Гулистон туман халқ таълими бўлими мудиринг буйруғи фуқаро муҳофазаси тузилмаларини

ГУЛИСТОН ТУМАН ХАЛҚ ТАЪЛИМИ БЎЛИМИ
МУДИРИНГ БУЙРУҒИ


Фуқаро муҳофазаси тузилмаларини
тузиш тўғрисида

Ўзбекистон Республикасининг “Фуқаро муҳофазаси тўғрисида”ги, “Аҳолини ва ҳудудларни табиий ҳамда техноген хусусиятли фавқулодда вазиятлардан муҳофаза қилиш тўғрисида”ги, “Қутқарув хизмати ва қутқарувчи мақоми тўғрисида”ги Қонунлари ва Ўзбекистон Республикаси Вазирлар Маҳкамасининг 2017 йил 9 июндаги “Ўзбекистон Республикаси Фуқаро муҳофазаси тузилмалари ва улар тузиладиган ташкилотларни белгилаш тартиби тўғрисидаги Низомнинг ҳамда тузилмаларни моддий-техник воситалар билан таъминлаш (табеллаштириш) меъёрини тасдиқлаш тўғрисида”ги 369-сонли қарори ижросини таъминлаш, Гулистон туман халқ таълими бўлимида фуқаро муҳофазаси бўйича тадбирлар самарадорлигини ошириш ҳамда фуқаро муҳофазаси тузилмаларининг доимий фаолиятини ташкил этиш мақсадида,

БУЮРАМАН:
1. “Фуқаро муҳофазаси Гулистон туман халқ таълими бўлимида фуқаро муҳофазаси тузилмалари таркиби” 1-иловага, “Фуқаро муҳофазаси Гулистон туман халқ таълими бўлими фуқаро муҳофазаси тузилмалари хизмат вазифалари” 2-иловага мувофиқ тасдиқлансин.
2. Гулистон туман халқ таълими бўлими мудирининг биринчи ўринбосари (Ф.Абдуллаева)- Фуқаро муҳофазаси Штаб бошлиғига:
фуқаро муҳофазаси меъёрий хужжатларини, режаларини тузиб чиқиш, ишчи ва ходимларни фавқулодда вазиятларда тўғри харакат қилишга
ва муҳофазаланиш бўйича зарур кўникмаларни эгаллашлари учун йил давомида Ўзбекистон Республикаси Фуқаро муҳофазаси бошлиғининг
2019 йил 12 январь кунидаги 1-сонли буйруғи билан тасдиқланган
15 соатлик дастури асосида ўқитиш ташкил этилсин;
бўлимни зарур жиҳоз ва воситалар билан имконият даражасида таъминласин;
бўлимнинг фуқаро муҳофаза тузилмаларини махсус кийим бош ва асбоб ускуналар билан таъминлаш ҳамда 2021 йил тадбирлар режасига асосан амалий машғулотлар ўтказиш вазифалари юклатилсин.
3. Тузилма сардорлари ва шахсий таркиб аъзолари ўзларининг бурч
ва вазифаларини ўқиб-ўрганиб, Фуқаро муҳофазаси бошлиғининг биринчи ўринбосари - Штаб бошлиғига синов топширсинлар.
4. Фуқаро муҳофазаси бўйича маъсул томонидан ўқув назорат журналлари юритилиши таъминлансин.
5. Табиий офатлар ва фавқулодда вазият натижасида ходимлар
ва моддий бойликларни эвакуация қилиш схемасини ишлаб чиқиш, барча ходимларга таништириш ҳамда мавжуд куч воситаларни доимий шайлиги таъминлансин.
6. Йил давомида тузилма таркибига киритилган ходимлар ишдан бўшатилган такдирда, унинг ўрнига қабул килинган янги ходим тузилма таркибига киритилсин.
7. Тузилмаларнинг барча аъзолари ушбу буйруқ билан таништирилсин.
8. Мазкур буйруқнинг бажарилиши назорат қилишни ўз зиммамда қолдираман.