Glossariy 1-mavzu. Marketing va uni rivojlanishining asosiy bosqichlari

ДАВЛАТ МАДҲИЯСИ – давлат герби ва давлат байроғи б-н бир қаторда давлат расмий рамзи ҳисобланадиган шеърий-мусиқий тантанавор асар, гимн.


Декорация – саҳнада кўрсатилаётган воқеа ўрнини акс эттиришга, спектаклнинг ғоявий маъносини очишга хизмат қилувчи сунъий манзара, бадиий жиҳоз. Декорация рангтасвир, графика архитектура, саҳна техникаси, кинопроекция ва шу кабиларнинг тасвирий воситалари ёрдамида яратилади.
ДИД – ҳаёт ва санъатнинг барча соҳаларида инсоннинг эстетик ҳодисаларни фарқлаш, тушуниш ва баҳолаш қобилияти. Д. узоқ ижтимоий-тарихий тараққиёт, меҳнатнинг турли соҳаларидаги тажрибалар натижасида вужудга келади. Д.да шахс, гуруҳ ва халқнинг оламга эстетик муносабати тажрибаси инъикос этилиб, уни ҳар бир киши турли йўллар б-н ўзлаштиради, ўз индивидуал эстетик фаолияти б-н бойитади.


ДИРИЖЁР (франц. diriger – йўналтириш, бошқариш, раҳбарлик қилиш) – мусиқа асарини ижро этувчи жамоалар (солистлар, хор, оркестр ва б)га раҳбарлик қилувчи санъаткор. Д. мусиқа асарини оммавий ижросига қадар ижрочи жамоа билан бўлган ҳамма тайёргарлик (репетиция)ни олиб боради. Асосий ижро вақтида эса (концерт ёки спектаклда) асарнинг ижро тезлиги, динамик туслари, айрим тўда ёки якка ижрочиларни тўхташ ёки ижро қилиш вақтларини кўрсатиб туради; жамоани бирлаштиради, руҳлантиради ва асарнинг бадиий ижроси учун ҳаракат қилади.


ДОРБОЗЛИК, дор ўйин – баланд дор устида томоша кўрсатиш санъати, цирк санъати жанри. Дор устида ҳар қандай нотурғун ҳолатда ҳам гавда мувозанатини сақлаш маҳорати намойиш этилади. Д. тахм. 2,5 минг йил муқаддам Шарқда пайдо бўлган, сўнг бутун дунёга тарқалган. Д. дастлаб паст қурилган, машқлари ҳам содда бўлган. Давр ўтиши б-н дор тобора баландроқ қурилиб, ўйинлари мураккаблаша борган. Д. ўйинлари аввал очиқ майдонларда, 18-а. охиридан эса цирк саҳнасида намойиш этиладиган бўлди ва цирк санъатининг ажралмас қисмига айланди.


Драма – 1) муаллиф нутқисиз, яъни диолог шаклида ёзилган ва саҳнада ижро этиш учун мўлжалланган бадиий адабиётнинг лирика ва эпос қаторидаги бир тури. 2) тор маънода – драматик адабиётнинг бир қисми, трагедиядан ҳаёт ҳодисаларининг ўртачароқ ўткирликда тасвирлаш билан, комедиядан эса ҳаёт ҳодисаларини кулги орқали эмас.,балки жиддий тасвирлаш билан фарқ қилади.