Global iqtisodiy rivojlanish

Innovatsion texnologiyalar
joriy etish, trening, konsalting, transfert, audit, injiniring kabi turlarini o‘z ichiga oluvchi iqtisodiyotga yangiliklarni tatbiq etish bosqichlarida qo‘llaniluvchi usul va vositalar majmui.
Innovatsiya jarayoni	yangilik g‘oyasini rivojlantirishdan uning pirovard iste’molchi tomonidan iste’mol qilinishigacha bo‘lgan mantiqiy izchillikda harakatlanuvchi jarayon.
Inflyatsiya	pul muomalasi qonunlarining buzilishi natijasida milliy valyutaning qadrsizlanishi, narxlarning o‘sishi.
Infratuzilma	tovar ishlab chiqarish shartlarini ta’minlovchi ishlab chiqarish va noishlab chiqarish tarmoqlari kompleksi majmui.
Ishsizlik	iqtisodiy faol aholining bir qismi o‘z kuchini qo‘llay olmay "ortiqcha", mehnat zaxirasi bo‘lib qolish hodisasi.
Iqtisodiy va ijtimoiy kengash (EKOSOS)	BMTning asosiy boshqaruv organlaridan biri bo‘lib, uning xalqaro iqtisodiy munosabatlar sohasidagi faoliyatini muvofiqlashtirib turadi.
Iqtisodiy integratsiya	hududiy miqyosda sifat jihatdan yangi iqtisodiy muhitni yaratish yo‘li orqali milliy xo‘jalik komplekslarining o‘zaro yaqinlashish va bir-biriga kirib borish jarayoni.
Iqtisodiy ittifoq	iqtisodiy integratsiyaning oliy ko‘rinishi, u umumiy huquqiy me’yorlar, soliq bazasining soddalashtirilishi, ishlab chiqarish va ijtimoiy sohalarda yagona standartlarning joriy etilishi, yagona valyutaga o‘tish kabilar bilan tavsiflanadi.
“Katta yigirmalik”	20 ta yirik mamlakatlar guruhi bo‘lib, unga jahondagi eng boy mamlakatlar va yirik rivojlanayotgan davlatlar kiradi va jahon yalpi ichki mahsulotining 90 foiz ulushi ular hissasiga to‘g‘ri keladi.
Kon’yunktura	bu bozorda ma’lum bir vaqtda yuzaga kelgan iqtisodiy holat (asosan talab hamda taklif nisbati va u bilan bog‘liq bo‘lgan narxlar darajasi orqali yuzaga keladi).