Халқ таълими ходимлари асосий лавозимларининг малака тавсифлари

99-§. Халқ таълими вазирлигининг шўъба
мудири лавозимининг малака тавсифлари

Тартиб рақами	859
Машғулотларнинг миллий стандарт классификатори бўйича коди	1239
Ходимлар тоифаси	Бошқарув

295. Лавозим вазифалари:
а) шўъбанинг барча йўналишлар бўйича умумий фаолиятига раҳбарлик қилиш;
б) Ўзбекистон Республикаси қонунлари, Ўзбекистон Республикаси Президенти фармон, қарор ва фармойишлари, Ҳукумат қарор ва фармойишларини, давлат дастурлари асосида қабул қилинган вазирлик қарорлари, буйруқлари, дастурлари, тадбирлари ва бошқа ҳужжатларда вазирлик раҳбарияти томонидан бўлимга берилган тегишли топшириқлар ижросини тўлиқ бажарилишини назорат қилиш;
в) вазирлик ҳайъати, ишлаб чиқариш йиғилишларида иштирок этиш ҳамда бошқарма бошлиғига шўъба фаолияти доирасидаги масалаларни тайёрлаш ва таклифлар киритиш;
г) шўъбанинг фаолиятини режалаштириш, йиллик ва истиқбол иш режаларини ишлаб чиқилишига раҳбарлик қилиш, уларни бошқарманинг умумий иш режаси билан мувофиқлаштириш, уларда белгиланган тадбирларнинг сифатли ижро этилиши устидан назорат олиб бориш;
д) ички меҳнат тартиби қоидаларига риоя қилиниши юзасидан қатъий назорат ўрнатиш, шўъба ваколатига кирадиган вазифаларни ҳал этиш чора-тадбирларини белгилаш, ўз йўналиши бўйича яратилаётган норматив-ҳуқуқий ҳужжатлар лойиҳаларини тайёрлаш;
е) вазирликнинг бошқарма ва бўлимлари билан фаолият узвийлигини таъминлаш, шўъба фаолиятининг барча йўналишлари бўйича тегишли ахборотларни йиғиш, таҳлил қилиш ва ҳисоботлар тайёрлаш;
ж) ўз йўналиши бўйича жисмоний ёки психик ривожланишида нуқсони бўлган болаларни ўқитиш, уларни тарбиялаш ҳамда даволаш билан боғлиқ фаолиятни амалга оширилиши учун давлат таълим стандартлари талаблари асосидаги ўқув режаларини ишлаб чиқиш ва умумтаълим фанлари бўйича дастурлар яратилишини ташкил қилиш;
з) ўз йўналиши бўйича махсус мактаб интернатларида ўқитишнинг назарий-услубий таъминоти ишларини мувофиқлаштириб бориш, тиббий психологик комиссиялар фаолиятини йўналтириб бориш;
и) ўз йўналиши бўйича республикамизда фаолият кўрсатаётган “Меҳрибонлик уйлари”, кам таъминланган оила фарзандлари ва санатория типидаги мактаб-интернатлар фаолиятини мувофиқлаштириш ва уларнинг ишини назорат қилиб бориш;
к) ўз йўналиши бўйича “Баркамол авлод” болалар марказлари фаолиятини мувофиқлаштириш ва уларнинг ишини назорат қилиб бориш;
л) ўз йўналиши бўйича маҳаллий ҳокимият органлари билан ҳамкорликда “Баркамол авлод” болалар марказлари фаолиятига доир эҳтиёжларини ўрганиш ва уларда мактабдан ташқари таълимга қўйилган давлат талабларининг бажарилиши бўйича тадбирлар тизимини ишлаб чиқиш ҳамда уни амалга оширилишини назорат қилиш;
м) ўз ваколати доирасида “Баркамол авлод” болалар марказлари бошқарув органлари учун раҳбар кадрларни танлашда раҳбариятга таклифлар киритиш;
н) ўз йўналишида республика миқёсида кўрик-танловлар, анжуманлар, семинар-тренинглар, мусобақалар ўтказишни ташкиллаштириш ва мувофиқлаштириш;
о) ўзига берилган ваколатлар доирасида жисмоний ва юридик шахсларнинг ёзма ҳамда оғзаки мурожаатларини, ариза ва шикоятларини белгиланган тартибда кўриб чиқиш, санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидалари талабларига риоя қилиш.
296. Билиши лозим:
а) давлатимизнинг халқ таълими тизимига оид ва болалар ҳуқуқларини тартибга солувчи норматив-ҳуқуқий ҳужжатларини;
б) шўъбанинг фаолиятини режалаштириш ва мувофиқлаштириб боришни;
в) умумий ўрта таълимнинг давлат таълим стандартлари, ўқув дастурлари, дарсликлар ва ўқув-услубий қўлланмаларини узлуксиз такомиллаштириб бориш йўлларини;
г) шўъба ходимларига юклатилган вазифаларнинг ўз вақтида, сифатли бажарилишини назорат қилишни;
д) вазирликнинг бошқарма ва бўлимлари билан фаолият узвийлигини таъминлашни;
е) жамоада соғлом маънавий муҳитни шакллантириш, аҳиллик ва иноқликни мустаҳкамлаш бўйича фаолият юритишни;
ж) санитария-гигиена талаблари, меҳнатни муҳофаза қилиш, техника ва ёнғин хавфсизлиги қоидаларини.
297. Малака талаблари:
а) камида бакалвр даражасидаги олий маълумот;
б) хорижий тиллардан бирининг бошланғич босқичини ва ахборот-коммуникация технологияларидан фойдаланишни билиши;
в) камида беш йиллик иш стажи.