Guliston davlat universiteti kasbiy pedagogika fandan

18 - Mavzu: Kasb-hunar ta’limini tashkil qilishda o‘qituvchining asosiy vazifalari. 
Reja: 
1. O‘qituvchining lavozim vazifalari. 
2. O‘qituvchining ta’limni rejalashtirish bo‘yicha vazifalar. 
3. Nazorat va baholash bo‘yicha vazifalari. 
4 O‘qituvchining metodik ishlari. 
 1.O‘qituvchining lavozim vazifalari.   
O‘quv  jarayonida  o‘qituvchi  raxbarlik  vazifasini  bajaradi.  Bu  umumiy  qoida  kasb  ta’limi 
o‘qituvchisiga  xam  ta’luqlidir.  Kasb  ta’limida  vaqtning  qismini  o‘quvchilarning  mustaqil  amaliy 
ishlari egallashi o‘qituvchining rolini yanada oshiradi. Chunki xamma narsa o‘qituvchi tomonidan 
oldindan puxta o‘ylansa va yaxshi rejalashtirilsagina o‘quvchilar mustaqil ishlay olishlari mumkin. 
Bu  borada  kasbiy  ta’lim  o‘qituvchisining  metodik  pedagogik  va  maxsus  tayyorgarliklari 
yuqori pog‘onaga ko‘tarilishi lozim. Unda kasbiy ta’lim o‘qituvchisi o‘z fanining ilmiy asoslarini 
mukammal  bilish  bilan  birga,  mustaqil  mexnat  ko‘nikmalari  va  malakalarni  egallangan  bo‘lishi, 
ularni o‘quvchilarga moxirlik bilan yetkazib bera olishi kerak. Shu munosabat Bilan aytish zarurki, 
faqat o‘z  soxasida  yaxshi  malaka orttirgan va ishining ustasi bo‘lgan kishigina  o‘quvchilarga  o‘z 
ishini egallashda yordam bera oladi.