Glossariy Analitik-kartalar

Tarkibiy bog‘liqlar - tog‘ jinslari litologik tarkiblarining o‘zgarishiga qarab aniqlanadi.
Matematik metodlar - hodisalar o‘rtasidagi bog‘liqlikning shakli va yaqinligini baholash imkonini beradi, bog‘liqlikni miqdorli ta’riflash uchun korrelyasiya koeffitsientlari hisoblanadi.
Geografik chegaralar - CHegaralar tabiatda bir-biridan sifat ko‘rsatkichlari bilan tubdan farq qiladigan ob’ektlar va hodisalar o‘rtasidan o‘tkaziladi.
Tabiiy kartalarni tuzish bosqichlari - tayyorgarlik ishlari, mualliflik ishlar, kartaning originalini tuzish, kartani nashrga tayyorlash va nashr qilish.
Avtorlik original - bu aniq geografik asosda, kartaning belgilangan masshtabida, talab darajasida detallashganlikda, legendaga ega, mazmunan kartaga olish hududi to‘liq qamrab olingan qo‘lyozmali karta hisoblanadi. Bunday karta muallif va kartograflar hamkorligida tuziladi.
Avtorlik maket - bu shaxsan muallif tomonidan to‘g‘ri va aniq asosda tuzilgan, yirikroq masshtabdagi, bir muncha detallashgan, shartli belgilari yirikroq ishlangan, generalizatsiyaga va aniqlashtirishga muhtoj bo‘lgan qo‘lyozmali materialdir.
Avtorlik eskiz - bu unchalik aniq bo‘lmagan, sxematik ravishda ishlangan muallif materialidir. Eskizning asosiy maqsadi – kartaning g‘oyasini ifodalash bo‘lib hisoblanadi.
Kartografik asoslar - kartaning mazmuni bilan bir xil bo‘lgan asoslar, mazmuni soddalashtirilgan asoslar, o‘ta murakkab mazmunli asoslar.
Lokalizatsiya metodi - ma’lumotlarni uch o‘lchamli fazoda tasvirlash, murakkab manbalardan aniq ma’lumotlar olinib kartaga joylashtirish.
Interpolyasiya metodi - kartada voqea va hodisaning miqdor ko‘rsatkichlarini ta’riflaydigan, alohida nuqtalar orqali bir xil ko‘rsatkichlardan o‘tkazilgan teng chiziqlar tizimi.
Generalizatsiya metodi - asosiy hisoblangan voqea va hodisalar tanlanadi, ular bo‘rttirib ko‘rsatiladi, ikkinchi darajali, keraksiz ob’ektlar kartadan olib tashlanadi.