Guruh: tm-81 Bajardi: Shavkatova Laylo Tekshirdi

Toshkent Davlat Iqtisodiyot Universiteti

MUSTAQIL ISH

Mavzu: Turizm xizmatlarining turlari.

Guruh: TM-81
Bajardi: Shavkatova Laylo
Tekshirdi: Aliyeva.M

Toshkent 2021
Turizm xizmatlarining turlari.
Reja:

• 
  Kirish
  

1. 
   Turistik xizmatlar haqida tushuncha
   
2. 
   Turistik xizmatlar tarkibi
   
3. 
   Ovqatlantirish va ekskursiya xizmati
   
4. 
   Konsertlar, tomoshalar va sport tadbirlari, ish turistik xizmat turi sifatida
   

• 
  Xulosa
  

Kirish
Respublikamizda so’ngi yillarda barcha sohalar yuksalib bormoqda. Yangi-yangi yo’nalishlar va ixtisosliklar zamon talabiga moslashtirilmoqda. So’ngi yillarda turizm sohasida tadbirkorlik va kichik biznesni rivojlantirishga axamiyat berishmoqda. O‘zbekiston Respublikasi Prezidenti Shavkat Mirziyoyev 8 yanvar 2019йил туризм сохасига investitsiya loyihalarini amalga oshirish masalalariga bag‘ishlangan videoselektor yig‘ilishida qatnashdi
Davlatimiz rahbari, jumladan, Vazirlar Mahkamasining ijtimoiy kompleksiga oid vazifalarga ham to‘xtalib, turizm sohasiga to‘g‘ridan-to‘g‘ri investitsiyalarni jalb etishni kuchaytirish zarurligini ta’kidladi.
– Turizm uchun bosqichma-bosqich hamma sharoitlarni yaratyapmiz, investorlarga, ishbilarmonlarga keng imkoniyatlar beryapmiz. 2019-yil turizm rivojida tub burilish yili bo‘ladi, – dedi Shavkat Mirziyoyev.
Prezident O‘zbekiston Respublikasi Oliy Majlisiga Murojaatnomasida ham bu soha rivoji bo‘yicha takliflar bildirgan edi. Ushbu takliflarni amalda tatbiq etish maqsadida Prezidentning joriy yil 5 yanvardagi farmoniga muvofiq 2019-2025-yillarda O‘zbekiston Respublikasida turizm sohasini rivojlantirish Konsepsiyasi tasdiqlandi. Shuningdek, o‘sha kuni imzolangan Prezident qarori bilan mehmonxonalar tashkil etish bo‘yicha istiqbolli investitsiya loyihalari ro‘yxati qabul qilindi.
Ma’lumot uchun, 2017-yilda O‘zbekistonga qariyb 2 million 700 ming, 2018 yilda 5 million 300 mingdan ortiq turist kelgan. 2025-yilda yurtimizga tashrif buyuradigan xorijiy sayyohlar sonini 7 millionga, turizm eksportidan keladigan yillik daromadni esa 2 milliard dollarga yetkazish rejalashtirilgan. Turizm Iqtisodiyotni rivojlantirishda har bir turizm xizmatlarini o’rni katta. Mana shu mustaqil ish orqali u haqida ma’lumot olasiz.