Халқ таълими ходимлари малакасини ошириш тизимини ислоҳ қилишнинг долзарб

Фойдаланилган адабиётлар. 
1. Чан, Ж.Ф. Ўқув дастурлари лойиҳалаш ва ишлаб чиқиш. Wiley & Sons Publishers
нашриёти: Сан-Франсиско, Калифорния. 2010. 
2. Ж.Б.Сметана. Ўқув дастурларини ишлаб чиқиш бўйича тренерлар тайёрлаш 
амалий семинар материаллари. Тошкент, 2019. 
3. 
К.Киркпатрик. 
« 
Тренинг 
дастури 
натижаларининг самарадорлиги»
https://www.youtube.com/watch?v=u3SXxd4XzQ4  
ЖАҲОН ТАЖРИБАСИ АСОСИДА МАЛАКА ОШИРИШ ТАЪЛИМ ТИЗИМИНИ 
САМАРАЛИ ТАШКИЛ ЭТИШ ЙЎЛЛАРИ 
 
Б.Хуррамов- 
Сурхондарё вилояти ХТХҚТУМОҲМ катта ўқитувчиси 
 
Аннотация: Ушбу мақолада, ўқитувчи ўз касбий билим салоҳиятини оширишда 
жаҳон тажрибаларидан фойдаланишнинг аҳамияти ва ушбу жараённи амалга оширишда 
малака ошириш таълимининг ўрни ҳамда Япония таълими ҳақида маълумотлар 
келтирилган. 
Ҳозирги кунда мамлакатимиз таълим тизимида мутахассисларни касбий билим, 
кўникмаларини замон талаблари даражасида ташкил этиш мақсадида малака ошириш 
таълимнинг ҳалқаро андозаларидан самарали фойдаланиш долзарб аҳамият касб этмоқда. 
Чунки дунёнинг ривожланган ва бозор иқтисодиёти амал қилаётган мамлакатларнинг деярли 
барчаси янги механизмнинг кескин ўзгаришларига мослаша оладиган ва ҳар қандай 
шароитда рақобатлаша оладиган мутахассисларни тайёрлаш борасида замонавий таълим 
тизимига эгадирлар. 
Айтиш жоизки, жаҳонда ягона деб тан олинган таълим тизими йўқ. Бунга 
ажабланмаса ҳам бўлади. Чунки ҳар қандай таълимни ташкил этишнинг миллий 
тажрибаси ҳар бир ҳалқнинг тарихий ва маданий анъаналарига, ҳаётий удумлари, 
тараққиётнинг сиёсий ва иқтисодий жиҳатларига бориб тақалувчи, фақат унинг ўзигагина 
хос бўлган кўплаб тушунчаларни қамраб олади.
Ҳар бир мамлакатнинг таълим соҳасини ҳам ижтимоий-иқтисодий ҳолатини, ҳам 
миллий ва тарихий анъаналарини қамраган ҳолда кўпдан-кўп ўзгаришларнинг мураккаб 
функцияси тарзида тасаввур қилиш мумкин. Шу сабабдан ҳам ўзгалар тажрибасини 
амалда тўғридан-тўғри ўзлаштириш мумкин эмас. Аммо, мактабда таълим тизимини 
ташкил этишда жаҳон таълим тизимининг кўплаб белгилари ҳозирга келиб етарлича 
умумий кўрсаткичларга эга, жумладан таъимнинг етакчи соҳаларида юксак малакали 
касбий тайёргарликка эга, фанлараро ёндашувни амалга оширишга қодир, табиий, 
гуманитар ва фалсафий билимларни уйғунлаштира оладиган, мураккаб масалаларни ҳал 
эта оладиган ҳамда жамоада фаол ишлай оладиган кўникма ва малакага эга инсонларга 
эҳтиёж мавжуд. 
Бинобарин, дунёдаги иқтисодий ривожланган мамлакатлар учун хос бўлган 
таълимнинг ҳолатини белгиловчи тамойилларни билиш нафақат фойдали, балки ўта 

---

168 
зарурдир. Хусусан, Японида таълим бобида олиб борилаётган асосий ислоҳотлар таҳлили 
биздаги педагогик тизимнинг келажагини мустаҳкамлаб боришда амалий тажриба ўрнини 
эгаллайди.
Мутахассисларнинг баҳолашича, Япония таълим тизими ислоҳоти асосини учта 
муҳим ғоя - байналминаллаштириш, ахборотлаштириш ва тўлақонли шахсни тарбиялаш 
ташкил этади. Бунда, ҳар хил тилдаги барча ўқув юртларида таълимни 
байналминаллаштириш мақсадида замонавий ўқув воситаларини татбиқ этиш орқали 
инглиз тилини ўрганиш ва фаол эгаллашга алоҳида аҳамият берилади. Мажбурий тил 
дастурларидан ташқари, ўқувчиларга 100 дан ортиқ мамлакатларга доир аудиовизуал 
материалларни факультатив ўрганиш тавсия этилади. Байналмилаллаштириш вазифаси 
жумласига Японияда сонини 100 мингдан ортиқ хорижий тингловчиларни ўқитиш ҳам 
киради. 
Шахснинг ҳар томонлама ўсиши учун бошланғич таълимга, характерининг 
шаклланишига, шахснинг бутун умри давомидаги камолотига аҳамият берилади. Барча 
даражадаги ўқув юртларида инсон шахсини ҳурмат қилишга қаратилган тарбия амалга 
оширилади, ўвувчиларнинг демократик ва жамоатчилик тафаккури ривожлантирилади, 
уларнинг ижодий имкониятлари ва амалий маҳоратлари кашф этилади. Институтларга 
киргунча ўн икки йиллик таълим давомидаги ҳар бир йилда япон болалари илмий 
фанларни ўрганиб борадилар.
Ўқитишнинг илк босқичида илмий тафаккурни тараққий эттириш имконини берувчи 
ўқитишнинг гуруҳ бўлиб ишлаш-ҳамкорликда ишлаш усулига алоҳида эътибор берилади. 
Чунки Японияда кишининг қадри, унинг жамоага нисбатан ўз бурчини қандай адо 
этишига кўра баҳоланади. Мактаб ўқитувчиси одатда ўқувчиларни кичик гуруҳларга 
ажратади, улар ўз олдиларига қўйилган мақсадларни ҳал этишгандан сўнг эришилган 
натижаларни бутун гуруҳга эълон қилади. Бундай ҳолат ўқувчиларда ўзаро ёрдам ва ўз 
жамоаси муваффақиятлари учун ғурурланиш туйғусини туғдиради.
Японлар поғонали субординацияга риоя қилишади, улар кексаларга хоналарни 
йиғиштиришда, овқат тайёрлашда, жамоат ишларида кўмаклашадилар.
Бизда ҳам инсон ҳар томонлама камол топиши ва фаровонлиги, шахс манфаатларини 
рўёбга чиқаришнинг шароитлари ва механизмларини яратиш, эскича тафаккур ва 
ижтимоий хулқ-атвор андозаларини ўзгартириш, республикада амалга оширилаётган 
ислоҳотларнинг асосий мақсади ва ҳаракатлантирувчи кучидир. Халқнинг бой замонавий 
маданияти, иқтисодиёт, фан, техника ва технология соҳасидаги ютуқлари асосида 
мутахассислар 
тайёрлашнинг мукаммал тизимини шакллантириш Ўзбекистон 
тараққиётининг муҳим шартига айланган.
Малака ошириш тизимида ҳам Ўзбекистон мустақиллигидан кейин таълим 
жараёнида қўлланилиб келаётган сабоқ бериш ва тарбиялашнинг йўл-йўриқлари, восита ва 
услублари тизимига ўзбек халқининг ўзига хос хусусиятларини, муомала маданиятини 
қадрлаш ва маънавият дурдоналарини киритмасдан туриб малака ошириш мактабда 
ўқитиш самарадорлигини ошириш, шарқона тарбия назариясини тингловчилар онгига 
сингдириш мумкин эмаслиги дарров кўзга ташланади. 
Жаҳон маданияти ва маорифининг илғор ғояларидан оқилона ва унумли 
фойдаланиш билан бирга бир неча ўн асрлик тарихга эга бўлган, ҳатто унутилиш 
даражасига бориб қолган миллий туйғу, миллий характер, миллий қиёфа, миллий дидсиз 
иймон, эътиқод, ватанпарварлик, софлик, виждонлилик, ростгўйлик, масъулият ва бурч 

---

169 
каби ҳисларни таркиб топтириб бўлмайди.
Миллий психологик хусусиятларни ҳисобга олган ҳолда таълим-тарбия ишларини 
йўлга қўйиш, бунда тарбияга асосий эътиборни қаратиш, унинг бирламчи эканлигини тан 
олдириш муҳимдир. 
Таълим тизимида тингловчиларнинг баркамол шахс сифатида ривожланиши унинг 
фаоллигига боғлиқ. Тингловчилар бажарадиган касбий ўқув меҳнати, ижтимоий фойдали 
ишлар, унумли меҳнат ёшларда касбий малака ва кўникмалар, қобилият ва характер, 
бошқа шахсий сифатларни шакллантиришга хизмат қилади. Ўқиш ва ижтимоий фойдали 
меҳнат натижасида шахснинг фуқаролик қиёфаси тарбияланади, шахс ва жамият 
манфаати йўлида хизмат қилиш кўникмаси ҳосил бўлади, меҳнатга ва мулкка муносабат 
ҳисси ривожланади. Фаолиятнинг барча турларида изчил қатнашиш тингловчининг 
мустақиллиги ва ижтимоий фаоллигини оширишда асос бўлиб хизмат қилади, уларда 
профессионал-касбий сифатлар ва ахлоқий фазилатларни ривожлантиришга имкон 
беради. 
Бизнингча, назарий таҳлилга кўра жаҳон тажрибаларини эътиборга олган ҳолда 
педагог томонидан малака ошириш таълим тизмида интерфаол усуллардан дарс 
машғулотларини ташкил этиш, ҳамкорликда ўқитиш усулларидан самарали фойдаланиш 
айнан ҳам замонавий, ҳам миллий руҳдаги касбий тайёргарликни амалга ошириш учун 
асос бўлади. Интерфаол сўзи инглизча сўз бўлиб, «inter» - ўзаро ва «act» - ҳаракат қилмоқ 
маъноларини билдириб, уларнинг умумий мазмуни интерфаол - яъни ўзаро ҳаракат 
қилмоқ маъносини англатади. Бундай ўзаро ҳаракат турларига ―тингловчи – ўқитувчи ва 
тингловчи-тингловчининг мақсадли ҳаракатларини киритиш мумкин.
Интерфаол ўқитишда ўқитувчи ўқув фаолиятнинг фаол ташкилотчиси бўлиб, 
тингловчи бу фаолиятнинг субъекти сифатида намоён бўлади. Интерфаол ўқитиш бу 
билиш фаолиятини ривожлантиришнинг махсус ташкилий шакли бўлиб, интерфаол 
ўқитиш жараёнида таълим олувчи ўқитишнинг объектидан ўзаро ҳамкорликнинг 
субъектига айланиши, ўқув жараёнида фаол иштирок этиши билан тавсифланади. 
Ўқитишнинг интерфаол методлари ҳаётий вазиятларни моделлаштириш, ролли 
ўйинлардан фойдаланиш, муаммоларни ҳамкорликда ечишда кўриб чиқилади. Интерфаол 
ўқитиш тингловчилардан ахборотларни ўзлаштириш жараёнида фаоллик, ижодкорлик, 
мустақилликни шакллантирибгина қолмай, таълим мақсадларининг тўлақонли амалга 
ошишига ёрдам беради. Бунда таълимнинг қуйидаги концепциялари фундаментал асос 
сифатида хизмат қилади: 
-
ўқитувчининг жадал фаолияти – ўқув фаолиятининг асосий кўриниши сифатида 
намоён бўлиб, у мазкур ҳаракатнинг субъекти ва ташкилотчиси сифатида фаолият 
кўрсатади; 
-
ўқув фаолиятининг асосий негизи ва натижаси, мазкур фаолиятнинг субъекти – 
тингловчи ҳисобланади; 
-
муваффақиятли ўқув фаолиятининг асосий кўрсаткичи, унинг натижаси 
тингловчининг фикрлаш усулларини ўрганиш ва амалий масалаларни ижодий ҳал этиш, 
эркин, мустақил ҳаракат қила олиш кўникмаларини шакллантиришдан иборат; 
-
ўқув фаолиятнинг асосий кўрсаткичи ўқув топшириқлари ҳисобланади. 
Бунда таълим жараёнининг асосий субъекти бўлган тингловчида фикрлаш, 
билиш ҳаракати усулларини ривожлантирувчи ўқитиш тактикаси муҳим ўрин тутади. 
Ҳамкорликда ўқитиш ҳар бир тингловчини кундалик қизғин ақлий меҳнатга, ижодий ва 

---

170 
мустақил фикр юритишга ўргатиш, шахс сифатида онглилик, мустақилликни тарбиялаш, 
ҳар бир тингловчида шахсий қадр-қиммат туйғусини вужудга келтириш, ўз кучи ва 
қобилиятига бўлган ишончни мустаҳкамлаш, таҳсил олишда масъулият ҳиссини 
шакллантиришни кўзда тутади. 
Ҳамкорликда ўқитиш технологияси ҳар бир тингловчининг таълим олишдаги 
муваффақияти гуруҳ муваффақиятига олиб келишини англаган ҳолда мунтазам ва 
сидқидилдан ақлий меҳнат қилишга, ўқув топшириқларини тўлиқ ва сифатли бажаришга, 
ўқув материалини пухта ўзлаштиришга, ўртоқларига ҳамкор бўлиб, ўзаро ёрдам 
уюштиришга замин тайёрлайди. 
Ҳамкорликда ўқитиш технологиясида тингловчиларни ҳамкорликда ўқитишни 
ташкил этишнинг бир неча методлари мавжуд: 
1.
Командада ўқитиш. 
2.
Кичик гуруҳларда ҳамкорликда ўқитиш. 
3.
Ҳамкорликда ўқитишни «Зиг-заг ёки арра» методи. 
4.
Ҳамкорликда ўқитишнинг «Биргаликда ўқиймиз» методи. 
5.
Кичик гуруҳларда ижодий изланишни ташкил этиш методи.
Ҳамкорликда ўқитиш ҳар бир тингловчини кундалик қизғин ақлий меҳнатга, ижодий 
ва мустақил фикр юритишга ўргатиш, шахс сифатида онглилик, мустақилликни 
тарбиялаш, ҳар бир тингловчида шахсий қадр-қиммат туйғусини вужудга келтириш, ўз 
кучи ва қобилиятига бўлган ишончни мустаҳкамлаш, таҳсил олишда масъулият ҳиссини 
шакллантиришни кўзда тутади.
Бу эса уларда мустақиллик, эркин фикрлашни тарбиялаш, ўқув фаолиятини таҳлил 
қилиш, истиқболда касбий маҳорат ва саводхонлигини орттириш уларнинг ички 
эҳтиёжига айлантирилишини талаб этади.
Демак, тингловчи малака ошириш таълимида турли фанларни инновацион 
технологиялар асосида ўрганиш натижасида унда касбий йўналганлик кучаяди, яъни ўз 
илм, тажриба ва қобилиятини танлаган касби соҳасида қўллаш учун шахсий интилиш 
ортиб боради. Шахснинг касбий йўналганлигини такомиллаштириш истаги, ўз касби 
соҳасида меҳнат қилиб, моддий ва маънавий эҳтиёжларни қондириш истагини ўз ичига 
олади. 
Касбий йўналганлик мазмунидаги ижобий ўзгаришлар эса касб билан боғлиқ бўлиб, 
мотивлар мустаҳкамланишида кўринади: иш бўйича ўз мажбуриятларини яхши 
бажаришга интилиш, билимдон мутахассис сифатида ўзини кўрсатиш, мураккаб ўқув 
вазифаларини муваффақиятли бажаришга интилиш кучаяди, ишда муваффақиятга 
эришиш истаги кучаяди ва ўз соҳасининг етук мутахассиси бўлиб шаклланиш каби буюк 
мақсад амалга ошади.