Государственная инспекция по надзору за безопасным ведением работ

2. Шахта (шурф) стволларини ковлаб ўтиш ва чуқурлаштиришда портлатиш ишларини олиб боришнинг хусусиятлари
§ 217. Шахта стволларини ковлаб ўтиш ва чуқурлаштиришда портлатиш ишларини фақат юзадан ва амалдаги горизонтдан бажаришга рухсат этилади. Портлатишни бажарадиган шахслар тоза ҳаво оқимли иншоотда туришлари керак. Оловли усул билан портлатиш ман этилади.
§ 218. Таги очиладиган бадьяда (пастак ёғоч идишда) шай-патронларни тушириш-чиқариш ман этилади. Бу ишларни ағдарма бадьяларда бажаришга, стволни тепа қисмидаги қабул қилиш майдончасидан бадьянинг баланд кўтарилишига имкон бермайдиган соз блокировка қурилмаси бўлсагина рухсат этилади. Тушириш-чиқариш тезлиги йўналитирувчисиз ҳаракатланганда 1 м/с дан ва йўналитирувчи билан ҳаракатланганда эса 2 м/с дан ортиқ бўлмаслиги керак.
§ 219. Шай-патронларни стволга тушириш махсус сумкаларда (қутиларда) ПМ дан алоҳида портлатувчи кузатувида бажарилиши керак. Сумкалар (қутилар) шай-патронларни вертикал қилиб жойлаштиришни таъминлайдиган, катакчаларга эга бўлиши керак. Бунда забойда фақат зарядлашда банд бўлган шахслар ва насос қурилмаси машинисти туришлари мумкин.
Ишчи майдонча (супа) ва тарангловчи рамада бадьяларни қарнайлар орқали кузатиш билан банд бўлган шахсларни туришига рухсат этилади. Шпурларни зарядлаш пайтида бу майдончаларда бошқа ишларни бажариш ман этилади.
§ 220. Шахта стволининг сув босган забойида электрпортлатиш тармоғини монтаж қилиш антеннали симлар ёрдамида бажарилиши керак. Симлар ўрнатиладиган таянчлар антеннага сув тегмайдиган баландликда бўлиши керак.
Бунда электродетонатор симларини учлари, уларга қўшимча уламасдан антенналарга улашга имкон берадиган узунликка эга бўлиши керак.
§ 221. Забойдан ҳамма ишчилар (сигнал узатиш ва қазиб ўтиш майдончаси учун масъул бўлганлар бундан мустасно) чиқиб кетганидан кейингина портлатувчи электрпортлатиш тармоғи монтажини амалга ошириши мумкин.
§ 222. Магистрал симлари сифатида нам ўтказмайдиган қобиқли эгилувчан кабелдан фойдаланиш зарур ва у ковлаб ўтиш майдончасидан пастга тушмаслиги керак.
§ 223. Портлатиш ишларини олиб бориш учун наряд-йўлланма ёзиб берилган портлатувчи бириктирадиган симларни кабелга улаш ва портлатишни ўтказиш ҳуқуқига эга.
§ 224. Портлатиш тармоғини монтаж қилиш тугаллангани ва барча одамлар юзага чиқариб юборилганидан кейин стволдаги барча лядалар (эшикчалар) очиқ бўлиши керак.
§ 225. Шахтанинг вертикал стволларини ковлаб ўтишда янгидан бурғиладиган шпурлар, уларни жойлашиш схемасини ўзгартирмасдан, илгариловчи шпурларга нисбатан айлана бўйича сурилиши керак.