Гуруҳ битирувчиси Тўлашева Зулхумор Абдулхамидовнанинг

Муаммонинг ўрганилганлик даражаси. Болаларнинг дунёқарашини шаклланишида санъатнинг ўрнига алоҳида эътибор қаратиб, буюк донишманд Аристотель тасвирлаш, расм чизиш машғулотлари болаларнинг ҳар томонлама ривожланишига туртки бўлишини таъкидлаб ўтган. Бу ғояни илғор педагоглари Я.А.Коменский, И.Г.Песталоцци, Ф.Фребель кабилар ҳам илгари сурганлар.
Умуман, эстетик тарбия – фақатгина соддалаштирилган, бирор бир болаларга хос бўлган санъатни ўқитишдан иборат, деб тушуниш хатодир.
Тегишли адабиётлар таҳлили шуни кўрсатадики, мактабгача таълим муассасаларида болаларга тасвирий фаолиятни ўргатиш амалиёти дунё миқёсида муайян тажрибаларга эга. Чунки мазкур муаммонинг илмий тадқиқи бўйича хорижлик олимлардан Н.П.Сакулина, Т.С.Комарова, Т.Г.Казакова, З.В.Лиштван, А.Н.Давидчук, А.В.Куцакова, Н.Б.Халезова, Н.А.Курочкина, Л.А.Парамонова, Т.Н.Доронова, З.А.Богатеева, А.А.Волкова, М.А.Гусакова, Н.М.Зубарева, В.Б.Коминская, Н.Б.Халезова, Н.П.Костерин, Б.М.Маршак, С.В.Парафева, Г.Н.Пантелеев, В.А.Сливок, Л.Г.Суховская, Е.И.Васильева, Е.А.Флерина, Р.М.Чумичева, Г.С.Швайко, Н.Я.Шибанов кабилар, Ўзбекистонда Э.А.Нанеашвили, Т.Л.Чаброва, Г.Г.Корнееваларнинг илмий изланишлари ҳам бизнинг битирув малакавий ишимиз нуқтаи назаридан муайян қизиқиш уйғотади. Улар ўз илмий фаолиятларида мактабгача таълим муассасаларида турли ёш гуруҳларидаги болаларни тасвирий фаолиятга ўргатиш методларини, болаларда ижодкорлик фаолиятини ривожлантириш ва унга раҳбарлик қилиш, қуриш-ясаш, расм чизиш, қирқиб елимлаш, лой иши машғулотларини режалаштириш ва олиб боришнинг илмий-методик асосларини ишлаб чиққанлар. Хусусан, Н.М.Зубарева болаларни эстетик тарбиялашда натюрморт ва пейзаж жанрларининг таълимий имкониятларини очиб берган.
Тасвирий саводхонликнинг турли йўналишлари ўзбекистонлик олимлар томонидан ҳам тадқиқ этилган. Жумладан, график саводхонлик (А.Сулаймонов – китоб графикаси мисолида), бадиий наққошлик бўйича саводхонлик (Р.Ҳасанов – бошланғич нақш чизиш мисолида), қуриш ясаш фаолияти билан боғлиқ саводхонлик (Ҳ.Эгамов) йўналишида муайян илмий-методик ишлар амалга оширилган. Бироқ бу тадқиқот иши ва ишланмаларда мактабгача таълим муассасаларида хайкалтарошлик машғулотларида болаларда пластик материаллардан шакл ҳосил қилиш малакаларини шакллантириш масалалари қамраб олинмаган.