Государственный стандарт узбекистана

А.4.4 Энергетик базис
Маълумотларни олиш учун муносиб вақт ташкилот томонидан энергиядан фойдаланиш ва уни истеъмол қилишга таъсир этувчи норматив талаблар ёки параметрларни кўриб чиқиш учун мўлжалланган. Параметрлар ўз ичига об-ҳаво шароитларини, йил фаслларини, ишлаб чиқариш фаолияти циклларни ва бошқа шартларни олиши мумкин.
Энергетик базис ишчи ҳолатда сақланади ва ташкилот унинг ёрдамида ёзувларни ушлаб туришни ва сақлашни аниқлайдиган восита сифатида рўйхатга олинади. Базисга доир тузатишларнинг ҳам бутлиги кўзда тутилади ва тегишли талаблар ушбу стандартда белгиланган.


А.4.5 Энергетик натижавийликнинг кўрсаткичлари
Энергетик натижавийликнинг кўрсаткичлари оддий параметр, оддий пропорция ёки мураккаброқ модель бўлиши мумкин. Энергетик натижавийлик кўрсаткичларига энергиянинг вақт бўйича сарфи, энергиянинг маҳсулот бирлигига сарфи ва бир неча параметрли моделлар мисол бўлиши мумкин. Ташкилот унинг фаолиятининг энергетик натижавийлиги тўғрисида хабар берувчи кўрсаткичларни танлаб олиши, ва иқтисодий фаолият ёки базавий мезонларда зарур бўлган ҳолларда энергетик натижавийликнинг тегишли кўрсаткичларига таъсир этувчи ўзгаришлар юз берган ҳолларда ушбу кўрсаткичлар долзарблаштирилиши мумкин.
А.4.6 Энергетик мақсадлар ва вазифалар, ҳамда энергетик менежмент бўйича чора-тадбирлар режалари
Энергетик натижавийлик билан боғлиқ муайян яхшиланишларга эришишга йўналтирилган чора-тадбирлар режаларига қўшимча равишда ташкилот бутун энергетик менежментни яхшилаш ёки энергетик менежмент тизимининг ўзининг жараёнларини яхшилашга йўналтирилган чора-тадбирлар режаларига эга бўлиши мумкин. Бундай турни яхшилаш учун чора-тадбирлар режалари шунингдек, ташкилот ушбу режаларда кўзда тутилган чора-тадбирлар бажарилгандан кейин эришилган натижаларни верификациялашни қандай тарзда амалга ошириши тўғрисида маълумотларни ҳам ўз ичига олиши мумкин. Масалан, ташкилот энергетик менежмент соҳасидаги фалият тўғрисида ишчилар ва ташкилот пудратчилари яхшироқ хабардор бўлишлари мақсадида ишлаб чиқилган чора-тадбирлар режаларига эга бўлиши мумкин. Ушбу режани бажариш вақтида эришилган хабардорлик даражасини яхшилашни ва бошқа натижаларни ушбу чора-тадбирлар режасида ҳужжатлаштирилган, ташкилот томонидан белгиланган усулдан фойдаланиб верификация қилиниши керак.