Государственная инспекция по надзору за безопасным ведением работ

3. Тоннеллар ва метрополитенлар қурилишида портлатиш ишларини олиб бориш хусусиятлари
§ 226. Ерости ва ер юзасидаги иншоотлар яқинида портлатиш ишларини олиб бориш “Саноатконтехназорат” ДИ органи ва шу иншоотлардан фойдаланувчи ташкилотлар билан келишувга кўра тасдиқланган лойиҳа бўйича амалга оширилиши керак.
§ 227. Шаҳар шароитлари ва сувни катта ирмоғи мавжуд бўлганда шахта стволларини ковлаб ўтишда шай-патронларни ствол забойидан биринчи майдончада, ёки махсус қурилган майдончада ясашга рухсат этилади.
§ 228. Баландлиги 2 м дан ортиқ бўлган жойда шпурларни зарядлаш ва портлатиш тармоғини монтаж қилишни §§126; 203 талабларига мувофиқ, ҳамда тоннелга ишлов берувчи жойлаш механизмининг сурилиш майдончаларидан бажаришга рухсат этилади.
§ 229. Электрпортлатишни қўллаган ҳолда тоннелларни ковлаб ўтишда зарядлаш бошлангунга қадар ковлаб ўтишнинг барча жиҳозларидаги кучланишлар ўчирилиши керак. Шай-патронларни бевосита тоннелга ишлов берувчи жойлаш механизмининг майдончаларида ёки шчитларда ясаш ман этилади.
§ 230. Тик иншоотлардан юқори штолъняларни кўндаланг қазишда (рассечка) қарама – қарши забойларда бир вақтда портлатиш ман этилади.
§ 231. Қуйидаги шартлар бажарилганда калотталардаги портлатиш ишларига рухсат этилади:
а) заряднинг чекланган массаси корхона (қурилиш бошқармаси) раҳбари томонидан ўрнатилади;
б) калоттани икки қанотини портлатиш турли вақтларда (навбат билан) бажарилиши керак.
§ 232. Зарядлаш портлатувчилар томонидан техник назорати шахси иштирокида амалга ошириш керак.
§ 233. Шчитли забойда битталаб оловли портлатиш пайтида зарядлаш ва портлатиш бир вақтда кўпи билан иккита ёндош қатламларда бажаришга рухсат этилади.
Битта горизонтал қатламда бир мартда 10 та шпурдаги зарядларни портлатишга йўл қўйилади. Иккита горизонтал қатламда бир вақтда портлатиладиган шпур зарядларининг сони саккизтадан ортиқ бўлмаслиги керак.


4. Портлаш чанги бўйича хавфли ёнувчи сланецлар қазиладиган шахталарда портлатиш ишларини олиб боришнинг хусусиятлари
§ 234. Ёнувчи сланец конларини ерости усули билан қазиб олишда чанг портлашининг олдини олиш мақсадида портлатиш ишлари пайтида “Саноатконтехназорат” ДИ органи билан келишувга кўра корхона раҳбари томонидан тасдиқланган Сланец шахталарида электрпортлатишни хавфсиз қўллаш ва чанг портлашининг олдини олиш бўйича йўриқнома билан кўзда тутилган хавфсизликни қўшимча чораларини қўллаш зарур.