Globallashuv sharoitida aholini ijtimoiy himoyalash tizimini takomillashtirish yo’nalishlari kirish bitiruv malakaviy ishi mavzusining dolzarbligi

II-BOB. AHOLINI IJTIMOIY HIMOYALASH TIZIMINI
MOLIYALASHTIRISHDA BYUDJET MABLAG’LARIDAN SAMARALI FOYDALANISHNING HOZIRGI AMALIYOTI TAHLILI
2.1. Globallashuv sharoitida ijtimoiy himoyalash tizimini
rivojlantirish tahlili
Prezidentimiz Islom Karimov rahnomoligidagi jamiyatni demokratlashtirish va yangilash, mamlakatni modernizatsiya va isloh qilishda aholining ko’makka muhtoj qatlamlari – nogironlar, serfarzand oilalar, yoshi ulug’ va yolg’iz keksalarni ijtimoiy himoyalashga ustuvor vazifa sifatida qaralmoqda.
Zero, Prezidentimiz rahbarligi ostida halqimiz tanlagan mustaqil taraqqiyot yo’limizning negizida mashhur besh tamoyildan biri – kuchli ijtimoiy siyosat o’zining yorqin ifodasini topgan. Davlatimiz rahbari tashabbusi bilan qabul qilinib, hayotga izchil tatbiq etilgan “Ijtimoiy himoya yili” Davlat dasturi doirasida bunday ishlar ko’lami tobora kengaydi.
Aholini ijtimoiy muhofaza qilishni yanada bo’yicha aniq maqsadga yo’naltirilgan chora-tadbirlar kompleksini amalga oshirish, jamiyatga ezgulik, mehr-muruvvat va hamjihatlik, tinchlik va osoyishtalik muhitini mustahkamlashga alohida e’tibor qaratilyapti.
Ayni paytda ehtiyojmand oilalar, nogironlar, yoshi ulug’kishilarga davlat tomonidan ijtimoiy yordam ko’rsatish mexanizmlarining asosiy tamoyillari yanada takomillashtirildi.
Bunda ijtimoiy adolat, xolislik va oshkoralik tamoyillariga qat’iy amal qilish, moddiy yordamni haqiqiy nochor oilalrga berish, ajratilgan mablag’lardan maqsadli va samarali foydalanishga katta ahamiyat qaratilmoqda. Nogironlarga moddiy va ma’naviy ko’mak ko’rsatish, ularni tibbi-ijtimoiy hamda psixologik reabilitatsiya qilish, jamiyatda o’z o’rnini topishiga yordamlashishi, zarur dori-darmonlar bilan ta’minlash kabi ishlarda yana bir karrra o’z ifodasini topmoqda. Tibbiy ko’makka muhtoj kishilar tibbiy-profilaktik ko’riklardan o’tkazilishi, protez-ortopedik vositalar, dori-darmonlar bilan ta’minlanishi barobarida nogiron bololar maktab ta’limi bilan qamrab olinib, uy sharoitida, maxsus maktab-internatlarda va umumta’lim maktablarida bilim olayotganlari e’tiborlidir.