H. A. Jamolxonov hozirgi o‘zbek adabiy tili

99-§. Avvalgi leksik ma’nolar ham dastlab ikki turga bo’linadi: 1) eski leksik ma’no; 2) etimologik leksik ma’no. Bulardan birinchisi tarixiy semasiologiyada, ikkinchisi esa tilshunoslikning etimologiya bo’limida o’rganiladi.
Eski leksik ma’no leksemaning o’tmishda qo’llangan, hozir esa arxaiklashgan ma’nosidir. Masalan, yog’och leksemasining "daraxt" ma’nosi eski leksik ma’no (semantik arxaizm, arxaizm-ma’no) sanaladi. Bu so’z "daraxt" ma’nosida eski turkiy til va eski o’zbek tilida qo’llangan: (yig’och), (107,1-t., 310- b.); yig’och, archa yig’ochi¹⁰⁷. Hozir esa u shu ma’noda deyarli ishlatilmaydi (tarixiy mavzularda yozilgan badiiy, ilmiy asarlar tili bundan mustasno, albatta).