Государственная инспекция по надзору за безопасным ведением работ

2. Автотранпорт, от-арава ва эгарда ПА ташиш
2.1. Автомобиль, от-арава транспортлари билан ва эгарда ПА ташиш, мазкур Қоидалар талабларига мувофиқ равишда қўриқлаб, махсус тайинланган масъул шахс кузатувида йўл ҳаракати қоидаларини сўзсиз бажарган ҳолда бажариш зарур. ПАни автомобилда ташиш, қўриқлаш ва кузатишни таъминлаш “Ўзбекистон Республикаси худудида портловчи материалларни автомобиль транспортида ташиш қоидлари”га мувофиқ амалга оширилиши зарур.
Ташиш бўйича масъул шахс ички ишлар маҳаллий органларида тегишли расмийлаштириш билан қўриқлаш шахсини вазифасини ҳам бирга олиб бориши мумкин.

0. 
   Детонаторлар ва тутунли порохларни тиркамаларда ташиш ман этилади.
   

2.3. ПАни ташишга мўлжалланган транспорт воситаларини бошқариш учун фақат тегишли йўриқдан ўтган ҳайдовчиларга рухсат берилади.
Ҳайдовчи (шофёр) ва аравакаш томонидан ПА ортилган транспорт воситасини ташиш бўйича масъул шахснинг рухсатисиз қолдириб кетиш ман этилади.
ПА ортилган транспорт воситасида, уларни ташишга алоқадор бўлмаган шахслар бўлмаслиги керак.
2.4. ПА ортилган бир неча транспорт воситалари ҳаракатланганда портловчи материалларни ташиш бўйича масъул шахс уларнинг биринчисида ва қуриқлаш шахси эса охирдагисида бўлиши керак.
2.5. ПАни ташиш пайтида дам олиш учун йўлда тўхташга, фақат аҳоли пунктлар ташқарисида, йўлдан камида 100 м ва турар-жой биносидан камида 200 м узоқда; транспорт воситалари мотори ўчирилган, ҳайвонлар аравадан ажратилган ёки эгарсизланган бўлса рухсат этилади.
ПА ортилган транспортни йўлдан четга чиқаришнинг иложи бўлмаганда, уни йўлнинг четига, аммо аҳоли пунктларидан камида 200 м узоқда тўхташ зарур.
Транспорт воситалари тўхтаб турган жойнинг икки томонига ҳам огоҳлантирувчи белгилар қўйилиши керак.
ПА ортилган транспорт воситаларининг гараж, отхона ва шу кабиларда тўхтаб туриши ман этилади.
2.6. ПА ташийдиган бир уловли аравалларнинг ҳаммасига олди ва орқа томонидан қизил байроқчалар, қоронғи пайтларда эса нур қайтраувчи белгилар қўйилиши керак.
2.7. Жалада қолган траспорт турар-жой ва ўрмондан камида 200 м узоқда очиқ жойга тўхтатиб қўйилган бўлиши керак. Автомобилларни камида 50 м оралиқ масофа билан териб қўйиш керак. Соқчилардан бошқа одамлар жала пайтида транспортдан камида 200 м узоқда бўлишлари керак. Моторлар учрилган, ҳайвонлар аравадан ажратилган ёки эгарсизланган бўлиши керак. ПА ортилган транспорт тўхтаб турган жой олдидан ва орқасидан огоҳлантирувчи белгилар билан тўсилган бўлиши керак.
Бу талабларни бажаришнинг иложи бўлмаганда ПАни ташиш бўйича масъул шахс, ўз ихтиёрига кўра хавфсизликнинг зарурий чораларини қабул қилишга хақли.
2.8. ПА ортилган транспортларини дарё ва кўллардан паром билан олиб ўтилганда биринчи навбатда ПА ортилган транспорт воситалари ўтказилиши керак. Бунда паромда бошқа нарсаларнинг бўлиши ман этилади.
2.9. Арава ёки эгарли хайвонларда ПА билан биргаликда бошқа бирорта юкни ташиш ман этилади, фақат портлатиш ишларига оид жиҳозни ПАга урилмайдиган қилиб қўйилган ҳолда қўшиб ташиш бундан мустасно.
2.10. Мослик гуруҳи В бўлган ПАни от-аравада ташишда рессорли аравадан фойдаланиш зарур; чанада ташишда эса бундай ПА юмшоқ материалдан бўлган тўма ўстига қўйилиши керак.
Кўрсатиб ўтилган ПАни эгарларда ташиш ичи кигиз билан қопланган идишларда бажарилиши керак.
2.11. От-арава транспорти билан ташиладиган ПАни массаси:
- мазкур Йўриқномани 2.10 бандида кўрсатилганлар, шунингдек тутунли порохлар учун бир отли аравада 300 кг ва жуфт отли аравада 500 кг дан;
- бошқа ПА ва оловўтар шнурлар учун бир отли аравада 500 кг ва жуфт отли аравада 800 кг дан ортиқ бўлмаслиги керак.