Гулистон давлат университети абдуғаниев ойбек абдухамидович

Тадқиқот усуллари. Диссертацияда ихтиопаразитологик, гельминтологик, экологик, статистик ва қиёсий таҳлил усулларидан фойдаланилган.
Тадқиқотнинг илмий янгилиги қуйидагилардан иборат:
Илк бор Сирдарё ўрта оқими сув ҳавзалари йиртқич балиқлари (оддий лаққа - Silurus glanis Linnaeus, 1758, оқ сла - Sander lucioperca Linnaeus, 1758, чўртанбалиқ - Esox lucius Linnaeus, 1758) гельминтлари турларининг замонавий ҳолати аниқланиб, улар 3 тип, 4 синф, 13 туркум, 22 оила, 32 авлодга мансуб 35 турдан таркиб топгани қайд этилиб, уларнинг 24 тури биогельминтлар, 11 тури эса геогельминтлар гуруҳига мансублиги аниқланилган;

• 
  оддий лаққа - Silurus glanis балиғида 29 тур, оқ сла - Sander lucioperca балиғида 19 тур, чўртанбалиқда - Esox lucius 22 тур гельминт қайд этилган бўлиб, балиқларнинг умумий зарарланиши 0.3-32.1% ни, инвазия интенсивлиги 1-72 нусхани ташкил этиши очиб берилган;
  
• 
  йиртқич балиқлар гельминтофаунасининг сув ҳавзалари типларига боғлиқлик жиҳатлари очиб берилган;
  
• 
  йиртқич балиқлар ва уларнинг гельминтлари ўртасида биоценотик алоқалар амалга ошиши аниқланган ҳамда Сирдарё ўрта оқими сув ҳавзаларида йиртқич балиқлар гельминтофаунистик комплексларининг шаклланиш йўллари асосланган.
  

Тадқиқотнинг амалий натижалари қуйидагилардан иборат:
Олинган натижалар таҳлили Сирдарё ўрта оқими сув ҳавзалари йиртқич балиқларининг инвазион касалликлари бўйича эпизоотологик ҳолатини башорат қилиш имконияти яратилган;

• 
  йиртқич балиқларнинг паразит чувалчанглар билан зарарланиш даражаси, инвазия интенсивлиги ва миқдор индекслари асосида доминант гельминтозлар қўзғатувчилари сонини бошқариш усуллари ишлаб чиқилган;
  
• 
  йиртқич балиқларнинг гельминтозларига қарши курашиш ва олдини олиш чора тадбирлари бўйича амалий тавсиянома ишлаб чиқилган ва ветеринария амалиётига жорий этилган.
  

Тадқиқот натижаларининг ишончлилиги. Тадқиқот иши давомида олинган натижалар, назарий маьлумотларга тўла мос келиши, етакчи хорижий ва махаллий нашрларда ёритилганлиги, фундаментал лойиҳанинг бажарилиши давомида олинганлиган натижаларнинг тан олиниши, Biostat 3.8 дастурларида маьлумотларни таҳлил қилиниши, тадқиқот ишининг амалий натижалари тегишли давлат ташкилотлари томонидан тасдиқланганлиги ва амалиётга жорий этилганлиги билан изоҳланади.