8.3. Экспорт битимини тайёрлаш учун зарур ҳужжатлар.
- Таклиф (оферта) - бу шундай ҳужжатки, унда шартнома тузиш мақсадида товарларни таклиф қилиш шартлари акс эттирилади.
- Шартнома: харидор ва сотувчи ўртасидаги товарларни етказиб бериш келишуви тўғрисида далолат берувчи ҳужжат.
- Буюртмани тасдиқлаш: буюртмани бажариш мажбуриятини ҳамда шартларни ёки шартларни қабул қилинишини тасдиқловчи ҳужжат.
- Ҳисоб-проформа: хақиқий ҳисобдаги ахборотни ўз ичига олувчи ва дастлабки якуний ҳисоб сифатида саналадиган ҳужжат. Лекин тўлов учун асос бўла олмайди.
- Тендер - буюртмачининг талабларига жавоб берадиган савдоларда иштирок этаётган оферентнинг таклифи бўлиб унда акс эттирилган техник шартларни оферент томонидан унда кўрсатилган ишларни бажаришни ўз зиммасига олиши розилиги ва хизматларнинг нархи акс эттирилади.
Импорт битимини тайёрлаш процедураси.
Импорт битимини тайёрлаш жараёнида харидор потенциал сотувчи- экспорт қилувчи билан алоқа ўрнатишнинг қуйидаги усуллардан фойдаланиши мумкин:
а) потенциал ёки маълум сотувчига буюртмани юбориш;
б) ишлаб чиқаришга импорт қилувчини қизиқтирган товарларга талабнома юбориш;
в) ишлаб чиқаришга унинг реклама ёки ахборотига жавобан ўзининг муносабатини тижорат хати орқали билдириш;
г) потенциал экспортерга унинг таклифига жавобан музокараларга тушиш истагини тижорат хати орқали билдириш;
д) экспортер таклифига эътирозсиз акцепт жўнатиш.
Тўғридан-тўғри импорт келишувни тайёрлашнинг кенг тарқалган услуби бўлиб, ишлаб чиқаришда харидорни қизиқтирган товарларга бўлган буюртмасини ўрнатиш ҳисобланади.
Буюртма қилаётган товарнинг ишлаб чиқариш ва тайёрлашнинг ҳамма шартларини ҳамда ташқи савдо келишувини тузиш учун зарур аҳамиятли элементларни харидор томонидан белгиланган тижорат ҳужжати, амалда буюртмани доимий контрагентларга бериш қўлланилади. Шунинг учун кўп ҳолларда буюртмада фақатгина товарнинг номи, унинг ҳажми, етказиб бериш муддати акс эттирилади. Харидор буюртмага қўшимча қилиб, экспортчига товарни упаковка ва маркировкалари бўйича инструкция билан етказиб беришнинг аниқ шартларини спецификациялашни етказиб бериш ва ҳужжатларни расмийлаштириш бўйича ахборот юбориши мумкин. Агарда зарур бўлса буюртмачи бўлак - бўлак етказиб беришнинг размер ва ҳажмларини ва уларга хос шартларини кўрсатиши мумкин. Шу билан бирга товарни етказиш топширилган экспедиторга тегишли шартлар: фипма-экспедиторнинг номи, манзили, телефон ва телекс номерлари, транспорт воситаси.
Агарда экспортчи буюртма шартлари билан ва уларга қўшимча қилинган спецификацияга рози бўлса, у буюртмани тасдиқлайди ва битим тузилган деб ҳисобланади.
Одатда импортчи олди-сотди шартномаси билан мужассамланган ва бирхиллаштирилган буюртма хужжатларига эга.
Харидор буюртмани қуйидаги намунасидан фойдаланиши мумкин:
Буюртма № ________
_________ йил учун Сизга буюртма берамиз.
Буюртма предмети : _________
Нархи долл. ___________ (ёзувда ) битта бирлик учун.
Бутун партия нархи _________ долл (ёзма).
Етказиб бериш муддати
Тўлов шартлари _________________
Бошқа холларда "Инкотермс 1990" амал қилади.
Имзолар
Сотувчи Харидор
Do'stlaringiz bilan baham: |