Glossariy Analitik-kartalar

Geografik interpolyasiya - interpolyasiya chiziqlariga geografik qonuniyatlarga qarab har xil tuzatma, o‘zgartirishlar kiritish natijasida hosil qilingan teng chiziqlar tizimi.
Ektropolyasiya metodi - bir yo‘nalishda joylashgan qiymati ma’lum nuqtalardan foydalanib, boshqa nuqtalar qiymatlarini aniqlash va bular asosida kartada bo‘sh qolgan joylarni ma’lumotlar bilan to‘ldirish.
Elementar legendalar - alohida olingan tabiat komponentlari elementlarini bir tomonlama ifodalovchi, qisqa mazmundagi mavzuli kartalar legendalari.
Tipologik legendalar - bular ilmiy klassifikatsiyalarni tasvirlashga asoslangan legendalardir. Legendada klassifikatsiyani guruhlari va bo‘limlarini tasvirlashda hodisalarning turli ko‘rsatkichlaridan foydalanadi: genezisidan, rivojlanish davrlaridan, joylashish sharoitidan, tarkibidan va boshqalardan.
Kompleks legendalar - ko‘plab ko‘rsatkichlarni va tavsiflarni, elementar va tipologik legendalarni birlashtirgan legendalar.
Martitsali legendalar - bunday legendada har bir ob’ekt ikkita ko‘rsatkich bo‘yicha - gorizontaliga va vertikaliga ta’riflanadi.
Geologik kartalar - bu Er bag‘rini va uning chuqur qatlamlarini yoki uning biror bir qismining geologik tuzilishini va geologik hodisalarini aniq ishlab chiqilgan qoidalar asosida umumlashgan tekislikdagi tasviridir.
To‘rtlamchi davr yotqiziqlari kartalari - Erning oxirigi 1 mln yillik rivojlanish tarixi tasvirlangan kartalar.
Tektonik kartalar - Er bag‘rida bo‘lgan haraktlarni ularning zamonaviy ko‘rinishida aks ettirilganligi tasvirlangan kartalar.
Gidrogeologik kartalar - real gidrogeologik tarkiblar modeli bo‘lib, unda er osti suvlari umumiy qonuniyatlari va joylashish sharoiti ko‘rsatiladi.
Morfogenetik kartalar – bular umumgeografik kartalar bo‘lib, Erni zamonaviy relefining kelib chiqish sabablari, bunda endogen va ekzogen jarayonlarning birgalikdagi harakati nitijalari tushuntiriladi.