Guliston davlat universiteti pedagogika fakulteti pedagogika- psixologiya

 
“Men” obrazi va konsepsiyasining shakllanishi hamda o‘zini-o‘zi 
baholashi. 
O’quv maqsadi
: 
Psixologiyada shaxs va jamiyat o‘zaro munosabatlari 
muammosi. Shaxs taraqqiyotining davrlarga bo’linishi. Shaxs nazariyasining ba’zi 
modellari va konsepsiyalari. “Men” obrazi va konsepsiyasining shakllanishi hamda 
o‘zini-o‘zi baholashi o’rganish.
Tayanch so’z va iboralar: 
shaxs, individualism, kollektivizm, individ, 
individuallik, idrok, moslashuv, tarbiya, tafakkur, xarakter, “Men” obrazi,
biogenetic, ob’ektivlik, konsepsiya, metod, strategiya.
 
 
 
Insonni tavsiflovchi barcha tushunchalardan farqli o‘laroq, shaxs – ijtimoiy 
munosabatlar majmuini ifodalaydi. Ya’ni, shaxs va jamiyat o‘zaro bog‘liq 
kategoriyalardir. Demak, har bir shaxsning psixologiyasida, uning fe’l- atvorida 
uni o‘rab turgan yaxlit jamiyatning: yaqin atrofidagi oilasi, qarindoshlari, yor-
do‘stlari, yashayotgan davri, zamoni, davlat tuzumi, jamiyatdagi ustuvor siyosat, 
iqtisodiyot, mafkuraning ta’siri bo‘lib, tu ta’sir uning yaxlit qiyofasida - turish-
turmushi, imidji, dunyoqarashi, fikrlash tarzi, tafakkuri, mentaliteti, tanlagan 
kasbida o‘z aksini topadi.
“Shaxs”
tushunchasi bilan bog’liq bo’lgan ko’pgina savollar psixologiya 
fani tomonidangina emas, balki falsafa, pedagogika, sotsiologiya, kriminalogiya 
va boshqa fanlar tomonidan ham o’rganiladi.

Psixologiyada 
«shaxs» tushunchasi
eng ko’p qo’llaniladigan tushunchalar 
sirasiga kiradi. Psixologiya o’rganadigan barcha fenomenlar aynan shu tushuncha 
atrofida qayd etiladi. Inson ruhiy olami qonuniyatlari bilan qiziqqan har qanday 
olim yoki tadqiqotchi ham shaxsning ijtimoiyligi va aynan jamiyat bilan bo’lgan 
aloqasi masalasini chetlab o’tolmagan.