Guruh talabasi ning umumiy kimyo fanidan Laboratoriya mashg’ulotlari Daftari

II. Reaktivlartdan foydalanish tartibi. Reaktivlardan foydalanganda
quyidagilarga rioya qilish talab etiladi.

1. 
   Bajariladigan tajriba uchun ko’rsatilgan miqdorda reaktiv olish, agar undan qancha olish ko’rsatilmagan bo’lsa mumkin qadar kamroq oling.
   
2. 
   Quruq reaktivlarni chinni yoki metall qoshiqlar bilan oling. Ishlatishdan oldin ularni yaxshilab filtr qog’ozi bilan arting.
   
3. 
   Reaktivni olgach, idishga solib, darhol qopqog’ini mahkamlab yopib qo’ying.
   
4. 
   Ishlatilgan, ortib qolgan reaktivni o’z idishiga qaytarib solmang, chunki ish davrida u ifloslanishi, buzilishi mumkin.
   
5. 
   Suyuq holdagi reaktivlar tomizgich bilan olinadi. Tormizgichlar ham foydalanishdan oldin toza suv bilan yaxshilab yuviladi.
   
6. 
   Foydalanib bo’lingan reaktivlarni darhol o’z o’rniga qo’yishga odatlaning. Idishlarni tartib raqami bo’yicha o’z o’ranida turishi, keyingi tajribani bajarishda reaktiv qidirish uchun ortiqcha vaqt sarflashning oldini olish imkonini beradi.
   

III. Tajriba olib borishda ko’riladigan ehtiyot choralar. Laboratoriyada ishlaganda quyidagi qoida va xavfsizlik choralariga rioya qilish talab qilinadi.
1. Zaharli moddalar bilan qilinadigan tajribalarni mo’rili shkafda bajaring.
2. Ajralib chiqayotgan gazlarni yaqindan turib hidlamang. Agar gazni hidlash lozim bo’lsa, ehtiyot bo’lib, havoni qo’lingiz bilan idish og’zidan o’zingizga tomon ohista yelpib hidlang.
3. Kuchli kislotalarni, ayniqsa, kontsentirlangan sulfat kislotani suyultirishda suvni kislotaga qo’shmasdan, kislotani suvga jildiratib ohista quying.
4. Reaktivlarni qo’yganda ular yuzingizga yoki qo’lingizga sachramasin.
5. Suyuqlik qizdirilayotganda uning holatini kuzatishda idish ustiga engashib qaramang. Chunki suyuqlik birdan sachrab ketishi mumkin.
6. Probirkaga biror modda, qizdirayotganingizda uning og’zini o’zingizga yoki
yoningizda turgan kishiga qaratmang.