Glossariy 1-mavzu. Marketing va uni rivojlanishining asosiy bosqichlari

Амвол – арабча сўздан олинган бўлиб, хусусий шахсга қарашли мулк, мол-дунё, капитал деган маънони англатади.
Амортизация - 1. аста-секин эскираётган асосий фондлар қийматини ишлаб чиқарилаётган маҳсулот қийматига ўтказиш; 2. асосий фондлар қийматини улар воситасида ишлаб чиқариладиган маҳсулот ва хизматлар таннархига аста-секин ўтказиш ҳамда эскирган асосий фондларниниг ўрнини кейинчалик қоплаш мақсадида тўплаб бориладиган пул маблағлари.
Амортизация фонди - эскирган асосий фондларниниг ўрнини кейинчалик қоплаш мақсадида пул маблағларини тўплаб боришга мўлжалланган фонд.
Амортизацияланадиган қиймат – бу активнинг молиявий ҳисоботларда кўрсатилган бошланғич қийматидан унинг тахминий тугатиш қийматини айирган ҳолдаги суммасидир
Аналитик счётлар - синтетик счётлардаги (синтетик счётга қаранг) маълумотларни тавсилотлаб, аниқлаштириб кўрсатувчи счётларга айтилади.
Аналитик ҳисоб - аналитик счётлар ёрдамида амалга ошириладиган ҳисоб.
Аванс - корхонанинг бажариладиган иш, етказиб бериладиган мол-мулк, кўрсатиладиган хизматлар ва бошқалар учун тўланадиган тўловлар ҳисобига берадиган дастлабки пул суммаси.
Авизо – (итал. ависо)- банк, тижорат амалиётида ҳисоб-китоб ҳаракатларининг бажарилганлиги тўғрисида расмий хабарнома. Бир контрагент томонидан иккинчисига жўнатилади. Авизо ёрдамида банклар ўз мижозларини ҳисоб варақалари бўйича кирим ва кредит қайдлари, ҳисоб варақасидаги қолдиқ маблағлар, пул ўтказмаларини тўлаш, чек талабномасида аккредитив очиш ва бошқа ҳаракатлар тўғрисида хабардор қилади. Товар жўнатувчи томонидан товарни қабул қилувчига товар жўнатилгани ҳақидаги хат ҳам авизо деб аталади.
Аралаш тадбиркорлик - бу битта юридик шахс ва бир неча жисмоний шахс мулкини бирлаштириш йўли билан ташкил қилинадиган фаолият.
Айланма активлар - корхоналар ва ташкилотларнинг бухгалтерлик баланси актив қисмида акс эттириладиган, меъйёрга солинадиган ва меъёрга солинмайдиган айланма маблағлар.