Guliston davlat universiteti b. A. Xasanov, A. A. Xashimov, A. B. Muxametov, A. A. Abduvohidov buxgalteriya hisobi

Sotib olish bahosi - iste’molchi va mol etkazib beruvchi shaxslar o’rtasida kelishilgan baho.
Sotish (lat. realik - buyumli, haqiqiy) - buyumning pulga aylanishi. Korxona, tashkilot va muassasalar mahsulot (ish, xizmat) va tovarlarni sotadilar. Mahsulot (ish, xizmat)ni sotish xo’jalik mablag’larining aylanishida yakuniy bosqich hisoblanadi. Mahsulot tovar shaklidan pul ko’rinishiga o’tadi (qarang sotish vaqti). Mahsulot sotish naqd pulga va naqd pulsiz bank orqali amalga oshiriladi. Mahsulotni xaridorlarga etkazib berish jarayonida vujudga keladigan transport xarajatlari ayrim tranzit hisobda olinadi. Mahsulotni ishlab chiqaruvchi korxona uchun sotilgan mahsulotining qiymati sotish bahosi hisoblanadi va aksincha, mahsulotni sotib olgan korxona, tashkilot va muassasa uchun sotib olish bahosi hisoblanadi.
Sotish bahosi - talab va taklifdan kelib chiqqan holda sotuvchi va iste’molchi o’rtasida kelishilgan baho.
Sotish markazi – bo’linma rahbari mahsulot (ish, xizmvt)larni sotishdan tushadigan tushumga javob beradigan markaz turi.
Sotish vaqti - xaridorga jo’natilgan mahsulot va tovarlar sotildi deb hisoblangan vaqt. Sotish vaqtini belgilash mablag’larning tegishli nuqtai nazaridan amaliy ahamiyatga ega. Sotish 9000 - “Asosiy (operatsion) faoliyatining daromadlarini hisobga oluvchi hisobvaraqlar”da aks ettiriladi.
Sotish xarajatlari byudjeti – xaridorlar imkoniyati va mahsulotlar hajmini e’tiborga olib, vertikal hamda gorizontal tartibda tuzilgan byudjet shakli.
Sponsor - reklamani ko’zda tutgan holda kimgadir yordam ko’rsatuvchi jismoniy yoki yuridik shaxs.
Spot - 1) Savdoda qo’llaniladigan va naqd tovarni bildiradigan atama, naqd tovarlarga kelishuv va haqiqiy tovarlar yuzasidan birja kelishuvlari, 2) valyutani sotish yoki darhol yoki juda tez etkazish (2 - ish kunida) uchun kerak bo’lgan tovar bahosi, 3) tonnajga ega bo’lgan kema, taxminan fraxtlash talablariga javob beradi.
Spot-prompt - kemani yuklashga darhol tayyorligi sharti bilan charter.