиш ва кенг оммага етказиш, шунингдек, уни ўрганиш методикасини ишлаб чиқиб, амалда қўллаш чора-тадбирларини амалга ошириш.
Вазирлар Маҳкамасининг қарори.
Қарорда қуйидагиларни назарда тутиш:
буюк мутафаккирларнинг илмий-маърифий ва маданий меросига оид асарларнинг даврийлиги ва тематикаси бўйича рўйхатини тасдиқлаш;
ноёб асар ва қўлёзмаларни ўрганиш жараёнига замонавий технологияларни жорий этиш ҳамда бу соҳада салоҳиятли ёш кадрлар тайёрлашни йўлга қўйиш;
асар ва қўлёзмаларни кенг қамровли ўрганиш, таҳлил қилиш ва чоп этиш, кенг оммага етказиш механизми ва методикасини ишлаб чиқиш;
ўрганилган материалларни амалда қўллаш чора-тадбирларини ишлаб чиқиш.
2021 йил март
Мазкур мақсадлар учун ажратилган бюджет маблағлари ва ижрочиларнинг бюджетдан ташқари маблағлари
Фанлар академияси (Б. Юлдашев), Олий ва ўрта махсус таълим вазирлиги (И. Маджидов), Маданият вазирлиги (О. Назарбеков), Инновацион ривожланиш вазирлиги (И. Абдураҳмонов), Дин ишлари бўйича қўмита (А. Аҳмедов)
25.
Умумтаълим муассасаларининг Ватанпарварлик руҳида ёшларни тайёрлаш бўйича директор ўринбосари — Ҳарбий чақириққача тайёргарлик раҳбарларини моддий қўллаб-қувватлаш.
Вазирлар Маҳкамасининг қарори лойиҳаси.
Қарорда 2021 йил 1 апрелдан бошлаб умумтаълим муассасаларининг Ватанпарварлик руҳида ёшларни тайёрлаш бўйича директор ўринбосари — Ҳарбий чақириққача тайёргарлик раҳбарининг иш ҳақи миқдорини умумтаълим мактабининг олий маълумотли (тоифасиз) ўқитувчиси базавий тариф ставкасига тенглаштиришни назарда тутиш.
2021 йил март
Давлат бюджети маблағлари
Халқ таълими вазирлиги (Ш. Шерматов), Молия вазирлиги (Т. Ишметов), Иқтисодий таррақиёт ва камбағалликни қисқартириш вазирлиги (И. Норкулов)
III. Иқтидорли ўқувчиларни саралаш ва юқори малакали кадрлар тайёрлашнинг узлуксиз тизимини такомиллаштириш, уларга зарур шарт-шароитларни яратиш
26.
Халқ таълими тизимининг ҳудудий бошқарув органлари сифат таркибини қайта қўриб чиқиш ва юқори малакали кадрларни жалб қилиш.
Қўшма қарорни қабул қилиш.
Бунда:
Халқ таълими вазирлигининг ҳудудий бошқарув органларига юқори малакали кадрларни жалб қилиш, уларнинг малакасини доимий ошириш ҳамда билимларини баҳолаб бориш тизимини жорий этиш;
2021 йил 1 июнга қадар Халқ таълими вазирлигининг ҳудудий бошқарув органлари бошқарув ходимларининг билим ва кўникмаларини баҳолашни амалга ошириш;
баҳолаш натижаларига мувофиқ «Ягона миллий меҳнат тизими» идоралараро дастурий-аппарат комплекси асосида юқори малакали номзодларни танлов асосида ишга қабул қилишни таъминлаш.
2021 йил 10 январь
–
Халқ таълими вазирлиги (Ш. Шерматов), Таълим сифатини назорат қилиш давлат инспекцияси (У. Ташкенбаев), Бандлик ва меҳнат муносабатлари вазирлиги (Н. Хусанов), Адлия вазирлиги (Р. Давлетов)
27.
Халқ таълими вазирлиги қошидаги фан олимпиадалари ва иқтидорли ўқувчилар билан ишлаш департаменти фаолиятини такомиллаштириш.
Халқ таълими вазирининг буйруғини қабул қилиш, ташкилий чора-тадбирларни амалга ошириш.
Бунда:
Халқ таълими вазирлиги (Ш. Шерматов), Президент, ижод ва ихтисослаштирилган мактабларни ривожлантириш агентлиги (Х. Умарова), Ёшлар ишлари агентлиги (А. Саъдуллаев)
иқтидорли ўқувчиларни саралаш (селекция) тизимини такомиллаштириш мақсадида Ихтисослашган мактаблар истиқболини белгилаш бўлимини ташкил этиш;
2020 йил декабрь
илғор хорижий тажрибаларни ўрганган холда миллий ва халқаро олимпиадаларга ўқувчиларни тайёрлаш тизимини тубдан қайта кўриб чиқиш.
2021 йил январь
28.
Мактаб ўқувчиларининг интеллектуал салоҳиятини ривожлантириш.
Вазирлик буйруғини қабул қилиш, ташкилий чора-тадбирларни амалга ошириш.
Бунда:
«Заковат», «Брейн ринг», «Хамса» каби интеллектуал ўйинлар бўйича «Вазир кубоги», «Ҳоким кубоги» тадбирларини ташкил этиш;
«zakovat.tv» платформаси орқали мактаблар ўртасида интеллектуал мусобақаларни ташкил этиш.
2020/2021 ўқув йили
–
Халқ таълими вазирлиги (Ш. Шерматов), Ёшлар ишлари агентлиги (А. Саъдуллаев)
29.
Умумтаълим фанлари бўйича сертификатлаш ва билим даражасини баҳолашнинг миллий тест тизимини босқичма-босқич жорий этиш.
Амалий чора-тадбирлар.
Бунда:
Сертификация жараёнларида иштирок этадиган талабгорлардан ундириладиган тўлов
Давлат тест маркази (М. Каримов), Таълим сифатини назорат қилиш давлат инспекцияси (У. Ташкенбаев), Халқ таълими вазирлиги (Ш. Шерматов)
фанлар бўйича тестларни жорий этиш бўйича аниқ режа-графикни тасдиқлаш;
2020 йил 10 ноябрь
соҳа мутахассислари, олимлар ва амалиётчи педагогларни жалб қилган ҳолда назорат материалларини яратиш.
Режа-графикка асосан
30.
Умумий ўрта таълим мактаблари, академик лицей ва касб-ҳунар мактаблари ўқувчилари ўртасида фан олимпиадаларини ташкил этиш.
Вазирлар Маҳкамасининг қарори.
Қарор лойиҳасида қуйидагиларни назарда тутиш:
умумий ўрта таълим мактаблари, академик лицей ва касб-ҳунар мактаблари ўқувчилари ўртасида фан олимпиадаларини ташкил этиш;
математика, физика, кимё, биология, информатика ва ахборот технологиялари фанлари бўйича олимлар, тажрибали тренер-ўқитувчилар, республика ва халқаро олимпиада ғолибларидан иборат маслаҳат кенгашларининг фаолиятини йўлга қўйиш;
халқаро фан олимпиадаларида қатнашувчи терма жамоа аъзоларининг муваффақиятли иштирокини таъминлаш мақсадида ўқувчилар ва тренер ўқитувчиларга овқатланиш, ётоқхона ҳамда ўқув машғулотлари учун зарур шарт шароитларга эга бўлган. Иқтидорли ёшлар марказини ташкил этиш.
2021 йил март
–
Халқ таълими вазирлиги (Ш. Шерматов), Президент, ижод ва ихтисослаштирилган мактабларни ривожлантириш агентлиги (Х. Умарова), Олий ва ўрта махсус таълим вазирлиги (И. Маджидов), Ёшлар ишлари агентлиги (А. Саъдуллаев)
31.
Президент, ижод ва ихтисослаштирилганмактаблари фаолиятини такомиллаштириш.
Чора тадбирлар дастури.
Бунда:
Президент, ижод ва ихтисослаштирилган мактаблар ўртасида соғлом рақобат муҳитини шакллантириш;
Президент, ижод ва ихтисослаштирилган мактаб ўқувчилари билимини мониторинг қилиш механизмини ишлаб чиқиш;
ижод мактабларида ўқувчиларнинг қизиқишига оид йўналишлар тармоғини кенгайтириш;
ижод ва ихтисослаштирилган мактабларнинг ихтисослик йўналиши бўйича янги авлод дарсликларини ишлаб чиқиш;
ижод ва ихтисослаштирилган мактаблар раҳбар кадрлари учун замонавий мактабни бошқаришга оид ягона малака талабларини ишлаб чиқиш;
ижод мактаблари ўқувчиларининг ижодий ишларини соҳага оид газета ва журналларда тизимли равишда чоп этиб бориш.
2020/2021 ўқув йили
–
Президент, ижод ва ихтисослаштирилган мактабларни ривожлантириш агентлиги (Х. Умарова), Халқ таълими вазирлиги (Ш. Шерматов)
32.
Президент, ижод ва ихтисослаштирилган мактаблар фаолиятини ривожлантириш агентлиги тасарруфидаги мактабларга ёшларни саралаш тажрибасидан келиб чиқиб, ихтисослаштирилган мактабларга иқтидорли ёшларни саралаш ҳамда ўқитувчиларни танлов асосида ишга қабул қилиш тартибини ишлаб чиқиш.
Қўшма қарор лойиҳаси.
Қарор лойиҳасида қуйидагиларни назарда тутиш:
Президент, ижод ва ихтисослаштирилган мактабларга ёшларни саралаш тажрибасидан келиб чиқиб, ихтисослаштирилган мактабларга иқтидорли ёшларни саралаш тартибини;
ихтисослаштирилган мактабларга математика, кимё ва биология фани ўқитувчиларини танлов асосида ишга қабул қилиш тартибини белгилаш.
2021 йил январь
–
Президент, ижод ва ихтисослаштирилган мактабларни ривожлантириш агентлиги (Ҳ. Умарова), Халқ таълими вазирлиги (Ш. Шерматов), Адлия вазирлиги, (Р. Давлетов)
33.
Ижод мактаблари тизимини такомиллаштириш ва янада кенгайтириш.
Ўзбекистон Республикаси Президентининг қарори.
Қарорда қуйидагиларни назарда тутиш:
ижод мактаблари тизимини такомиллаштириш ва янада кенгайтириш бўйича 2021 — 2025 йилларга мўлжалланган Давлат дастурини тасдиқлаш;
республика ҳудудларида 33 та янги ижод мактабларига Инвестиция дастури доирасида замонавий бино ва иншоотлар қуриш учун ер ажратиш;
ижод мактабларини қуриш бўйича ягона намунавий лойиҳаларини ишлаб чиқиш;
ижод мактабларининг ихтисослик йўналишларини кенгайтириш.
2021 йил март
Давлат бюджети маблағлари
Президент, ижод ва ихтисослаштирилган мактабларни ривожлантириш агентлиги (Х. Умарова), Иқтисодий тараққиёт
ва камбағалликни қисқартириш вазирлиги (И. Норкулов), Молия вазирлиги (Т. Ишметов), Қурилиш вазирлиги (Б. Зокиров)
34.
Ўқувчиларнинг қобилиятини юзага чиқариш, бўш вақтини мазмунли ташкил этишга қаратилган беш муҳим ташаббус доирасида ахборот технологиялари тўгараклари фаолиятини янада ривожлантириш, уларни зарур восита ва жиҳозлар билан тўлиқ таъминлаш.
Амалий чора-тадбирлар.
Бунда, Эксимбанк (Жанубий Корея) кредит маблағларининг иқтисод қилинган 8,3 млн АҚШ долл. маблағи ҳисобидан 720 та умумтаълим муассасаларини компьютер синфи тўпламлари билан таъминлаш.
2021 йил давомида
Маҳаллий бюджет ва грант маблағлари
Қорақалпоғистон Республикаси Вазирлар Кенгаши, вилоятлар ва ?ошкент шаҳар ҳокимликлари, Халқ таълими вазирлиги (Ш. Шерматов), Молия вазирлиги (Т. Ишметов), Инвестициялар ва ташқи савдо вазирлиги (Л. Кудратов)
IV. Олий ва профессионал таълим мазмунини сифат жиҳатидан янги босқичга кўтариш, юқори малакали кадрлар тайёрлаш тизимини йўлга қўйиш, инновацион фаолият ва рақобатбардош илмий-техника маҳсулотлари бозорини кенгайтириш
35.
Халқаро меҳнат бозори талабларига жавоб берадиган кадрларни тайёрлаш, профессионал таълимнинг мазмуни ва сифатини ошириш дастурини ишлаб чиқиш.
Чора тадбирлар режасини тасдиқлаш.
Бунда:
Олий ва профессионал таълим йўналишлари ва мутахассисликлари классификаторини Таълимнинг Халқаро Стандарт Классификатори асосида хатловдан ўтказиш ҳамда мутаносибликни таъминлаш;
тармоқларнинг малака рамкалари даражаларига тўғри келадиган касб ва лавозимларнинг рўйхатини шакллантириш.
2021 йил август
–
Вазирлар Маҳкамаси, Олий ва ўрта махсус таълим вазирлиги (И. Маджидов), Бандлик ва меҳнат муносабатлари вазирлиги (Н. Хусанов), Иқтисодий тараққиёт ва камбағалликни қисқартириш вазирлиги (И. Норкулов), Инновацион ривожланиш вазирлиги (И. Абдураҳмонов), манфаатдор вазирлик ва идоралар
36.
Профессионал таълим тизими раҳбар ва педагог ходимлари меҳнатига ҳақ тўлаш тизимини такомиллаштириш.
Вазирлар Маҳкамасининг қарори.
Қарорда профессионал таълим тизими раҳбар ва педагог ходимлари меҳнатига ҳақ тўлаш тизимини қайта кўриб чиқиш ва такомиллаштиришни назарда тутиш.
2021 йил июнь
Профессионал таълим муассасаларига мазкур мақсадлар учун ажратилган бюджет ва бюджетдан ташқари маблағлар
Олий ва ўрта махсус таълим вазирлиги (И. Маджидов), Бандлик ва меҳнат муносабатлари вазирлиги (Н. Хусанов), Молия вазирлиги (Т. Ишметов), тизимида профессионал таълим муассасалари бўлган вазирлик ва идоралар
37.
Тошкент педиатрия тиббиёт институти академик лицейини фан олимпиадаларига тайёрлаш бўйича барча лицейларга таянч сифатида белгилаш.
Вазирлар Маҳкамасининг қарори.
Қарорда Тошкент педиатрия тиббиёт институти академик лицейининг кимё ва биология соҳасидаги тажрибасини инобатга олган ҳолда, фан олимпиадаларига тайёрлаш бўйича барча академик лицейларга таянч сифатида белгилаш.
Чора-тадбирлар дастури.
Бунда:
Академик лицейларнинг кимё ва биология йўналишида таҳсил олаётган иқтидорли ўқувчиларни тизимли равишда фан олимпиадаларига тайёрлаш
ва уларнинг муносиб иштирок этишини таъминлаш;
Тошкент педиатрия тиббиёт институти академик лицейини замонавий кимё ва биология лаборатория жиҳозлари билан таъминлаш.
2020 йил декабрь
Олий таълим муассасасининг бюджетдан ташқари маблағлари
Олий ва ўрта махсус таълим вазирлиги (И. Маджидов), тасарруфида академик лицейлар мавжуд олий таълим муассасалари, вазирлик ва идоралар, Тошкент шаҳар ҳокимлиги (Ж. Артикходжаев), Соғлиқни сақлаш вазирлиги (А. Хаджибаев)
38.
Олий таълим муассасаларида илмий-тадқиқот ишларини янада ривожлантириш мақсадида илмий фаолиятга оид давлат дастурлари доирасида амалга ошириладиган лойиҳалар кўламини кенгайтириш.
Чора тадбирлар режасини тасдиқлаш.
Чора тадбирлар режасида қуйидагиларни назарда тутиш:
олий таълим муассасаларида илмий-тадқиқот ишларини янада ривожлантириш бўйича мақсадли лойиҳаларни кўпайтириш;
ёшларни илмий лойиҳаларга жалб қилиш тартибини белгилаш;
2021 йилдан бошлаб олий таълим муассасаларида босқичма-босқич амалга ошириладиган лойиҳалар сонини ошириш;
талабалар илмий жамоаларини ягона илмий порталга бирлаштириш орқали Республика талабалар илмий мактабларининг рақамли платформасини яратиш;
хорижий олий таълим муассасалари билан ҳамкорликда қўшма илмий даража бериш Кенгашларини ташкил қилиш.
2021 йил январь
Давл?т бюджетидан давлат илмий-техник дастурларини амалга ошириш учун ажратиладиган маблағлар, халқаро грантлар ва олий таълим муассасаларининг мазкур мақсадлар учун ажратилган маблағлари
Олий ва ўрта махсус таълим вазирлиги (И. Маджидов), Инновацион ривожланиш вазирлиги (И. Абдураҳмонов), Фанлар академияси (Б. Юлдашев), Тошкент шаҳар ҳокимлиги (Ж. Артикходжаев), тасарруфида олий таълим муассасалари бўлган вазирлик ва идоралар
39.
Олий таълим муассасаларида илмий фаолиятни ривожлантириш мақсадида илмий лабораториялар ташкил қилиш чораларини кўриш.
Амалий чора-тадбирлар.
Бунда:
олий таълим муассасаларида илмий лабораториялардан жамоавий фойдаланишни тартибга солиш;
илмий лаборатория тўпламларини харид қилиш бўйича тендер савдоларини ўтказиш;
олий таълим муассасаларини замонавий илмий лаборатория тўпламлари билан таъминлаш даражасини яхшилаш;
Андижон давлат университетида кимё, биология ва физика йўналишидаги илмий тадқиқотларни замонавий фан ютуқлари асосида олиб бориш учун «Экология ва экспериментал биология» илмий лабораториясини ташкил этиш.
2021 йил август
Халқаро молия институтлари маблағлари
Олий ва ўрта махсус таълим вазирлиги (И. Маджидов), Инвестициялар ва ташқи савдо вазирлиги (Л. Кудратов)
40.
Олий таълим муассасаларининг моддий-техника базасини, кадрлар салоҳиятини мустаҳкамлаш, дарсликлар ва ўқув қўлланмаларини замон талаблари асосида такомиллаштириш, ўқув дастурлари ва стандартларини оптималлаштириш.
Амалий чора-тадбирлар.
Бунда:
Олий таълим муассасаларнинг мазкур мақсадлар учун ажратилган бюджет ва бюджетдан ташқари маблағлари
Олий ва ўрта махсус таълим вазирлиги (И. Маджидов), Фанлар академияси (Б. Юлдашев), тасарруфида олий таълим муассасалари мавжуд вазирлик ва идоралар
рейтинг тизимида фаолият олиб бораётган олий таълим муассасаларини кредит-модуль тизимига ўтказиш, ҳудудлар кесимида жойлашган иш берувчи корхоналар таклифларини инобатга олган ҳолда малака талаблари, ўқув режа ва фан дастурларини кредит-модуль тизими асосида ишлаб чиқиш ва тасдиқлаш;
2021 йил август
маънан эскирган ва замон талабларига жавоб бермайдиган дарслик ва ўқув адабиётларини хатловдан ўтказиш бўйича ишчи гуруҳ тузиш;
2020 йил ноябрь
олий ва ўрта махсус таълим муассасаларида мавжуд дарслик ва ўқув адабиётларини хатловдан ўтказиш;
2020 йил ноябрь-декабрь
кредит-модуль тизимига ўтган олий таълим муассасалари томонидан ишлаб чиқилган фан дастурлари асосида зарур ўқув адабиётларига бўлган эҳтиёжни аниқлаш;
2020 йил ноябрь-декабрь
хориж тажрибасидан келиб чиқиб, ўқув адабиётларининг янги авлодини яратиш.
2021 йилдан бошлаб босқичма-босқич
41.
Тиббиёт олий таълим ташкилотларининг фаолиятини такомиллаштириш.
Амалий чора-тадбирлар.
Бунда:
тиббиёт олий таълим муассасалари юқори курс талабалари машғулотларини замонавий асбоб-ускуналар билан жиҳозланган хусусий тиббий муассасаларда ўтказишни йўлга қўйиш;
тиббиёт олий таълим муассасалари иқтидорли талабаларига ўқув ишлари проректори ва факультет деканлари тавсиясига асосан 4-курсдан бошлаб давлат тиббий муассасаларида ўрта тиббиёт ходими сифатида кечки навбатчиликда ишлашга рухсат бериш.
2021 йил январдан бошлаб
–
Соғлиқни сақлаш вазирлиги (А. Хаджибаев), Олий ва ўрта махсус таълим вазирлиги (И. Маджидов), Бандлик ва меҳнат муносабатлари вазирлиги (Н. Хусанов)
42.
Олий таълим тизимида ахборот-коммуникация технологияларини қўллаш даражасини ошириш.
Амалий чора-тадбирлар.
Бунда:
Халқаро молия институтлари маблағлари
Олий ва ўрта махсус таълим вазирлиги (И. Маджидов), Ахборот технологиялари ва коммуникацияларини ривожлантириш вазирлиги (Ш. Садиков), тасарруфида олий таълим муассасалари бўлган вазирлик ва идоралар
«Рақамли университет» ахборот тизимини ишлаб чиқиш орқали ўқув ва илмий жараёнларни босқичма-босқич рақамлаштириш;
2021 йил февраль
олий таълим муассасалари томонидан ишлаб чиқиладиган мутахассислик фанлари дастурлари мазмунини кадрлар буюртмачилари таклифларини инобатга олиб ахборот-коммуникация технологияларини соҳада қўллаш бўйича мавзулар билан бойитиш;
2021 йил август
ахборот-коммуникация технологияларини шартнома асосида қўшимча равишда ўргатиш бўйича ўқув курсларини ташкил этиш.
2021/2022 ўқув йилидан бошлаб
43.
Олий таълим муассасалари йўналишларидан келиб чиққан ҳолда, ёшлар ташаббусларини қўллаб-қувватлаш мақсадида ички стартап танловларини ташкил этиш.
Чора тадбирлар режасини тасдиқлаш.
Чора тадбирлар режасида қуйидагиларни назарда тутиш:
олий таълим муассасаларида стартап лойиҳалар танловини ташкил этиш, ўтказиш ва молиялаштириш тартиби тўғрисида Низом ишлаб чиқиш;
стартап лойиҳалар танловларини ҳар йили ўтказишни йўлга қўйиш;
Олий таълим муассасаларини ривожлантириш жамғармаси ва олий таълим муассасаларининг инновацион жамғармалари маблағлари ҳисобидан танлов ғолиблари лойиҳаларини молиялаштириш.
2021 йил март
Олий таълим муассасаларини ривожлантириш жамғармаси маблағлари, олий таълим муассасаларининг инновацион жамғармалари маблағлари ҳисобидан
Олий ва ўрта махсус таълим вазирлиги (И. Маджидов), Инновацион ривожланиш вазирлиги (И. Абдураҳмонов), тасарруфида олий таълим муассасалари бўлган вазирлик ва идоралар
44.
Ёшлар академияси технопаркларида мамлакатимиз ривожланиши учун устувор бўлган соҳалар бўйича стартап акселераторлар ва муаммонинг ечимига қаратилган «хакатон»лар ташкил этиш.
Чора-тадбирлар режаси.
Бунда:
ёшлар технопаркларида стартап акселераторлар ва ҳар бир ҳудуд муаммоларининг ечимига қаратилган «хакатон»лар ташкил этиш тартибини ишлаб чиқиш;
ҳудудлардаги иқтидорли ёшларни жалб этган ҳолда стартап акселераторлар ва «хакатон»ларни ташкил этиш;
«хакатон»лар натижасида ғолиб деб топилган таклифларни ишланмага йўналтириш;
«хакатон»ларда ғолиб деб топилган ва стартап акселераторларга ўтган лойиҳаларни молиялаштириш.
2021 йил май
Иқтидорли ёшларни қўллаб-қувватлаш жамғармаси, маҳаллий бюджет маблағлари, ҳомийлик хайриялари
Инновацион ривожланиш вазирлиги (И. Абдураҳмонов), Ёшлар ишлари агентлиги (А. Саъдуллаев), Ахборот технологиялари ва коммуникацияларини ривожлантириш вазирлиги (Ш. Садиков), Қорақалпоғистон Республикаси Вазирлар кенгаши, вилоятлар ва Тошкент шаҳар ҳокимликлари

(Қонун ҳужжатлари маълумотлари миллий базаси, 07.11.2020 й., 07/20/4884/1484-сон)

Ҳужжатда хато топганингизда, уни белгилаб Ctrl+Enter ни босинг.

© Ўзбекистон Республикаси Адлия вазирлиги қошидаги “Адолат” миллий ҳуқуқий ахборот маркази давлат муассасаси