Гормонал препаратлар (давоми) буйрак усти бези гормонларининг препаратлари

Табиий гормонлар ва улар эфирларининг препаратлари

Download 152,5 Kb. bet 2/14 Sana 21.02.2022 Hajmi 152,5 Kb. #42178

Bog'liq
Гормонлар-2, 2009

Bu sahifa navigatsiya:

• Синтетик препаратлар

Табиий гормонлар ва улар эфирларининг препаратлари

Глюкокортико	Гидрокортизон	Гидрокортизон
идлар	Кортикостерон	Гидрокортизон ацетати
		Синтетик препаратлар
		Преднизолон
		Дексаметазон
		Триамцинолон
		Синафлан (флуоцинолон ацетониди)
		Флуметазон пивалати
		Беклометазон
Минералокортикоидлар	Альдостерон 11-Дезоксикортико-	Дезоксикортикостерон ацетати Дезоксикортикостерон триметил-
	стерон	ацетати

Глюкокортикоидлар (гидрокортизон ва б.) моддалар алмашинувига кучли ва ҳар томонлама таъсир кўрсатади. Углеводлар алмашинуви томонидан жигарда гликонеогенез жадаллигининг кучайиши туфайли қондаги қанд миқдорининг ортиши кузатилади. Глюкозурия келиб чиқиши мумкин. Гликонеогенез учун аминокислоталарнинг утилизацияси оқсиллар синтезининг сусайишига олиб келади. Ёғлар алмашинувига таъсири натижасида ёғлар-нинг нотекис тўпланиши келиб чиқади. Глюкокортикоидларнинг давомли қўлланилиши натижасида катта миқдордаги ёғ юзга (ойсимон юз), бўйиннинг орқа қисмига, елкаларга йиғилади. Туз-сув алмашинувининг бузилишлари ҳам характерли. Глюкокортикоидлар минералокортикоид фаолликка ҳам эга: организмда натрий ионлари тўпланиб қолади ва калий ионларининг чиқари-лиши ошади. Натрийнинг ушланиб қолиши туфайли қон зардоби ҳажми, тў-қималар гидрофиллиги ошади, АҚБ кўтарилади. Кальций ионлари кўп миқ-дорда чиқарилади. Остеопороз келиб чиқади.

Глюкокортикоидлар яллиғланишга қарши ва иммунодепрессив хоссаларга ҳам эга. Уларнинг яллиғланишга қарши самараси яллиғланиш медиаторлари ҳосил бўлишига, томирли компонентга, яллиғланишда иштирок этувчи ҳужайраларга таъсирлари билан боғлиқ. Уларнинг таъсирида майда томирлар тораяди ва суюқлик экссудацияси камаяди. Яллиғланиш ўчоғида лейкоцитларнинг тўпланиши, макрофаглар ва фибробластларнинг фаоллиги пасаяди. Простаноидларнинг, лейкотреинларнинг ва тромбоцитларни фаоллаштирувчи омилнинг ишлаб чиқарилиши камаяди. Мазкур омил фосфолипаза А₂ нинг блокланиши билан боғлиқ. Бунда глюкокортикоидларнинг таъ-сири билвосита юзага чиқади: улар лейкоцитларнинг махсус оқсиллари ҳи-собланувчи ва фосфолипаза А₂ ни ингибирловчи липокортинлар (аннексинлар) биосинтезини блоклайди. Бундан ташқари, глюкокортикоидлар ЦОГ-2 нинг экспрессиясини камайтиради. Глюкокортикоидларнинг иммунодепрессив самараси Т- ва В-лимфоцитлар фаоллигини пасайтириши, қатор интерлейкинлар ва бошқа цитокинлар ҳамда қон зардобидаги комплемент миқдо-рининг ҳосил бўлишини камайтириши, қон таркибида айланиб юрувчи лимфоцитлар ва макрофаглар миқдорини пасайтириши, шунингдек, миграцияни ингибирловчи омилга бўлган сусайтирувчи самараси билан боғлиқ.
Глюкокортикоидларнинг препаратлари ишлатилганда қон яратилишида қатор бузилишлар пайдо бўлади: эозинофиллар ва лимфоцитлар миқдори камаяди ҳамда бир вақтнинг ўзида эритроцитларнинг, ретикулоцитларнинг ва нейтрофилларнинг миқдори ошиб кетади. Уларнинг гипоталамус-гипофиз-буйрак усти бези тизими фаолиятига сусайтирувчи хоссаси бўлганлиги сабабли АКТГнинг ишлаб чиқарилиши пасаяди. Бунда буйрак усти бези етишмовчилигининг юзага чиқиши айниқса, глюкокортикоидларни бирданига тўхтатиш оқибатида яққол намоён бўлади. Олий нерв фаолияти томонидан эйфория, психомотор қўзғалишлар, руҳий реакциялар каби ўзгаришлар келиб чиқиши мумкин.

Download 152,5 Kb.

Do'stlaringiz bilan baham: