Gumanitar va ijtimoiy fanlar

Til kompetensiyasi
Leksik kompetensiya
- kasbiy leksika va terminlarni ishlata olish;
- kommunikativ vaziyatlarda mavzuga oid bo‘lgan leksikani ishlata olish;
- internatsional so‘zlarni tushunish va qo‘llay olish.
Grammatik kompetensiya
- murakkab grammatik va sintaktik qurilmalarni kommunikativ vaziyatlarda qo‘llay olish;
- bog‘lovchi so‘zlarni to‘g‘ri qo‘llash;
- mutaxassislikka oid matnlarni uning mazmunini tushunish maqsadida matnni tahlil qilishi talab etiladi..
Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan uzviyligi
Chet tili fani ijtimoiy-iqtisodiy fanlar va ixtisoslik fanlari bilan o‘zaro bog‘liq. Ushbu fan boshqa fanlar bilan integrallashgan holda o‘rgatiladi.
Fanning fan, ta’lim va ishlab chiqarishdagi o‘rni

Chet tili fani ishlab chiqarish jarayoni bilan bevosita bog‘lanmagan. Talabalar mazkur fandan o‘rgangan bilimlaridan boshqa ixtisoslik fanlarini o‘zlashtirishda (sohaga oid ma’lumotlarni chet tilida izlab topish, tahlil qilish va bilim olish jarayonida foydalanish ), kelgusidagi kasbiy faoliyatlarida foydalanishlari mumkin.

Fanni o‘qitishda zamonaviy axborot va pedagogik texnologiyalar
“Chet tili” fanini o‘qitishda ta’limning quyidagi ilg‘or va zamonaviy texnologiya va metodlaridan foydalaniladi:
- pedagogik mahorat texnologiyasi (Y.N.Kulyutkin, YE.B.Spasskaya);
- bilimdonlar bahsi;
- mavqeingizni egallang – shiorlar asosidagi bahs;
- ta’limning faol uslublari: “Keys-uslubi” (Garvard universiteti biznes maktabi), ishbop o‘yinlar.
Ijodiy topshiriqlarni guruh bilan hal qilish uslublaridan:
- delfi uslubi – taklif qilingan yechimdan statistik uslub asosida besh kamchilikni aniqlash va ulardan eng yaxshisini tanlab, baholash, kamchiliklar sababini aniqlash;
-qora quti uslubi – masalani tahlil qilish, ijodiy bahs orqali kamchiliklar sababini aniqlash;
-kundaliklar uslubi – guruh a’zolarining yon daftarchalaridagi yozuvlarni tahlili va ularda berilgan taklif-mulohazalarni muhokama qilish, umumiy fikr ishlab chiqish;
- “To‘g‘ridan-to‘g‘ri jamoaviy aqliy hujum” (Dj.Donald Fillips) – 20-60 kishilik katta auditoriyada yangi fikrlarni, samaradorlikni oshirish ish yoki mashq mini-guruhlarda olib boriladi va fikrlar jamoada muhokama qilinadi;
- “Aqliy hujum” – (YE.A.Aleksandrov i G.Y.Bush) – guruh qatnashchilari ijodiy g‘oyalarini jamoa, g‘oyalari bilan qarshi g‘oyalar yordamida faollashtirish, ularni qo‘llashni baholash;
- senektika uslubi (U.Gordon) – muammoni ifodalashga o‘rgatish, uning qismlarini aniqlash, muammoni yechishdagi o‘xshashliklarni topish. Kreativlikni o‘stirish, oddiy hodisalarning g‘ayri-tabiiy tomonlarini topish, ijodiy qobiliyatlarini aniqlash;
- «ARIZ – TRIZ» (G.S.Altshuller va uning maktabi, TRIZ - kashfiyot topshiriklari texnologiyalarini rivojlantirish) – o‘rganilayotgan tizim rivojlanishi qonuniyatlariga bo‘ysundirilgan mantiqiy operatsiyalar tizimi 40 usuldan iborat: “qo‘shilish”, “matryoshka”, “qarama-qarshi”, “zararni foydaga aylantirish” va boshqalar.