G‘oz – hunaring oz Sobit G‘afurov

3-nazorat ishi. 3-sinf. OʻTOʻS

G‘oz – hunaring oz
Sobit G‘afurov
Bir bor ekan, bir yo‘q ekan. O‘rmonda bir G‘oz yashar ekan. U doim kekkayib yurarkan. Bir kuni hayvon va parrandalar yig‘inida:
– Men unaqa-bunaqa oddiy g‘ozlardan emasman. Siz parrandalarga podsho bo‘lsam arziydi, chunki hunarim juda ko‘p, – debdi.
– Xo‘sh, qani, bir ko‘raylik-chi? – deyishibdi parrandalar chug‘urlashib. Maqtanchoq G‘oz davom etibdi:
– Men sayrashni, yurishni, suzishni, osmonda uchishni, suvga sho‘ng‘ishni bilaman.
Mana, shuncha hunarim bor. Qani, qaysi biringiz bunchalik ko‘p hunar egasisiz?..
– Quruq aravani olib qochavermay, hunarlaringni ko‘rsat, – deyishibdi atrofdagilar.
Maqtanchoq G‘oz:
– Gapimga ishonmayapsizlarmi, mana, yo‘rg‘alashimni ko‘ringlar!
– Loaqal yugurishda menga yetolmaysan-ku, tag‘in maqtanishingni qara, – debdi Bedana.
– Qani, uchib ko‘r-chi, – debdi Lochin bilan Qaldirg‘och.
G‘oz qanot qoqib osmonga ko‘tarilibdi-da, sal nariga borib qo‘nibdi. Lekin u Lochindek chaqqon, Qaldirg‘ochdek tez ucha olmabdi.
– Endi suzib, suvga sho‘ng‘ib ko‘rarsan, – debdi Qurbaqa vaqillab, Cho‘rtan baliq likillab.
G‘oz suvga tushib, sekin suzib ko‘ribdi, suvga boshini tiqib sho‘ng‘igan bo‘libdi. G‘ozning harakatini ko‘rib, Qurbaqa bilan Cho‘rtan baliq qotib-qotib kulishibdi.
– Qani, sayrab ko‘r-chi, – debdi Bulbul.
G‘oz bo‘ynini cho‘zib chunonam g‘aq-g‘aqlab ketibdi.
G‘oz xuddi hamma ishni qoyil qilgandek kerilibdi-da:
– Qalay, hunarim zo‘r ekanmi? – deb so‘rabdi to‘planganlardan.
– Hunaring ko‘p bo‘lgani bilan zo‘r emas ekan. Sen, og‘ayni, ko‘p hunarlarni oz-oz bilgandan ko‘ra, bir hunarning ustasi bo‘l! Maqtanma G‘oz, hunaring oz! – debdi Qaldirg‘och.


TEST TOPSHIRIQLARI
1. G’oz maqtanchoq edi.
A) toʻgʻri
B) notoʻgʻri


2. G’oz 5 ta hunarni yaxshi egallagan edi.
A) toʻgʻri
B) notoʻgʻri


3. G’oz nima uchun kekkayib yurar ekan?
A) Parandalar podshosi bo’lmoqchi edi
B) O’ziga katta baho berardi
D) ko’p hunarni bilar edi
E) maqtanchoq edi


4. Maqtanma G‘oz, hunaring oz! – debdi Qaldirg‘och.
Nima uchun qaldirg’och bunday dedi?
A) Maqtanchoqlik yaxshi odat emasligini aytmoqchi
B) Hunarni yaxshilab egallab, keyin maqtanish kerak demoqchi
D) Hunaring oz demoqchi
E) G’ozning ustidan kulmoqchi edi


5.Qurbaqa va cho’rtan baliq nima uchun g’ozning ustidan kulishdi?

1. 
   G’ozning suvda suzolmagani uchun
   

B) G’oz suvga shung’iy olmagani uchun
D) baliq va qurbaqadek suvda harakatlana olmagani uchun
E) maqtanchoqligi uchun
6. Toʻgʻri yozilgan soʻzlarning ko’chiring.


Imunitet Antibiotik gemaglobin organizm gemoglobin organzim kislarod kislarot


7. Qaysi gaplar mazmunan toʻgʻri?
A) O'lkamizda yalpiz, isiriq, kiyiko't va boshqa butalar o'sadi.
B) Daraxtlarning barglari sariq va qizg'ish rangda tovlanadi.
D) Dehqonlar bahorgi hosilni tezroq yig'ib olishga shoshilyaptilar.
E) Qo'shni podsholikda olamga dong'i ketgan donishmand yashar ekan.


8. Qaysi gaplar mazmunan toʻgʻri?

A) Odobsiz bola - elga manzur.

B) Qish kelishi bilan atrof yam-yashil tusga kiradi
D) 1-yanvar bayram sifatida keng nishonlanadi.
E) Devor tagida hurpayib turgan mushuk bolasiga qarab bir kuchuk hurar edi


9. Nuqtalar oʻrniga “x” yoki “h” harflaridan birini qoʻying.
Ru…sat , mu..bir, ..ayot, me..mon, ray..on.