Государственный

Шахсий турар-жой қурилиши объектлари – алоҳида ер участка-сида жойлашиб, бир оила истиқомат қилиши учун мўлжалланган, қаватлар сони учтадан ортиқ бўлмаган, алоҳида жойлашган ва/ёки бирлаштирилган турар-жой бинолари.
Бирлаштирилган турар-жой бинолари – сони ўнтадан ошмаган бир нечта блоклардан иборат, қаватлари учтадан ортиқ бўлмаган ва ҳар бири битта оила истиқомат қилишига мўлжалланган, қўшни блок ёки қўшни блоклар билан умумий девор (деворлар)га эга, алоҳида участкада жойлашган ва участкадан умумий фойдаланиш ҳудудига чиқиш йўлига эга шахсий турар-жой бинолари.
Кўп хонадонли турар-жой бинолари – хонадонлари қаватма-қават жойлашган ва кўп хонадонли турар-жой биносининг умумий мулки ҳисобланган ер участкасига эга турар-жой бинолари.
Кам қаватли турар-жой бинолари – мансарда қаватини ҳам қўшиб ҳисоблаганда 1-3 қаватли турар-жой бинолари.
Ўрта қаватли кўп хонадонли турар-жой бинолари – мансарда қаватини ҳам қўшиб ҳисоблаганда 4-8 қаватли турар-жой бинолари.
Кўп қаватли кўп хонадонли турар-жой бинолари - 9 ва ундан кўп қаватли турар-жой бинолари.
Ҳовлили турар-жой бинола-ри зонаси – асосан, шахсий турар-жой уйлари билан банд бўлган ва чорва моллари ва паррандаларни сақлашга рухсат этилган ҳудуд.
Коттеж туридаги турар-жой бинолари зонаси - асосан, 1-3 қаватли шахсий турар-жой уйлари билан банд бўлган ва чорва моллари ва паррандаларни сақлашга рухсат этилмайдиган ҳудуд.
Функционал зоналар – ҳуду-дий режалаштириш ҳужжатлари (бош режалар ва ҳудудий режалаш-тириш тарҳлари) воситасида ушбу зоналарда амалга ошириладиган қурилишни ривожлантириш параметрларини аниқлаш билан биргаликда ҳудуднинг асосий вазифаларини акс эттирувчи чегара-ларни белгилаб берувчи зоналар.
Ҳудудий зоналар – шаҳарсоз-ликнинг зоналаштириш (ердан фойдаланиш ва қурилишни амалга ошириш) ҳужжатларида ушбу ҳудудларда жойлашган ер участ-каларидан рухсат этилган фойда-ланиш турларини, ер участкалари ва капитал қурилиш объектларининг жоиз чегаравий параметрларини аниқлаб берувчи чегаралар ва шаҳарсозлик регламентларини белгиловчи зоналар.