Guliston davlat universiteti b. A. Xasanov, A. A. Xashimov, A. B. Muxametov, A. A. Abduvohidov buxgalteriya hisobi

Ijarachi - biror narsani ijaraga olgan korxona, tashkilot va muassasa yoki jismoniy shaxs.
Ijtimoiy sug‘urta - vaqtinchalik mehnatga yaroqsiz shaxslar, nogironlar, boquvchisini yuqotganlarni moddiy ta’minlash, shuningdek sog‘lomlashtirish tadbirlari (dam olish uylari, sihatgohlar, davolash, oziq-ovqat bilan ta’minlash va hokazo)ni ta’minlash tizimi.
Ijtimoiy sug‘urta korxona, tashkilot, muassasa va jismoniy shaxslar tomonidan amalga oshiriladi va kasaba uyushmalari ishi bilan bog‘liq. Kasaba uyushmalar byudjeti esa, Respublika Davlat byudjetining tarkibiy qismidan biri hisoblanadi.
Ikki yoklama yozuv - xo‘jalik muomalalarini buxgalteriya hisobvaraqlarida aks ettirish usuli. Bu usulning ma’nosi shundan iboratki, har bir amalga oshirilgan muomala ikkita hisobvaraqda, ya’ni bir hisobvaraqning debeti va ikkinchi hisobvaraqning kreditida aks ettiriladi. Xo‘jalik muomalalari buxgalteriya hisobi ob’ektlarida o‘zgarishlar ro‘y berishiga olib keladi, bu o‘zgarishlar bir emas, balki ikki ob’ektda ro‘y beradi.
Inaudit - 1987 yil 24 sentyabrda tasdiqlangan aktsiyadorlik jamiyati. Aktsionerlik kapitali 800 ming rubl. Qiymati 10 ming rubldan bo‘lgan 80 aktsiya.
Aktsiyadorlari - “Nefteksport ittifoqi”, “Oziq-ovqat tashqi savdosi”, “Avtoeksport”, “Stankoimport”, “Og‘irsanoat eksporti”, “Sovfraxt”, “Sovro‘bflot”, “Davlat banki”, Tashqi iqtisodiy bank va Moliya vazirligi.
Ko‘rsatiladigan xizmatlarning turlari: tijorat va moliyaviy xo‘jalik faoliyatining tekshiruvini o‘tkazish, sub’ektning faoliyatini yaxshilash bo‘yicha takliflar ishlab chiqish, qo‘shma korxonalarni soliqqa tortish masalalari, moliyaviy hisob holati, ichki moliyaviy nazoratni tashkil etish, tashqi savdo kelishuvlarini amalga oshirish qoidalari, xorijiy valyuta bilan bog‘liq jarayonlar yuzasidan maslahatlar berish.
Mijozlar bilan ishlash tijorat shartnomasi asosida olib boriladi.
Investitsiya - so‘zi nemischa invektition, lotincha invektio so‘zlaridan olingan bo‘lib, u kapitalni uzoq muddatli qo‘yilmalar tariqasida sanoat, qishloq xo‘jaligi, transport va boshqa tarmoqlarga sarf etiladigan xarajatlar summasidir.