Giyohvandlik nima ?

KOKAIN GIYOHVANDLIGI
Bu guruxga asosan kokain kiradi. Kokain bilan o`tkir va xronik zaxarlanish farq qilinadi.
O`tkir zaxarlanish yuz oqarishi, umumiy bexollik, bosh aylanishi, yurak o`ynashi tomirning noto`g`ri urishi, xalloslash bilan xarakterlanadi. Keyinchalik qon aylanshining keskin buzilishi va nafas funksiyasining izdan chiqishi qayd qilinadi. Nafas markazi falajlanishi oqibatida bemor xalok bo`lishi mumkin.
Xronik zaxarlanish preparatni uzoq vaqt qabul qilish oqibatida asta-sekin vujudga keladi. Kokainning dastlabki dozalarini qabul qilgandan so`ng avval engilgina bosh aylanishi, sal bosh og`rishi bo`lib, tez orada aqliy faoliyatining kuchayishi va kayfiyatning yoqimli tus olishi bilan almashinadi. Bemorlar ko`plab xatlar yozadilar va takrorlashlar bilan to`lib-toshgan arizalar yozadi. qo`zg`alish 2 soat davom etadi, so`ng xolsizlik, lokaylik, tushkunlikka tushishi bilan almashadi. Illyuziya va gallyusinasiyalar paydo bo`ladi, ba`zi ular qo`rquvlar bilan kechadi. Kokainga ancha tez o`rganiladi, ish molol kela boshlaydi, sekin- asta xotira pasayadi. Narkomanlar dag`al va xudbin bo`lib qoladilar. Gumonsiraydilar, shubxalanuvchan bo`ladilar. Kasallarning ishtaxasi pasayadi, Terisi oqargan, muskullari calqigan bo`ladi. Ba`zilariga go`yo teri ostiga kokain kristallari solib ko`yilgandek, teri ostida qurt-qumirsqalar, qo`ng`izlar o`rmalab yurgandek tuyuladi. Rashk vasvasasi ham bo`lishi mumkin. Kokainga o`rganib qolganda preparatning zararli ta`siri avvalo Giyohvandning o`ziga ziyon etkazadi. Organizmning xoldan toyishi, reaktivligining pasayishi tufayli yuqumli kasalliklarga moyillik ortadi. Chipqonlar chiqadi, ilgarigi xronik kasalliklar qaytalanib zo`rayadi.
Jamiyatga etadigan ziyon shu narsa bilan bog`likki, kokainni suiste`mol qiluvchi odam asta-sekin mehnat kollektividan chetlashadi, tekinxo`rlik yo`liga kiradi, parazit tarzida xayot kechiradi. Ular jamiyatga qarshi jinoyat qilishga ham qodir bo`lib qoladi.
Kokainga tez o`rganib qolinadi, so`ng preparatga tolerantlik paydo bo`ladi, eyforiyani ko`tarish va charchoqlikka qarshi kurashish uchun modda dozasini oshirishiga ishtiyok tugiladi.
Narkotikning navbatdagi gruppasini dietilamid lizergin kislotasi, ba`zi bir qo`ziqorinlar tarkibida bo`ladigan LSD- ergonovin psilosibinning yarim sintetik xosilasi tashkil etadi.
LSD bilan O`tkir zaxarlanishda ko`ngil aynish, qusish, so`lak ajralishi kuzatiladi, arterial bosimi pasayadi, kuzg`alish boshlanadi. Falajlik va xatto o`lim yuz berishi
mumkin. Psixik o`zgarishlar (buzilishlar) preparatni qabul qilgandan keyin 15-30 kun o`tgach paydo bo`ladi va engil alkogol mastligidagi xolatni eslatadi. So`ng umumiy behollik boshlanadi, qo`l va oyoqlar bilan zo`rg`a xarakatlanadilar. Ko`zlar yumuq va ko`z o`ngidan xuddi kinofilmdagidek turli xil manzaralar o`tadi. Tovushlar baland eshitiladi, narsa-buyumlar uzoqlashgan bo`lib ko`rinadi. Ko`rish gallyusinasiyalari yorkin, rang-barang bo`ladi, ammo shaxsni xursand qilmaydi. So`ng depressiya elementlari va soxta idrok qo`shiladi. Xayotdan voz kechish fikri tug`iladi. Fikrlash buziladi, qurquv, shubxalanish paydo bo`ladi.