Государственная инспекция по надзору за безопасным ведением работ

§ 318. Шу операция хавфсизлигини таъминлайдиган қурилма билан жиҳозланмаган
бурғилаш асбоби, хода ёки бошқа нарсадан фойдаланилган ҳолда, қудуқларга зарядларни 
тушириш ман этилади.
§ 319. Зарядни туширишдан олдин қудуқни шаблонлаштириш зарурияти лойиҳа билан 
белгиланади. 
§ 320. Агар заряд қудуқ забойигача етмаса, унда уни чиқариб олиш керак. Зарядни чиқариб 
олишнинг иложи бўлмаган ҳолларда, у одатдаги тартибда портлатилиши керак.
§ 321. Якка қудуқларда зарядлар портлатилганда, портлатишдан кейин портлатувчининг 
қудуқ оғзига яқинлашиши лимитланмайди.
§ 322. Сейсмоқидириш ишларида портлатиш сейсмостанция операторлари билан 
келишувга кўра портлатиш ишлари раҳбари командаси бўйича бажарилади.
§ 323. Қайтишган зарядлар бўлган ёки қайтишган заряд портлатилгандан кейин 
қудуқларни қайта бўрғилаш ман этилади. 
§ 324. Сув ҳавзалари, ҳар бир аниқ ҳолатдаги сейсмоқидириш ишларида қўлланиладиган 
ПАни рўйхати манфаатдор ташкилотлар ва “Саноатконтехназорат” ДИ органи билан келишилган 
махсус лойиҳа билан белгиланади.
4. Нефть, газ ва сув қудуқларидаги нимпортлатиш ва портлатиш ишларининг 
хусусиятлари 
§ 325. Нимпортлатиш ва портлатиш ишларини, фақат белгиланган шаклдаги далолатнома 
билан расмийлаштирилган тайёрлов қудуқларида бажаришга рухсат этилади. 
§ 326. Портлатиш ишлари бажариладиган жойига келтирилган ПА, зарядланган 
нимпортлатиш ва портлатиш аппаратлари махсус ажратилган жойда сақланиши керак. Кўчма 
зарядлаш устахонасида (перфоратор станцияси лабораториясида) ПА, нимпортлатиш ва 
портлатиш аппаратлари сақланганда, у қудуқ оғзидан камида 20 м узоқликка жойлаштирилиши 
керак.
§ 327. Тайёрловчи-заводда жиҳозланган (шайланган) ПМ зарядлари, тезлатиш воситалари, 
нимпортлатиш ва портлатиш аппаратларини, қисмларга бўлаклаш ман этилади.
Детонацияловчи шнур аппаратни детонацион занжири қилиб ётқилгандан кейин, уни 
ўрамидан кесиб ажратиш ман этилади.
§ 328. Ҳар бир нимпортлатиш ва (ёки) портлатиш аппаратини жиҳозлашдан олдин, уни 
ишга яроқли эканлиги текширилиши керак. 

---

58 
Нимпортлатиш ва портлатиш аппаратларини жиҳозлаш ва зарядлаш фойдаланишга оид 
ҳужжатларга мувофиқ равишда: 
-
кўчма зарядлаш устахоналари, перфоратор станцияси лабораторияларида; 
-
қудуқ оғзидан камида 20 м узоқликка жойлашган мослаштирилган хоналарда (будка, 
сарой ва шу кабиларда); 
-
тегишли об-ҳаво шароитларидаги ишлар учун тайёрланган очиқ майдончаларда, бунда
нометалл (резина) копламали ва деворчаларга (бортчаларга) эга бўлган стол ўрнатилган 
бўлиши керак. Столни узунлиги жиҳозланаётган нимпортлатиш ва портлатиш 
аппарати ёки уни секцияси узунлигидан кам бўлмаслиги керак. Нимпортлатиш ва 
портлатиш аппаратларини жиҳозлаш жараёнида маҳкамлаш учун столга қистиргич 
(мосламалар) ўрнатилиши керак; 
-
нимпортлатиш-портлатиш аппаратураси жиҳозланадиган жойда, аппаратни бир марта 
жиҳозлашга зарур бўлган миқдордан ортиқ бўлмаган портловчи материаллар туриши 
мумкин. 
§ 329. Портлатиш патронлари, электродетонаторлар, электр-алангалатгич, шунингдек 
зарядланган нимпортлатиш ва портлатиш аппаратларини жойлаштириш ва транспорт билан 
ташишда, уларни симлари металл предмет ва қурилишларга тегишига йўл қўймаслик керак. 
Жиҳозланган нимпортлатиш ва портлатиш аппаратларини транспорт билан ташиш учун, 
уларни маҳкамлаш учун қурилмага эга бўлган транспорт воситаларидан фойдаланиш зарур.
Нимпортлатиш ва портлатиш аппаратларини, уларга ўрнатилган тезлатиш воситалари 
билан сақлаш ва транспортда ташиш ман этилади.
§ 330. Нимпортлатиш аппаратлари учун мўлжалланган электр-алангалатгичлар текшириш, 
занжирнинг бутунлиги ва кўприкларининг электр қаршилиги аниқлаш билан бажарилади: 
а) аппаратга ўрнатилганга қадар; 
б) аппаратга ўрнатилгандан кейин, фақат нимпортлатиш-портлатиш аппаратураси қудуқ 
оғзидан камида 50 м чуқурликка туширилгандан кейин (денгиз ишларида сувости текиш оғзи 
жиҳоз ўрнатилгандан кейин); 
в) қудуқдаги портлатишдан олдин.