Гуруҳ битирувчиси Обидова Одинахон Қобилжон қизи

УМУМИЙ ХУЛОСАЛАР
Тадқиқот ишининг ижтимоий-педагогик моҳиятини асослаш вазифасидан келиб чиқиб, қуйидаги умумий хулосаларга келдик:

1. 
   Таълим- тарбия тизимини инсонпарварлаштириш ўқув жараёнининг самарадорлигини таъминлаш билан бирга шахсни тарбиялаш ва ривожлантиришга ҳақиқий, инсоний ёндошувнинг асосий шарти бўлиб хизмат қилади.
   
2. 
   Инсонпарварлашган таълимда ўқитувчи ва талаба ҳамкорлигида талаба ўзини англаши, ўз ҳатти-ҳаракатини таҳлил қила олиши, қизиқиши ва салоҳиятини юзага чиқариши, фаоллик кўрсатиши, ўқиш-ўрганиш зарурий эҳтиёжга айланиши юза­га келади.
   
3. 
   Таълим жараёнида ўқитиш тамойиллари ва унга мос ҳолда танланган методларнинг ўзаро алоқадорлиги ўқув фаолиятини ижодий ташкил этишга йўналтиради ва талаба шахси, унинг қизиқишлари, интилишлари, қобилиятини ҳисобга олиш устувор ҳисобланади.
   
4. 
   Таълим- тарбия тизимини инсонпарварлаштириш, амалиётдаги ҳолатини ўрганиш натижасида таълим мазмунини шахсга йўналтирилган таълим нуқтаи назаридан янгилаш, таълим жараёнини инсонпарварлаштириш ва демократлаштириш, бўлажак педагогларни таълимий ҳамкорлик тамойилларига мувофиқ қайта тайёрлаш, педагогик таълим жараёнини илғор технологиялар, миллий ва жаҳон педагогикаси тажрибалари асосида ташкил этиш мақсадга мувофиқ эканлиги аниқланди.
   
5. 
   Янги яратилган ўқув-методик мажмуалар, айниқса, бу борада ижтимоий-гуманитар фанларнинг мазмуни талабаларнинг билиш фаоллиги ҳамда шахсни шакллантиришнинг бир бутун, яхлитлигини таъминлаш, уларнинг талабалар учун қулай, самара­ли, таълимнинг илғор педагогик технологияларга асосланганлиги, ўқитувчини таълимни инсонпарварлаштиришга тайёрлаш, ҳар бир талабанинг шахсий психологик хусусиятини ҳисобга олган ҳолда ўзини инсон сифатида намоён этишига шароит яратиш ва шу асосда ўз қизиқиш ва қобилиятини юзага чиқаришга имконият яратади.
   
6. 
   Олий таълимни инсонпарварлаштиришда ўқитиш тамойиллари ва методларининг ўзаро алоқадорлиги бир қолипдаги иш усулларидан воз кечиб, ўқитишда талабаларни мустақил фикрлаш, эркин мулоқотга интилишларини вужудга келтириш асосида чуқур билимга эга бўлган, ижодкор, ҳақиқий инсонпар­вар, меҳр-оқибатли, ўз қадр-қимматини биладиган, ўзгаларни қадрлайдиган шахс сифатида шакллантиради.
   
7. 
   Бу борада ижтимоий-гуманитар фанларни ўқитишда, айниқса катта имкониятлар мавжуд бўлиб, бу имкониятлар ўқитиш тамойиллари ва методларини ўзаро алоқада амалга оширишга йўналтиради.
   

Тадқиқот давомида олиб борилган тажриба-синов ишларида биз юқорида баён этган фикрлар ўз тасдиғини топди.