G’uzor sa’noat texnikumi "tasdiqlayman" G’uzor sa’noat texnikumi direktori: “ ” 2021 yil

2. MOKI BAHYAQATOR HOSIL BO‘LISH JARAYONI
Moki bahyaqator hosil qilishda iplar chaykaladigan, tebranadigan va aylanadigan moki yordamida chalishtirilishi mumkin. Aylanadigan mokili mashinalar ko‘prok tarqalgan, shuning uchun quyida aylanadigan mokili mashinalarda moki bahyaqator hosil bo‘lish jarayonini qarab chiqamiz.
G‘altak 5 dagi (15-rasm, a) ustki ipni ip taranglash shaybalari 3 orasidan olib utib, ip tortgich 4 ning qulog‘idan o‘tkaziladi-da, igna 2 ning ko‘ziga taqiladi. Igna 2 materialni teshib, ustki ipni undan olib utadi va eng pastki holatga tushadi. Igna ostki holatidan 1,5–2 mm ko‘tarilganda ustki ipdan halqa hosil bo‘ladi, bu halqani moki 1 ning uchi ilib oladi.
Igna (15-rasm, b) yuqoriga ko‘tarila boshlaydi, shunda mokining uchi 7 ustki ip halqasini ilib kengaytiradi. Ip tortgich 4 pastga tomon harakatlanib, mokiga ip uzatib beradi. Ustki ip halqasini moki naycha atrofidan aylantiradi (15-rasm, v).
Ustki ip halqasi 1800 ortik burchak hosil qiladigan darajada aylanganda (15-rasm, g), ip tortgich yuqoriga ko‘tarilib, bahyani taranglaydi. Tishli reyka 6 gazlamani bahya uzunligiga suradi.
Moki (15-rasm, d) ikkinchi salt aylanishida boshqa ishchi organlar uz ishini tugallaydi. Tebranma mokili mashinalar ham shu printsipda ishlaydi. Bunday mokilar past tezlikli mashinalarda ko‘prok qo‘llanilgan.

15-rasm. Moki bahyasi hosil bo‘lishi jarayoni.