Glossariy Analitik-kartalar

Orografik karta - Er yuzasining orografiyasini tasvirlashni o‘zining asosiy vazifasi deb hisoblaydi.
Tabiiy-geografik karta - relefning tashqi qiyofasini ko‘rgazmali tasvirlaydi.
Geobotanik kartalar - o‘simliklar qoplami haqida ma’lumot beradigan asosiy kartografik manba hisoblanadi, shu bilan bir qatorda u o‘simliklar qoplamini tahlil qilishda samarali vositadir.
Universal geobotanik kartalar - tarixiy jarayonda paydo bo‘lgan o‘simliklar turkumlarini va birikmalarini tarqalishini atrof-muhit sharoiti bilan bog‘liqligini va dinamikasini, inson xo‘jalik faoliyati va tabiiy omillar ta’sirida ro‘y beradigan o‘simliklar o‘zgarishlarini ko‘rsatadi.
Gidrografik kartalar - daryo va ko‘llar va ularning hududda tarqalishi hamda suv massalarining dinamik holatini tasvirlaydi.
Suv rejimi kartalari - suv va muzliklar rejimlari, qattiq oqim, suvning termik va kimyoviy xususiyatlari tasvirlanadi.
Landshaft kartalari - tabiiy hududiy majmualarni o‘rganishning grafikli natijasidir. Tabiiy hududiy majmualar – bu turli kategoriyali va hoxlagan taksonomik tabaqali landshaftlardir, yoki bu bog‘liqli majmualilar qismlarining atrof-muhit bilan to‘g‘ri va teskari aloqali murakkab dinamik tizimidir.