Гулмира Мусаева 909754355 1-саҳна Кун. Мансур аканинг уйи

Мастура – Нима дерди? Хўп маслаҳатлашаман, деди.
Холмат - Қуданг сендан кўра ақллироқ экан, маслаҳатлашаман деб тўғри айтибди. Сен мен билан бамаслаҳат иш қиляпсанми?
Мастура – Хм...
Мастура – Сиз жиим ўтираверинг. Ўзим ҳал қиламан. Қизим Наргизанинг сепи бекорга чириб ётсинми?
Холмат – Қайси бетинг билан шу гапларни гапиряпсан. Эсинг жойидами?
Мастура – Ўзим ҳал қиламан дедим-ку, дадаси. (Айёрона) Қудам берадиган пулларини, қизимизнинг тўйига ишлатамиз. Нима? Ёмон иш қилибманми?
Холмат – (Юрагини ушлаб) Бу болани бир умрга бахтсиз қилиб қўймасайдинг, қайсар хотин. Нега оилани, дунёни пул, мол-дунё билан ўлчайсан-а?
Мастура – Ҳозир замон шунақа, дадаси.
Холмат – Сенга гап уқтира олмадим, олмадим-да. Кўзингни оч инсон, кўзингни оч! Болаларни бебахт қилиб қўясан. Қизимиз қайтиб келгани сенга сабоқ бўлмадими, Топганини олиб келавермайдими, ахир.
Мастура – Бўлди бас. Етар. Иш пишган.


6-саҳна
Мансурнинг хонадони
МУХЛИСА
МУНИСА.
Мухлиса – Муниса қизим, яхши бориб келдингми? Учрашув яхши ўтдими?
Муниса – Раҳмат ойижон. Яхши...
Мухлиса – Йигит ўзи сенга маъқулми?
Муниса – (Жилмайиб қўяди) Ойижон! Нега сўраяпсиз? Ўзингиз жуда яхши оила, йигит ҳам жуда маъқулгина деб мақтагандингиз-ку!?
Мухлиса – Ҳаа.. Даданг мебелларни кўриб қўйсанг, ёққанига буюртма бериб қўямиз дегандилар.
Муниса – Ҳа, хабарим бор ойижон!
Мухлиса – Бугун қудам Мастура қўнғироқ қилиб, мебелларни ўзимиз оламиз, ўзимиз жиҳойлаймиз, деди.
Муниса – Вой, нега?
Мухлиса – Шунга, куёв ҳам бирон бир гап айтмадимикан деб хавотирда эдим, болам!
Муниса – Баходир акамлар фақат, оиламиз замонавий оила, ҳохлаган кийимларингизни кийиб юраверасиз, машина ҳайдашни ҳам ўрганасиз деганларида, оналарини дарров тасаввур қилгандим, ойижон. Лекин бу гап ҳақида...