G‘o‘za kasalliklari va ularga qarshi kurash choralari Reja

Rux yetishmasligi. Nihollarning bo‘yi pasayadi, barglari oqaradi va kuyganga o‘xshab qoladi. Keyingi fazalarda o‘simlik bo‘g‘in oralari qisqa bo‘lib, bo‘yi pasayadi, ustki qismi qalin shoxlanadi va «rozetka» hosil bo‘ladi. Barglar kichik, qalin, mo‘rt bo‘lib qoladi, xloroz va sariq dog‘lar paydo bo‘ladi. Ularning chetlari pastga yoki tepaga bukiladi. O‘simlik yetilishi kechikadi, ko‘saklar soni kamayadi; ko‘pchilik ko‘saklar kichik va shar kabi dumaloq shaklda bo‘ladi va odatda mavsum so‘ngida ham ochilmaydi.

Marganets zaharliligi. Juda nordon (рН=5,2 yoki pastroq) tuproqlarda marganetsning eruvchanligining oshishi bu moddani o‘simlik ko‘p olishi va zaharlanishiga olib keladi. Zaharlanish belgilari - nihollar kasalliklar bilan kuchli zararlanishi va siyrak bo‘lib qolishi, keyingi fazalarda o‘simlikning tepadagi barglari sarg‘ish-kul rang yoki qizg‘ish-kul rang tus va g‘ijimlangan shakl olishi, poya bo‘g‘in oralari juda qisqa bo‘lib, o‘simlik bo‘yi pasayishidir.